Pyongyang
Pyongyang adolah ibu kota jo kota tagadang nagara Korea Utara nan talatak Sungai Taedong, sakitar 109 km (68 mil) ka hulu dari muaronyo di Lauik Kuniang. Manuruik hasia sensus tahun 2008, panduduaknyo bajumlah 3.255.288 jiwa.[1] Kota ko dijuluaki sabagai "Ibukota Revolusi" nan dikalola satara provinsi di Korea Utara.[2]
Paradaban di wilayah nan manjadi kota ko alah ado sajak zaman tembikar Jeulmun jo Mumun nan dibuktian dek panamuan arkeologi pado tahun 1955.[3] Pyongyang didirian pado tahun 1122 SM di situih ibu kota raja legendaris Dangun.[4] Kota ko manjadi ibu kota karajaan Koguryŏ dari tahun 427 M hinggo ditakluakan dek Silla pado tahun 668 M. Kota ko jatuah ka tangan Japang pado tahun 1592 jo dihancuan dek Manchu pado awal abaik ka-17. Pyongyang manjadi ibu kota de facto Korea Utara sasudah nagara tu badiri pado tahun 1948. Wakatu itu, pamarentah bakainginan untuak marabuik ibu kota rasmi Korea, Seoul.[5]
Rujuakan
suntiang- ↑ D P R Korea, 2008 Population Census, National Report. https://unstats.un.org/unsd/demographic/sources/census/wphc/North_Korea/Final%20national%20census%20report.pdf. Diakses pado 17 Pebruari 2018.
- ↑ "「혁명의 수도」선포...금속·건재 공업이 주류". JoongAng Ilbo (dalam bahasa Korea). 1989-07-03. Diarsipkan dari versi asli tanggal 11 August 2022. Diakses tanggal 2022-08-11.
- ↑ National Research Institute of Cultural Heritage. 2001. Geumtan-ri. Hanguk Gogohak Sajeon [Dictionary of Korean Archaeology], pp. 148–149. NRICH, Seoul. ISBN 89-5508-025-5
- ↑ "Pyongyang". Encyclopædia Britannica Online. http://www.britannica.com/EBchecked/topic/484693/Pyongyang. Diakses pado 19 April 2015.
- ↑ "P’yŏngyang summary". Encyclopædia Britannica Online. https://www.britannica.com/summary/North-Korea.