Hasnan Habib
Letjen. TNI (Purn.) Hasnan Habib (lahia di Maninjau, Agam, Sumatera Barat, 3 Desember 1927 – maningga di Jakarta, 16 Februari 2006 pado umua 78 taun) adolah surang pajuang kamardekaan, tokoh tantara, pangamat politik sarato diplomat Indonesia.
Hasnan Habib | |
|---|---|
| Berkas:Hasnan habib.jpg | |
| Lahia | 3 Desember 1927 |
| Maningga | 16 Februari 2006 (umua 78) |
| Kabangsaan |  Indonesia |
| Alma mater | Akademi Militer Yogyakarta Universitas Parahyangan |
| Karojo | Tantara, diplomat |
| Pasangan | Naida Zastia |
Pendidikan
suntiangHasnan manampuah pandidikan SD di Bukittinggi (luluih taun 1941), SLTP di Padang (1945) dan SLTA di Bandung (1955). Pandidikan tinggi dijalaninyo di Fakultas Ekonomi Universitas Parahyangan, Bandung, lalu tamaik pado taun 1957.
Dalam bidang katantaraan, sausai maikuti pandidikan calon parwira pado taun 1945, baliau lalu maikuti babagai pandidikan tantara di Indonesia (tamasuak Akademi Militer di Yogyakarta, 1945-1956) sarato lua nagari tamasuak di Yugoslavia (Higher Military Academy and War College di Beograd, Yugoslavia, 1962-1964) jo Naval Postgraduate School, Monterey, California, Amerika Serikat pado taun 1971.
Karier
suntiangKarier militernyo dimulai sabagai Parwira Mudo Kader sampai jo pangkek Letnan Satu salamo revolusi fisik di Sumatera Timur pado taun 1945-1950, Kumandan Instruktur Guru Kapalo Departemen bidang Pandiikan & Latihan Parwira-parwira Infantri Cimahi (1951-1957), Kumandan Sektor II di Curup jo Palembang (1957-1960), Wadan/PS dan Brigade Infanteri 8 Sumatera Selatan (1960-1962), Kapalo Diklat, Wakil Asisten II Menpangad Jakarta (1964-1970), Asisten Parancanaan Umum Departemen Hankam sarato Pambantu Utamo Bidang Analisis Militer Wanhankamnas Jakarta (1970-1973) jo Kasep/Kasmin Hankam sarato Kaskopkamtib III.
Dari taun 1973 sampai 1978, Habib manjadi anggota MPR. Baliau kudian batugeh sabagai Duta Basa RI untuak Amerika Serikat pado taun 1982-1985. Salain itu, baliau pernah manjadi Duta Basa Kaliliang Garakan Non-Blok untuak Amerika Utara, Karibia jo Amerika Latin dari taun 1992 sampai 1995. Habib kudian manjabat sabagai panasehat Mantari Riset jo Teknologi/Katua BPP Teknologi untuak Industri-industri Strategis pado maso Presiden Habibie.
Maningga dunia sarato kaluarga
suntiangKamih malam, 16 Februari 2006, sakitar pukua 21.20 WIB, Habib maningga dunia karano maidap babagai panyakik diantaronyo jantuang jo tumor di lambuang. Janazahnyo dimakaman di Taman Makam Pahlawan Kalibata. Dari pakawinannyo jo Naida Zastia, Hasnan dianugarahi ampek urang anak, namun salah surang anaknyo nan manjadi anggota TNI-AU alah maningga dunia dalam kacalakaan pasawat.
Pautan lua
suntiang- (Indonesia) Profil di Tokoh Indonesia Archived 2010-02-05 di Wayback Machine.
- (Indonesia) "Hasnan Habib Tutup Usia" Archived 2007-09-29 di Wayback Machine., KOMPAS, 17 Februari 2006
- (Indonesia) "Hasnan Habib Meninggal Dunia", GATRA, 17 Februari 2006
- (Inggirih) Obituari di The Jakrta Post Archived 2007-09-29 di Wayback Machine.
