Gulai udang
Gulai udang adolah jinih masakan lauik nan acok ditamuan di pasisia pantai Sumatera Barat. Gulai udang biasonyo disajian basamo hidangan lauik lainnyo sarupo gulai kapalo lauak, jo gulai sotong. Masakan jinih ko bakuah santan agak pakek nan dicampua jo bumbu atau langkok-langkok. Gulai udang ko ado pulo nan manambahan kacang panjang atau palangkok lain sarupo kantang, buncih, tahu, jo cumi-cumi ka dalamnyo. Salain di pasisia pantai, ado pulo nan manjua gulai udang ko di rumah makan padang.[1]
 Gulai udang | |
| Asa | |
|---|---|
| Nagara | Indonesia |
| Daerah | Sumatera Barat |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | sotong, santan karambia, lado, bumbu |
Caro mambuek
suntiangBahan-bahan untuak mambuek gulai udang barupo udang, santan, buncih, lado, bawang merah, bawang putiah, kunyik, sarai, langkuweh, sipadeh, gulo, jo garam. Sabalun dimasak, udang dibarasiahan jo dibuang kotorannyo. Salanjuiknyo tumih bumbu aluih jo bumbu lainnyo sampai harum. Tambahan aia saketek jo santan, aduak marato. Masuakan garam jo gulo. Kalau rasonyo alah pas, masuakan udang tadi jo buncih. Diaduak sampai udang jo buncih masak.[2][3]
Rujuakan
suntiang- ↑ Redaksi. "Menu Siang Ini, Resep Gulai Udang dan Buncis". www.harianhaluan.com. Diakses tanggal 2021-06-09.
- ↑ Redaksi. "Menu Siang Ini, Resep Gulai Udang dan Buncis". www.harianhaluan.com (dalam bahasa Indonesia). Diakses tanggal 2021-06-09.
- ↑ Okezone (2021-01-07). "Gulai Udang dan Buncis, Hidangan Lezat untuk Para Penikmat Seafood : Okezone Lifestyle". Diakses tanggal 2021-06-09.