Gulai sotong
Gulai sotong marupoan jinih masakan lauik nan acok ditamui di daerah pasisia Sumatera Barat. Bahan utamo masakan ko adolah sotong atau cumi-cumi. Gulai sotong baciri khas kuah gulai kuniang nan dicampua jo rempah. Biasonyo disajian basamo masakan lauik lainnyo sarupo gulai kapalo lauak. Gulai sotong ado pulo nan dicampua jo kacang panjang atau asam tunjuak.[1]
 Gulai sotong | |
| Asa | |
|---|---|
| Namo lain | Gulai cumi-cumi |
| Nagara | Indonesia |
| Daerah | Sumatera Barat |
| Detail | |
| Jinih idangan | Utamo |
| Panyajian | Angek atau suhu ruangan |
| Bahan utamo | sotong, santan karambia, lado, bumbu |
Caro mambuek
suntiangBahan-bahan nan digunoan untuak mamasak gulai sotong adolah sotong, asam kandih, daun kunyik, daun salam, daun limau, sarai, langkuweh, sipadeh, tomat, kacang panjang jo santan. Untuak bumbu aluihnyo manggunoan lado merah, bawang merah, bawang putiah, jo kunyik. Sabalun dimasak, sotong dibarasiahan. Tumih bumbu aluih samo daun salam, daun limau, jo asam kandih sampai harum. Kalau alah harum baru ditambahan aia. Salanjuiknyo masuakan kacang panjang jo sotong, diaduak sampai marato. Kalau alah manggalagak, masuakan tomat jo santan, aduak sampai manggalagak.[2][3]
Rujuakan
suntiang- ↑ "Resep Gulai Sotong Enak Kaya Akan Protein". MerahPutih. 2016-07-29. Diakses tanggal 2021-06-08.
- ↑ "Cara Membuat Gulai Cumi ala Rumah Makan Padang, Empuk dan Lezat". iNews.ID (dalam bahasa Indonesia). 2020-06-14. Diakses tanggal 2021-06-08.
- ↑ Aditya, Geby Yogita (2021-02-24). "Resep Gulai Cumi Pedas Khas Padang yang Maknyus dan Bikin Nagih - Portal Jember". portaljember.pikiran-rakyat.com (dalam bahasa Indonesia). Diakses tanggal 2021-06-08.