Gulai masin ikan atau gulai pangek masin atau cukuik pangek masin adolah salah satu hidangan nan barasa dari Sumatra Barat. Hidangan iko marupokan sajinih gulai jo bahan dasa utamonyo barasa dari ikan. Ikan nan digunokan dapek ikan aia lauik maupun ikan aia tawa, namun umumnyo nan dipakai antaro lain tongkol, tenggiri, kakap, dan ikan mas.

Gulai masin ikan
Asa
Namo lainGulai pangek masin, pangek masin
NagaraIndonesia
DaerahSumatra Barat
Detail
Jinih idanganMakanan utama
Bahan utamoIkan (tongkol, tenggiri, kakap, ikan mas), santan, kunyit, bumbu

Ciri khas nan manonjol dari hidangan iko adolah warna kuahnyo nan pakek kakuniangan dek pamakaian kunyik. Salain itu, hidangan iko mamiliki raso nan kompleks mulai dari guriah, saketek masam, saketek masin, saketek manih, inggo padeh ado dalam hidangan ko. Kudian, sado bagian dari ikan dapek digunoan dalam hidangan iko baiak sacaro utuah atau anyo sabagiannyo, nan ma bagian paliang disukoi adolah bagian kapalo ikan.

Bahan suntiang

Untuak mambuek masakan ko, bahan utamo nan diparaluan iyolah ikan baukuran manangah, jo ragam ikan nan sasuai jo salero. Bumbu gulai masin di antaronyo santan, sarai, lado, daun salam, jo daun limau. Samantaro bumbu aluihnyo tadiri dari bawang sirah , bawang putiah, kunyik, jo sipadeh. Untuak mambangkik raso masamnyo, dipakai asam sunti atau asam tunjuak, kadang asam kandih dapek juo dipakai. Daun ruku-ruku biasonyo turuik ditambuahan sainggo samakin arum gulainyo.[1]

Caro mambuek suntiang

Cara mambueknyo adolah ikan nan alah dibarasiahan dipotong-potong, lalu dilumuri limau nipih jo garam. Kudian didiamkan sakitar 15 minik untuak mailangan baun amih dari ikan. Samantaro itu, santan dimasak jo bumbu aluih jo bumbu gulai lainnyo sambia dikacau taruih supayo santan indak pacah. Sasudah santan mandidiah, ikan dimasuakan ka dalamnyo disusua jo asam tunjuak jo daun ruku-ruku, lalu masak inggo matang.[1][2]

Budayo suntiang

Hidangan ko acok ado di restoran Padang inggo kadai-kadai nasi, dan acok basobok di daerah pasisia co di Pariaman jo Padang walau basobok juo di tampek lain di Sumatera Barat. Indak ado data tatulih nan mancaritokan bilo makanan ko mulai dituju dek urang Minang. Manuruik curito urang-urang tuo di kampuang, baso hidangan ko biasonyo bamasak sangkek hari-hari gadang mode acara alek syukuran, aleh pakawinan, jo manjalang mintuo. Namun, lai banyak juo nan mamasaknyo di hari-hari biaso.

Rujuakan suntiang