Geofisika
Templat:Ilmu Geofisika adolah bagian dari ilimu bumi nan mampalajari bumi menggunoan kaidah atau prinsip-prinsip fisika. Di dalamnyo tamasuak pulo meteorologi, elektrisitas atmosferis dan fisika ionosfer. Panalitian geofisika untuak mangatahui kondisi di bawah pamukaan bumi malibekan pangukuran di ateh pamukaan bumi dari parameter-parameter fisika nan dimiliki dek batuan di dalam bumi. Dari pangukuran iko dapek ditafsiran baa sifaik-sifaik dan kondisi di bawah pamukaan bumi baik itu sacaro vertikal maupun horisontal.
Dalam skala nan babeda, metode geofisika dapek diterapan sacaro global iyolah untuak manantuan struktur bumi, sacaro lokal iyolah untuak eksplorasi mineral dan patambangan tamasuak minyak bumi dan dalam skala ketek iyolah untuak aplikasi geoteknik (panantuan fondasi bangunan dll).
Di Indonesia, ilmu iko dipalajari hampia di kasado paguruan tinggi negeri nan ado. Biasayo geofisika masuak ka dalam fakultas Matematika dan Ilmu Pengetahuan Alam (MIPA), karano paralu dasar-dasar ilimu fisika nan kuek, atau ado pulo nan memasukkannyo ka dalam bagian dari Geologi. Kini ko, baik geofisika maupun geologi hampia manjadi suatu kasatuan nan indak tapisahan dari Ilmu bumi.
Bidang kajian ilimu geofisika maliputi meteorologi (udaro), geofisika bumi padek dan oseanografi (lauik).
Babarapo contoh kajian dari geofisika bumi padek misalnyo seismologi nan mampalajari gampobumi, ilimu tantang gunuangapi (Gunung Berapi) atau volcanology, geodinamika nan mampelajari dinamika pagerakan lempeng-lempeng di bumi, dan eksplorasi seismik nan digunaoan dalam pancarian hidrokarbon.
Metode-metode geofisika
suntiangSacaro umum, metode geofisika dibagi manjadi duo kategori iyolah metode pasif dan aktif. Metode pasif dilakuan jo maukua medan alami nan dipancaran dek bumi. Metode aktif dilakuan jo mambuek medan gangguan kamudian mangukua respons nan dilakuan dek bumi. Medan alami nan dimukasuik disini misalnyo radiasi galombang gampo bumi, medan gravitasi bumi, medan magnetik bumi, medan listrik dan elektromagnetik bumi sarato radiasi radioaktivitas bumi. Medan buatan dapek barupo ledakan dinamit, pamberian arus listrik ka dalam tanah, pangiriman sinyal radar dan lain sabagainyo.
Sacaro praktis, metode nan umum digunaoan di dalam geofisika tampak takah tabel di bawah iko:
| Metode | Parameter nan diukua | Sifat-sifat fisika nan terlibat |
|---|---|---|
| Seismik | Waktu tibo galombang seismik pantul atau bias, amplitudo dan frekuensi gelombang seismik | Densitas dan modulus elastisitas nan manantuan kacepatan rambat gelombang seismik |
| Gravitasi | Variasi harago percepatan gravitasi bumi pado posisi nan babeda | Densitas |
| Magnetik | Variasi harago intensitas medan magnetik pado posisi nan babeda | Suseptibilitas atau remanen magnetik |
| Resistivitas | Harago resistansi dari bumi | Konduktivitas listrik |
| Polarisasi terinduksi | Tegangan polarisasi atau resistivitas batuan sabagai fungsi dari frekuensi | Kapasitansi listrik |
| Potensial diri | Potensial listrik | Konduktivitas listrik |
| Elektromagnetik | Respon tahadok radiasi elektromagnetik | Konduktivitas atau Induktansi listrik |
| Radar | Wakatu tibo parambatan galombang radar | Konstanta dielektrik |
Pranala luar
suntiang- Badan Meteorologi dan Geofisika Archived 2006-04-24 di Wayback Machine.
- Dept. Geofisika dan Meteorologi Institut Teknologi Bandung Archived 2005-12-28 di Wayback Machine.
- Geofisika UGM
- Geofisika di Internet
- Asosiasi Geofisikawan Eropa
- Himpunan Ahli Geofisika Indonesia Archived 2023-05-30 di Wayback Machine.