Kristen Ortodoks
Kristen Ortodoks atau Gareja Ortodoks Timur,[1] jo namo resmi Gareja Katolik Ortodoks,[2] disabuik juo Gareja Ortodoks, Ortodoksi Timur, jo Ortodoksi,[3] adolah aliran Kristen paliang gadang kaduo di dunia,[4] jo pakiroan jumlah umaik sakitar 225–300 juta urang.[5] Aliran ko bukan bagian dari Katolik Timur ataupun Kristen Orthodoks Oriental.
Kristen Ortodoks marupokan ciek dari lembaga-lembaga agamo tatuo di dunia,[6] nan maajakan baso Gareja nan Aso, Kuduih, Katolik, jo Apostolik didirikan dek Yesus Kristus dalam Amanaik Aguang-Nyo kapado rasul-rasul, dan mampraktikkan apo nan dipahami sabagai iman asali nan diwarihkan dari rasul-rasul.
Kristen Ortodoks masih basakutu jo Gareja Latin sabalun Skisma Timur–Barat taun 1054, dan jo gareja-gareja Oriental salamo saparampek partamo sijarahnyo. Ortodoksi manyeba di sadoalah Kakaisaran Romawi dan kudian Bizantium sarato daerah sakaliliangnyo,[7] mamainkan suatu peran pantiang dalam budayo Eropa, Timur Dakek, Slavia, jo sabagian budayo Afrika. Tahta episkopalnyo nan paliang utamo adolah Konstantinopel.
Ortodoksi indak mampunyoi Kapausan ataupun kauskupan sarupo Katolik Roma. Istilah "Timur" biaso digunokan, walaupun indak resmi, diambiak dari kaitannyo sacaro geografis jo gareja-gareja "Barat", nan kini tanamo sabagai Gareja Katolik Roma, dan dek karano Konstantinopel marupokan ibu kota Kakaisaran Romawi Timur.
Rujuakan
suntiang- ↑ (Inggirih) "Three tertiary reference sources online". Diakses tanggal 7 May 2014.
- ↑ Encyclopædia Brittanica Online, "Eastern Orthodoxy" "Eastern Orthodoxy, official name, used in British English as well, is Orthodox Catholic Church, one of the three major doctrinal and jurisdictional groups of Christianity.".
- ↑ (Inggirih) Calivas, Rev. Alciviadis C. (1983). "The Greek (Eastern) Orthodox Church". Greek Orthodox Archdiocese Of America. Diakses tanggal 7 May 2014.
- ↑ (Inggirih) "Christianity". Major Branches of Religions Ranked by Number of Adherents. adherents.com. Diarsipkan dari versi asli tanggal 19 August 1999. Diakses tanggal 22 May 2014.
- ↑ (Inggirih) Fairchild, Mary. "Christianity:Basics:Eastern Orthodox Church Denomination". about.com. Diarsipkan dari versi asli tanggal 5 June 2016. Diakses tanggal 22 may 2014.
- ↑ Ware 1993, hlm. 8.
- ↑ Binns 2002, p. 3
.svg){kind=small}