Katedral

Katedral (bahaso Latin: cathedra, tampek duduak, dari bahaso Yunani kathedra (καθέδρα), tampek duduak, kurisi) adolah gaduang Gareja Katolik nan di dalamnyo ado tampek duduak khusus untuak uskup. Katedral adolah bangunan agamo untuak urusan ibadat, khususnyo untuak denominasi-denominasi (aliran Kristen) nan mampunyoi hierarki episkopal (kauskupan), sarupo Gareja Katolik, Gareja Anglikan, Gareja Ortodoks, sabagian Gareja Lutheran, jo sabagian Gareja Metodis, nan bafungsi sabagai tahta uskup, dan dek karano itu juo bafungsi sabagai gareja pusek dari sabuah wilayah kauskupan.

Katedral.

Katedral São Paulo, Brasil; sabuah contoh katedral modern bagaya arsitektur Neo-Gothik.

Dalam Gareja Ortodoks Yunani, istilah "kathedrikos naos" (arati harafiah: "tampek suci katedral") kadang-kadang digunoan untuak manyabuik gaduang Gareja tampek kaduduakan saurang uskup aguang atau "metropolitan". Istilah "metropolis" (arati harafiah: "ibukota") labiah umum digunoan daripado istilah "kauskupan" untuak manyabuik wilayah gubalo dalam Gareja.

Ado variasi-variasi dalam panggunoan istilah "katedral"; misanyo, sabagian katedral dari zaman pra reformasi di Skotlandia nan kini dipunyoi dek Gareja Skotlandia masih tatok mampatahankan istilah katedral, walaupun Gareja tu maanuik kabijakan presbiteran nan indak mampunyoi uskup-uskup do. Hal nan samo tajadi di Jerman, di mano gareja-gareja Protestan (sabagian gadang non-episkopal) nan bakarajo samo dalam ciek tampek yakni Gareja Injili di Jerman, mampunyoi babarapo katedral dari zaman pra reformasi ataupun nan anyo manggunoan istilah katedral sabagai gala kahoromatan sajo, bukan untuak manunjuakan supremasi hirarkis apo pun do. Dek karano katedral acok baukuran gadang dan megah, istilah katedral acok digunoan sacaro kaliru untuak manyabuik gaduang Gareja mano pun nan baukuran gadang atau basipaik pantiang.

Babarapo katedral di Eropa, misanyo di Strasbourg, Essen, Freiburg, dan di Inggirih di York, Lincoln and Southwell, disabuik sabagai gareja Minster (bahaso Jerman: Münster), dari kato Latin monasterium, karano gaduang-gaduang Gareja tasabuik diuruih dek imam-imam nan iduik dalam komunitas atau panah manjadi biaro, sabalun Reformasi Protestan.