Gas minyak caia

Gas minyak caia (bahaso Inggirih: Liquefied petroleum gas, disingkek LPG atau LP gas) atau dikana Elpiji adolah campuran mudah tabaka^[1] nan tadiri dari gas hidrokarbon, paliang soriang propana, butana, dan propilena. Dangan manambah tokanan dan manurunkan suhunyo, gas barubah manjadi caia. Komponennyo didominasi propana (C₃H₈) dan butana (C₄H₁₀). Gas minyak caia manganduang juo hidrokarbon ringan lain dalam jumlah ketek, misalnyo etana (C₂H₆) dan pentana (C₅H₁₂).

Dalam kondisi atmosfir, gas minyak caia akan babantuak gas. Volume gas minyak caia dalam bantuak caia labiah ketek dibanding dalam bantuak gas untuak barek nan samo. Basobok gas minyak caia dijua dalam bantuak caia dalam tabung-tabung logam kareh batokanan.^[2] Untuak mamungkinkan tajadinyo ekspansi paneh (thermal expansion) dari cairan nan dikanduangnyo, tabung gas minyak caia indak diisi sacaro panuah, hanyo sakitar 80-85% dari kapasitasnyo. Rasio antaro volume gas bilo manguap dangan gas dalam kaadaan caia bavariasi tagantuang komposisi, tokanan dan temperatur suhu, biasoyo sakitar 250:1.

Tokanan ketiko gas minyak caia babantuak caia, banamo takanan uap, jua baragam tagantuang komposisi dan temperatur suhu; sabagai contoh, dibutuahkan takanan sakitar 220 kPa (2.2 bar) untuak butana murni pado 20 °C (68 °F) supayo mancaia, dan sakitar 2,2 MPa (22 bar) untuak propana murni pado 55 °C (131 °F).

Bahayo

Rujuakan

↑ Alvi, Moin ud-Din. "Aerosol Propellant | Aerosol Propellant Gas | Aerosol Supplies Dubai – Brothers Gas". www.brothersgas.com. Diarsipkan dari versi asli tanggal 30 December 2016. Diakses tanggal 2016-06-14.
↑ Zivenko, Oleksiy (2019). "LPG Accounting Specificity During ITS Storage and Transportation". Measuring Equipment and Metrology (dalam bahasa Inggris). 80 (3): 21–27. doi:10.23939/istcmtm2019.03.021. ISSN 0368-6418.

Pautan lua

Cari tau tantang Gas minyak caia di proyek-proyek Wikimedia lainnyo:
	Definisi dan terjemahan dari Wiktionary
	Gambar dan media dari WikiCommons
	Buku dari Wikibooks
	Entri basis data #Q351609 di Wikidata

Media tantang Gas minyak caia di Wikimedia Commons

[1] Alvi, Moin ud-Din. "Aerosol Propellant | Aerosol Propellant Gas | Aerosol Supplies Dubai – Brothers Gas". www.brothersgas.com. Diarsipkan dari versi asli tanggal 30 December 2016. Diakses tanggal 2016-06-14.

[2] Zivenko, Oleksiy (2019). "LPG Accounting Specificity During ITS Storage and Transportation". Measuring Equipment and Metrology (dalam bahasa Inggris). 80 (3): 21–27. doi:10.23939/istcmtm2019.03.021. ISSN 0368-6418.

[1]

[2]