Diabetes insipidus
| Artikel ko maagiah informasi dasa tantang topik kasihatan. Informasi dalam artikel ko buliah digunoan anyo untuak panjalehan ilmiah, bukan untuak diagnosis diri dan indak dapek manggantian diagnosis medis. Paratian: Informasi dalam artikel ko bukanlah resep atau nasihaik medis. Wikipedia bukan pangganti dotor. Kok Sanak paralu bantuan atau ka barubek bakonsultasilah jo tanago kasihatan profesional. |
Diabetes insipidus (DI) adolah kondisi nan ditandoi jo pangaluaran urin nan banyak sarato marasokan auih nan bakatarusan.[1] Kondisi ko agak cukuik sarik ditamui masyarakaik. Dalam kondisi parah, urin pandarito dapek kalua inggo mancapai 20 liter per ari.[1] Komplikasi nan dapek muncua yaitu dehidrasi (tubuah kurang aia) jo kajang.[1]
Ado ampek tipe dari diabetes insipidus, satiok tipe mampunyoi pabedaan manuruik panyababnyo.[1] Diabetes insipidus sentral marupokan tipe nan disababkan dek hormon vasopresin (hormon antidiuretik; hormon panahan pipis) nan indak ado. Hal iko bisa disababkan dek karusakan pado hipotalamus atau kalenjar pituitari atau malah katurunan. Diabetes insipidus nefrogenik marupokan tipe nan disababkan dek ginjal nan indak rancak marespon ka vasopresin. Diabetes insipidus dipsogenik marupokan hasia dari kalabiahan cairan nan masuak ka tubuah sainggo marusak mekanisme hipotalamus untuak marespon auih. Hal iko labiah acok tajadi pado urang jo kalainan psikiatri atau dek ubek tatantu nan rutin inyo pakai. Diabetes insipidus gestasional adolah kondisi diabetes insipidus nan tajadi salamo manganduang. Diagonosis acok ditagakkan manuruik pamaresoan urin, pamaresoan darah, jo pamaresoan cairan tubuah. Diabetes melitus marupokan kondisi nan babeda sarato indak ado kaitannyo jo mekanisme panyakik ko, walau kaduonyo mampunyoi gejala nan sarupo yaitu produksi urin nan bakalabiahan.[1]
Pangobatan nan dilakukan malibaikan pangalolaan cairan nan masuak dalam tubuah untuk maadang tajadinyo dehidrasi. Pangobatan lain bagantuang pado tipe panyakiknyo. Pado tipe sentral jo gestasional, pangobatan nan paralu adolah jo desmopressin. DI tipe nefrogenik diubek jo mancari tau panyakik nan mandasarinyo atau mamakai tiazid, aspirin, atau ibuprofen.[1]
Jumlah kasus baru diabetes insipidus tiok taunnyo adolah 3 dari 100.000.[2] DI sentral biasonyo dimulai antaro umua 10 sampai 20 sarato saimbang antaro laki-laki jo padusi.[3] DI nefrogenik dapek dimulai pado umua bara se.[4] Istilah "diabetes" pado namo panyakik ko barasa dari bahaso Yunani nan aratinyo "maalia".[5]
Caliak pulo
suntiangRujuakan
suntiang- ↑ a b c d e f "Diabetes Insipidus". National Institute of Diabetes and Digestive and Kidney Diseases. October 2015. Diarsipkan dari versi asli tanggal 13 May 2017. Diakses tanggal 28 May 2017.
- ↑ Saborio P, Tipton GA, Chan JC (2000). "Diabetes Insipidus". Pediatrics in Review. 21 (4): 122–129. doi:10.1542/pir.21-4-122. PMID 10756175.
- ↑ "Central Diabetes Insipidus". NORD (National Organization for Rare Disorders). 2015. Diarsipkan dari versi asli tanggal 21 February 2017. Diakses tanggal 28 May 2017.
- ↑ "Nephrogenic Diabetes Insipidus". NORD (National Organization for Rare Disorders). 2016. Diarsipkan dari versi asli tanggal 19 February 2017. Diakses tanggal 28 May 2017.
- ↑ Rubin, Alan L. (2011) (dalam bahaso en). Diabetes For Dummies (edisi ke-3). John Wiley & Sons. p. 19. ISBN 9781118052488. https://books.google.ca/books?id=uYD92j-iQo8C&pg=PA19.
