Daur ulang

Daur ulang adolah proses untuak manjadikan suatu bahan bekas manjadi bahan baru batujuan mancogah adonyo sampah nan saboneghnyo dapek manjadi sasuatu nan baguno, mangurangi panggunoan bahan baku nan baru, mangurangi panggunoan energi, mangurangi polusi, karusakan lahan, dan emisi gas rumah kaco jiko dibandingkan dangan proses pambuatan barang baru. Daur ulang iyolah ciek dari strategi pangalolaan sampah padek nan tadiri ateh kagiatan pamilahan, pangumpulan, pamrosesan, pandistribusian dan pambuatan produk/material bekas pakai, dan komponen utamo dalam manajemen sampah modern dan bagian katigo dalam proses hierarki sampah 4R (Reduce, Reuse, Recycle, and Replace).

Simbol internasional untuak daur ulang.
Media: Daur ulang

Masin daur ulang. Masuakkan sampah nan baguno dapek didaur ulang dituka dangan pitih.

Material nan dapek didaur ulang tadiri dari sampah kaco, plastik, karateh, kardus, logam, tekstil, dan barang elektronik. Dek biktu sarupo, proses pambuatan kompos nan umumnyo manggunoan sampah biomassa nan dapek didegradasi dek alam, indak dikategorikan sabagai proses daur ulang. Daur ulang lobiah difokuskan kapado sampah nan indak dapek didegradasi dek alam sacaro alami untuak pangurangan karusakan lahan. Sacaro garih bosegh, daur ulang adolah proses pangumpulan sampah, panyortiran, pambarosiahan, dan pamrosesan material baru untuak proses produksi.

Pado pamahaman nan tabateh, proses daur ulang haruih manghasilkan barang nan sarupo dangan barang aslinyo dangan material nan samo, contohnyo karateh bekas haruih manjadi karateh dangan kualitas nan samo, atau busa polistirena bekas haruih manjadi polistirena dangan kualitas nan samo. Soriang kali, hal iko sulik dilakuan basobok lobiah mahegh dibandiangkan dangan proses pambuatan dangan bahan nan baru. Jadi, daur ulang iyolah proses panggunoan baliak material manjadi produk nan babedo. Bantuak lain dari daur ulang iyolah ekstraksi material baharogo dari sampah, ajak ameh dari prosesor komputer, timah hitam dari baterai, atau ekstraksi material nan babahayo ka lingkungan, ajak merkuri.

Daur ulang iyolah sasuatu nan luar biaso nan dapek didapek dari sampah. Proses daur ulang aluminium dapek manghemat 95% energi dan mangurangi polusi udaro sabanyak 95% jiko dibandingkan dangan ekstraksi aluminium dari tambang hinggo prosesnyo di pabrik. Panghematan nan cukuik bosegh pado energi juo didapek dangan mandaur ulang karateh, logam, kaco, dan plastik.

Pautan lua

• Pemanfaatan Barang Daur Ulang : Rahasia Ekonomi : Cara Memanfaatkan barang bekas 1887