Kaco
Kaco barasa dari bahan nan basifaik caia namun mamiliki kapadekan nan tinggi, dan struktur amorf.[1] Atom-atom di dalamnyo indak mambantuak suatu jalinan nan baraturan. sarupo kristal, atau biaso disabuik galeh.[1] Kaco kabanyakan dibuek dari silika (SiO2), campuran batu kasiak jo fluks nan mahasilkan kakentalan dan titiak leleh nan indak talampau tinggi, untuak kamudian dicampua baliak jo bahan stabilisator supayo inyo kuaik.[1]
Kaco jandela, lampu, jo boto, tagolong sabagai kaco sodalime nan tabuek dari silika (SiO2), fluks soda, (Na2O) jo stabilisator lime atau tanah liek kapua (CaO) dengan magnesia MgO nan saketek dicampua jo alumina (AI2o2). Jenis kaco nan tahan jo paneh adolah kaco borosilikat. Kaco iko tabuek ari silika, boron ok sida (B2O3), alumina jo soda nan mampunyoi titiak leleh nan tinggi dan indak murah pacah jikok dipanehan, karano koefisien muainyo amek ketek. Kaco sarupo iko biaso disabuik pireks. Kaco silika nan dileburkan atau kuarsa nan malebur surang, jo 99,9% silika mampunyoi titiak leleh sagadang 1.580°C, koefisien muai nan randah, dapek manambuih radiasi ultraungu jo inframerah.
Warna hijau pado kaco bafungsi untuak adonyo ionfero. Warna iko dapek dihilangkan jo manambahan natrium nitrat atau mangan dioksida pado tahap pambuatannyo. Untuak mambuek kaco bawarna biru kito dapek manggunokan kobalt oksida, ungu jo mangan oksida, jugo merah ameh atau selen, kuniang dengan uranium oksida lain (kobalt, besi nikel jo mangan). Kaco susu diciptakan dari salah ciek atau hasil campuran dari kalsium flourida, arsen trioksida, aluminium oksida, seng oksida, jo kalsium fosfat. Kaco aman adolah kaco nan tahan tahadok banturan. Kaco iko tabuek dari duo lapih kaco nan dirakekan ciek jo nan lainnyo manggunoan lapisan tipih dari seluosa asetat atau bahan plastik lainnyo.
Pamakaian kaco di kahidupan sahari-hari suntiang
Kaco Las suntiang
Kaco iko bafungsi untuak malinduangi area muko katiko saurang sadang mangelas. Tarutamo pado kagiatan pangelasan listrik. Sacaro kaseluruhan kaconyo bawarna galok, karano kaco iko harus dapek mangabsorbsi sado sinar inframerah, ultraungu, sabagian gadang sinar lainnyo nan dapek manyababkan panyilauan. Dalam malinduangi kaco galok dari parcikan api las, tadapek kaco palinduang nan janiah dipasang di bagian lua kaco. Untuak las listrik, alaik ko manjadi bagian dari topeng las atau helm las.
Kacomato suntiang
Adolah alaik optik nan dipakai pado area muko mato, nan bafungsi sabagai lensa jo mambantu perbaikan pado kalainan-kalainan refraksi mata. Kalainan tasabuik tajadi karano daya pambiasan mato nan kurang, dengan bola mato nan labiah pendek, atau pambiasan mato nan talampau kuaik, dengan bola mato nan labiah panjang. Kacamato dapek dibedaan dari babarapo janihnyo, yaitu kacomato jo lensa cambuang (positif) untuak panderita rabun dakek (hipermetropi), kacomato jo lensa cakuang (negatif) untuak pandarita rabun jauah (miopa). Pengguno kacomato nan barumua di ateh 10 taun, mambutuahan kacomao bifokus. Kacomato bifokus iolah kacomato balensa ganda, dengan lensa ateh untuak maliek jauah, dan lensa bawah untuak maliek dakek.
Peralatan optik suntiang
Kaco sacaro maluweh banyak dipakai karano komposisinyo nan basifaik transparan dan dapek ditambuih cahayo. Sifaik dari polikristalin, sacaro batentangan, indak mampunyoi kamampuan untuak mahantaan cahayo. Kristal, dalam bantuak nan tapisah mungkin transparan, tatapi butiran-butiran pambateh dari kristal tasabuik mampu marefleksian atau mamancaan cahayo jo mahasilkan refleksi nan manyeba. Kaco indak maganduang bagian internal nan baasoisasi jo butira pambateh pado polikristal dan indak mampu mamancaan cahayo sabagaimano polikristalin. Pamukaan kaco acok lambuik, karano samanjak tahap pambantukannyo, molekul dari cairannan didinginkan indak dipaso untuak mambuang kristal dengan kondisi geometris nan kasa jo dapek mangikuti takanan pamukaannyo, sahinggo sacaro mikroskopis manjadi lambuik. Bahan-bahan tasabuik nan mambuek kebeningan kaco dapek batahan maskipun babarapo bagian dari kaco dapek manyerap cahayo.
Partisi kaca suntiang
Pamasangan kaco juo dapek dipakai untuak bangunan dalam kahidupan sahari-hari. Sifaik kaco ko nan transparan dan tambuih cahayo sangaik lah pantiang sabagai sirkulasi sinar matohari, sarato mampaluweh pandangan tahadok area lua bagi urang di dalam bangunan. Contoh panggunoan kaco untuak bangunan, antaro lain dapek barupo partisi nan digunoan sabagai pambagi atau panyakaik sabuah ruangan. Pamakaian kaco untuak panyakaik ruangan mamiliki banyak manfaaik bagi sabuah bangunan. Babarapo manfaaik partisi kaco adolah indak mambebani struktur, labiah himaik biaya dibandiangkan jo pambuatan tembok, murah untuak dibongka-pasang sacaro baulang manyasuaian kabutuhan, jo banyak lainnyo.
Pintu kaco suntiang
Kaco nan transparan jugo digunoan sabagai salah ciek bagian dari bangunan untuak mamajang isi di dalam ruangan. Banyak bangunan pakantoran dan mall manggunoan pintu kaco nan mampunyoi bukaan sarupo pintu kayu, yaitu bukaan model swing (diayun) atau sliding (digeser). Bahkan, pintu kamar mandi pun alah banyak nan mangunoan material kaco.
Kanopi kaco suntiang
Kanopi kaco dimanfaaikkan untuak sirkulasi matohari cukuik dalam sabuah ruangan, dengan caro mamposisian kaco sabagai atok atau plafon. Biasonyo, kanopi kaco diterapkan pado garasi oto, void rumah, dan atok kaco.
Curtain Wall suntiang
Curtain wall adolah pamasangan kaco untuak facade (muko) bangunan. Pamakaian kaco pado muko bangunan contohnyo adolah untuak mamajang isi dalam bangunan, sarupo pado showroom dan dealer oto. Selain murah dari segi biayanyo, panggunoan curtain wall juo dapek mambuek bangunan taliek mangikuikan trend kakinian jo manjadi ikonik.