Datuak Katumanggungan

Datuak Katumanggungan adolah gala salah surang tokoh legendaris panyusun adaik Minangkabau. Sistem adaik nan disusun Datuak Katumanggungan iko dikana juo jo namo Lareh Koto Piliang. Sadangkan di Malaysia jo Singapura, sistem iko dikana sabagai Adat Temenggong.

Kahidupan

Manuruik salah satu versi Tambo Minangkabau, Datuak Katumanggungan lahia dari pasangan Datuak Sri Maharajo Dirajo jo Puti Indo Jelita. Datuak Katumanggungan jo Datuak Parpatih Nan Sabatang, panyusun adaik Bodi Caniago, marupoan duo urang basudaro satu ibu balainan ayah. Ayahnyo banamo Cati Bilang Pandai, suami kaduo ibunyo. Pado taun 1165 sangkek Sutan Paduko Basa alah baumua 18 tahun, baliau diangkek sabagai panghulu bagala Datuak Katumanggungan, sakaligus manduduaki tahta karajaan Minangkabau, manggantikan ibunyo nan alah manjadi ratu salamo 16 tahun. Pado taun 1295, Dara Jingga nan manuruik dugaan sabagian urang basuamikan Mahisa Anabrang dari Singasari, dipanggia pulang ka Minangkabau untuak manggantikan posisi Datuak Katumanggungan sabagai rajo.

Pautan Lua

• Sejarah Minangkabau (2): Kerajaan Minangkabau Baru Archived 2013-05-08 di Wayback Machine.
• Tomb of Datuk Perpatih Nan Sabatang
• Stempel Datuak Katumanggungan dan Datuak Perpatih Nan Sabatang