Kunyik
Kunyik atau kunik (Curcuma longa Linn. syn. Curcuma domestica Val.) adolah tanaman rampah jo ubek asali dari Asia. Kunyik acok dijadikan bahan palangkok bumbu dapua, jamu, ubek, sarato kosmetik. Salain itu, kunyik juo dipakai sabagai parono alami pado makanan jo kain tanun.[1]
| Kunyik
| |
|---|---|
Curcuma longa  | |
_W_IMG_2440.jpg) | |
| Data | |
| Sumber dari |
turmeric (en)  , kunyit (id) , turmeric oil (en) jo daun kunyik |
| Status konservasi | |
| Kakurangan data | |
| UICN | 88308047 |
| Taksonomi | |
| Divisi | Tracheophytes |
| Subdivisi | Spermatophytes |
| Klad | Angiosperms |
| Klad | monocots |
| Klad | commelinids |
| Ordo | Zingiberales |
| Famili | Zingiberaceae |
| Genus | Curcuma |
| Spesies | Curcuma longa Linnaeus, 1753 |
|
| |
 | |
Urek tanaman kunyik mahasiakan minyak atsiri, kurkumin, resin, oleoresin, demetoksikurkumin, bidesmetoksikurkumin, lamak, protein, kalsium, fosfor, jo basi. Dari kanduangan tasabuik, kunyik dijadian juo sabagai ubek.[2]
Karakteristik
suntiangKunyik adolah tanaman samak dan tumbuah taunan nan taseba di daerah tropis. Tanaman ko tumbuah lia jo subua di sakaliliang utan atau bakeh parak.[3]
Tanaman iko dapek tumbuah bacabang inggo mancapai 40-100 cm. Batangnyo marupokan batang semu, tagak, bulek, babantuak rimpang jo rono kakuniangan sarato tasusun dari palapah daun. Daunnyo tongga, bulek talua mamanjang inggo 10-40 cm, leba 8-12,5 cm, sarato batulang manyirik jo rono ijau pucek.[3]
Guno
suntiangKunyik marupokan tanaman rampah nan manganduang banyak zat. Satiok zat nan takanduang mampunyoi gunonyo surang-surang nan untuk mandapekkan zat nan sasuai jo nan dituju pun mampunyoi caro nan babeda-beda. Dari satiok zat itu ka manjadi produk nan baragam.[4]
Panggunoan paliang umum dari kunyik adolah sabagai langkok-langkok dalam masakan rumahan. Kunyik dapek dipagunokan untuak panambah raso masakan, panetral baun anyia bahan masakan, sarato parono alami makanan. Contoh masakan nan mamakai kunyik di dalamnyo antaro lain gulai, soto, jo nasi kuniang.[4]
Sacaro laweh, kunyik dipakai dalam dunia industri, baiak industri makanan, minuman, kosmetik, ubek, jo tekstil. Cando di Jawa Tengah, kabutuahan kunyik mancapai 1.355 ton/taun di tingkek industri ubek tradisional. Kanduangan utamo dari kunyik nan mambueknyo diminati industri antaro lain minyak atsiri, kurkumin, resin, oleoresin, deksmetoksikurkumin, bidesmetoksikurkumin, lamak, protein, kalsium, fosfor, jo basi. Salain itu, kanduangan gizinyo tadiri ateh 28% glukosa, 12% fruktosa, 8% protein, sarato kanduangan kalium nan cukuik tinggi. Minyak atsiri mancapai 1,3-5,5% nan tadiri ateh 60% keton seskuiterpen, 25% zingiberina, jo 25% kurkumin jo turunan lainnyo.[4]
Kunyik dapek dipagunokan sabagai antioksidan, antikarsinogen, antialzeimer, jo antipiretik. Antioksidan pado kunyik disabuik labiah kuaik daripado antioksidan sintetik cando BHT (Butylated hydroxytoluene). Antisiodidan pado kunyik barasa dari hasia karajo zat aktif nan banamo kurkumin. Zat aktif iko malawan radikal bebas jo caro maningkekkan enzim antioksi tubuah.[4]
Antipiretik atau antidamam, marupokan kagunoan lain dari kunyik. Antipiretik marupokan hasia karajo dari sinyawo flavonoid. Namun flavonoid paralu diaktifkan jo jo caro nan tapek, dek flavonoid dapek taoksidasi dek paneh. Maserasi dianggap sabagai caro nan paliang tapek untuak maaktifkan flavonoid, dek pamakaian suhu nan randah antaro 20-30oC.[4]
Ubek
suntiangKunyik marupokan rampah nan dijadian ubek tradisonal, cando jamu. Dalam herbologi, kunyik dijadikan ubek untuak maubek diare, damam, gata, luko manggauang, sarato caca aia.[5]
Diare
suntiangDiare diubek jo maminum campuran kunyik jo aia kapua siriah. Rimpang kunyik diiris lalu dicampua sasendok aia kapua siriah. Campuran tasabuik diabuih sarati dikacau marato. Salapeh mandidiah disariang dan diminum 3 kali sahari.[3]
Damam
suntiangDamam diubek jo maminum saripati kunyik. Saripati kunyik didapek dari rimpang kunyik 20 gram nan paruik, kudian dicampua aia sabanyak 100 ml. Campuran tasabuik dirameh lalu disariang ampehnyo. Hasia sariangan diminum 2 kali sahari.[3]
Luko manggauang
suntiangLuko manggauang atau borok dapek diubek jo manambakkan (mambalua) luko jo kunyik. Rimpang kunyik sagadang ampu kaki diparuik dan dicampua sasendok aia kapua siriah sarato aia ramehan sabuah asam kapeh. Campuran nan alah dikacau marato ditambak (dibalua) ka luko nan sakik.[3]
Gata jo caca aia
suntiangGata jo caca aia dapek diubek jo kunyik nan alah batumbuak. Kunyik sakarek dicampua jo saganggam daun asam nan kudian ditumbuk. Salapeh ditumbuak, ramuan ditambak atau dibalua ka bagian tubuah nan sakit.[3]
Amo jo panyakik
suntiangUlek panggiriak urek
suntiangUlek panggiriak urek atau Dichrosis puntifera marupokan amo nan manyarang pangka urek. Dek pangka urek disarang, tuneh daun manjadi layua sainggo tuneh manjadi kariang lalu mambusuak. Ulek ko dapek dikandalikan jo insektisida.[6]
Panyakik busuak bakteri rimpang
suntiangPanyakik iko muncua dek sistem pangairan nan kurang rancak atau dek rimpang nan taluko dek alaik-alaik parak inggo urek kamasukan cindawan. Panyakik iko ditandoi jo kulik urek tanaman manjadi karimuak inggo takalupeh. Salain itu, rimpang manjadi mambusuak inggo lapuak. Panyakik iko dapek dikandalikan jo insektisida sarato mampelokkan drainase tanah. Untuak managah panyebaran panyakik, tanaman nan tajangkik dimusnahkan.[6]
Busuak urek rimpang
suntiangPanyakik iko disababkan dek bakteri Sclerotikum rolfsii. Tando jo gajalo panyakik ko antaronyo tampak bagian kulik urek nan karimuak sarato tuneh-tuneh mudo nan mambusuak kariang nan barono coklat kaitaman. Pado bagian pamukaan kulik nan karimuak barupo miselium cindawan tipih nan barono putiah cando babulu.[7]
Karek daun
suntiangKarek daun marupokan panyakik nan disababkan dek organisme Puccinia sp. Tando panyakik ko adolah adonyo bintiak-bintiak bulek kacoklat hitaman nan barukuran 1--6 mm, jo jaringan barono coklat kakuniangan nan mangalilianginyo. Panyakik ko dapek manyababkan kamatian tanaman sarato gagal panen. Panyakik ko dikandalikan jo mangatua kalambaban parak.[7]
Kuriak daun
suntiangBercak daun atua kuriak daun adolah panyakik nan disababkan dek organisme Colletotrichun capsici. Panyakik ko ditandoi jo adonyo kuriak rintiak barukuran 4--5 cm di daun. Tapian kuriak indak baraturan barono kuniang nan kariang di tangahnyo. Nan samakin lamo kok dipadiakan, daun nan takanai manjadi mati. Pangandaliannyo bisa jo pamakaian fungisida atau cairan kapua bordo salamo 4-7 ari.[8]
Rujuakan
suntiang- ↑ Siregar 2021, hlm. 77.
- ↑ Siregar 2021, hlm. 79-80.
- ↑ a b c d e f Siregar 2021, hlm. 78-79.
- ↑ a b c d e Siregar 2021, hlm. 78-82.
- ↑ Siregar 2021, hlm. 85.
- ↑ a b Siregar 2021, hlm. 82.
- ↑ a b Siregar 2021, hlm. 83.
- ↑ Siregar 2021, hlm. 83-84.
Daftar pustaka
suntiang- Siregar, Ameilia Zuliyanti (2021). Rempah, Bumbu, dan Sayuran Kering Indonesia. Malang: Intimedia. pp. 77. ISBN 9786236813041.