Capo
Capo (Blumea balsamifera) adolah tanaman barumpun nan biaso dipagunokan untuak maubek salemo, sakik pasandian, paruik kambuang, mancoro, sarato sakik tulang.[1][2] Di Filipina, dipagunokan sabagai ubek untuak ka aia (diuretik).[3] Kagunoan lainnyo adolah untuak maubek luko nan tainfeksi, infeksi saluran angok, dan sakik paruik. Di Thailand jo Cino, capo dijadikan juo sabagai ubek rakyaik.[4]
| Capo
| |
|---|---|
Blumea balsamifera  | |
 | |
| Status konservasi | |
| Risiko randah | |
| UICN | 147637227 |
| Taksonomi | |
| Divisi | Tracheophytes |
| Subdivisi | Spermatophytes |
| Klad | Angiosperms |
| Klad | mesangiosperms |
| Klad | eudicots |
| Klad | core eudicots |
| Klad | asterids |
| Klad | campanulids |
| Ordo | Asterales |
| Famili | Asteraceae |
| Genus | Blumea |
| Spesies | Blumea balsamifera DC., 1836 |
|
| |
| Tata namo | |
| Basionim |
Comyza balsamifera |
 | |
Namo
suntiangNamo ilmiah capo adolah Blumea balsamifera.[1] Sinonimnyo: Baccharis Salvia Lour, Conyza Balsamifera Linn, dan Pluchea Balsamifera.[1]
Capo tanamo juo sabagai sembung (bahaso Indonesia), sembung utan (Sunda), sembung langu, sembung mingsa, sembung gula, sembung kuwuk, sembung gula, atau sembung lelet di daerah Jawa Tengah, kamandhin di Madura, sembung, capa di bahaso-bahaso lainnyo di Sumatera, apompase, mandikapu di Ternate, sarato sembung di Bali.[1][2]
Di Cino, inyo disabuik ai na xiang, dan dalam bahaso Inggrih disabuik ngai champor.[2]
Ciri umum
suntiangGenus Blumea tasuo di zona tropis jo sub-tropis Asia, tarutamo di India jo Asia Tenggara.[3] Tanaman iko biasonyo tumbuah lia di ladang dan dianggap sabagai amo,[3] dan tumbuah juo di padang rumpuik[5]
Capo marupokan rumpun nan tumbuah tagak jo tinggi mancapai 4 meter dan barambuik aluih.[1] Daun bagian bawah batangkai, sadang di bagian ateh marupokan daun duduak nan tumbuah basalang-saliang, babantuak bulek talua jo lonjong, bagian pangka sarato ujuang lancip, tapinyo bagarigi, dan ado 2-3 daun tambahan pado tangkai daunnyo.[1] Pamukaan daun bagian ateh agak kasa, sadangkan bagian bawah aluih cando biludu.[1] Bungo bakalompok barupo malai, muncua di ujuang cabang dan barono kuniang.[1] Buah longkah saketek malangkuang jo panjang 1 mm.[1]
Panggunoan
suntiangCapo marupokan tanaman nan dipagunokan sabagai ubek. Bagian nan dipagunokannyo adolah bagian urek jo daun, baiak nan masih baru ambiak ataupun kariang.[1]
Di antaro kagunoannyo sabagai ubek adolah ubek diare (paruik mancoro). Daun capo nan alah dibarasiahan (sakironyo 5 alai daun) disaik ketek-ketek, kudian diabuh dalam tigo galeh aia sampai tasiso satangahnyo.[2] Didinginkan, kudian disariang dan dibuek ramuan.[2] Hasia sariangan tadi dapek diminum 3x sahari dalam 3/4 galeh basamo 1 sanduak makan madu.[2]
Kandungan kimia
suntiangKanduangan kimianyo tadiri ateh borneol, cineole, limonene, jo dimenthyl ether phloroacetophenone, glukosida, alkohol susquiterpen, asam palmitin, minyak atsiri, jo zat bagatah (untuak kapua baruih).[1][2] Daun segarnyo manganduang borneol, rasonyo masam, saketek paik, agak angek, jo arun.[2]
Pamaliaroan
suntiangCapo batumbuah jo bijo. Pamaliaroannyo tabilang mudah, hanyo paralu aia sarato ruang nan lambok.[2] Pupuak nan diparalukan hanyo pupuak dasar.[2] Capo ka tumbuah rancak di tampek nan cukuik cahayo matoari atau saketek tabukak.[2]
Rujuakan
suntiang- ↑ a b c d e f g h i j k (Indonesia)Dewi Damayanti., Buku pintar tanaman obat: 431 jenis tanaman penggempur aneka penyakit (Google eBuku), Jakarta: AgroMedia, 2008, Hal. 222
- ↑ a b c d e f g h i j k (Indonesia) Arief Hariana., Tumbuhan Obat & Khasiatnya 3, Jakarta: Niaga Swadaya, Hal. 63-64
- ↑ a b c Sambong listing at Stuart X Change list of Medicinal plants. Diakses Desember 25, 2009.
- ↑ Uthai Sakee, Sujira Maneerat; et al. (2011). "Antimicrobial activity of Blumea balsamifera (Lin.) DC. extracts and essential oil". Natural Product Research. 25 (19): 1849–1856. doi:10.1080/14786419.2010.485573. PMID 21500092.
- ↑ http://www.bpi.da.gov.ph/Publications/mp/html/s/sambong.htm Archived 2009-02-26 di Wayback Machine. - Bureau of Plant Industry of the Department of Agriculture of the Republic of Philippines Official government website. Diakses Desember 25, 2009.
| Wikimedia Commons mampunyoi media nan bahubuangan jo Blumea balsamifera |