Candi Sipamutung
Candi Sipamutung (Biaro Sipamutung) adolah salah satu candi di Indonesia bacorak Buddha paninggalan Karajaan Pannai di Kompleks Percandian Padang Lawas.[1]
| Candi Sipamutung | |
|---|---|
 Kompleks Candi Sipamutung | |
| Informasi umum | |
| Alamaik | Desa Siparau Kecamatan Barumun Tengah, Kabupaten Padang Lawas, Sumatera Utara |
Sacaro administratif, candi iko talatak di Desa Siparau, Kecamatan Barumun Tengah, Kabupaten Padang Lawas, Provinsi Sumatera Utara. Jaraknyo sakitar 40 kilometer dari ibu kota Kabupaten Padanglawas, Sibuhuan atau sakitar 70 kilometer dari Kota Padangsidimpuan dan 400 kilometer dari Medan, ibu kota Provinsi Sumatera Utara.
Secara geografis, Candi Sipamutung talatak di tapi Sungai Barumun nan mamisahan dataran randah Padang Lawas. Bangunan iko dipakiroan ditagakan pado abaik ka-11.[2][3]
Deskripsi bangunan suntiang
Candi Sipamutung marupoan candi paliang gadang di Kompleks Percandian Padanglawas. Candi Sipamutung sacaro umum tabuek dari bata dan mampunyai laweh lahan 6000 meter persegi jo laweh candi 74 x 74 meter nan dikalilingi dek tembok bata. Kompleks Candi Sipamutung tadiri dari ciek bangunan utamo, anam candi perwara, jo 16 stupa. Bangunan utamonyo punyo laweh 11 x 11 meter jo tinggi 13 meter nan terdiri dari bagian kaki, badan, jo atok. Candi-candi perwara di sakitar candi induak babantuak mandapa badenah segi ampek baukuran laweh 10,25 x 9,9 meter jo tinggi 1,15 meter.[4]
Panalitian suntiang
Candi Sipamutung jo candi lainnyo di Kompleks Percandian Padang Lawas mulai diteliti dek para ilmuwan Balando pado akhia abaik ka-19 jo abaik ka-20 takah Schnitger, Van Den Bosch, Franz Junghun, von Rosenberg, Kerkhoff, jo van Stein Callenfels. Sabagian gadang hasil panelitian mereka dipublikasikan dekOudheidkundig Verslag.
Publikasi paliang langkok diparoleh dari hasil panalitian Schnitger tahun 1936. Salah satu tulisannyo nan menarik untuak diketahui bahasonyo di halaman candi Sipamutung ado arca nan marupoan indikator Vajrayana. Iko berkenaan jo arca buayo nan digambarkan jo wajah manyeramkan, dan dua buah arca raksasi dalam sikap anjalimudra (sikap talapak tangan sarato jari-jari nan manyambah). Manuruik Schnitger, candi-candi di Padang Lawas dibangun basamoan jo stupa-stupa di Muaro Takuih, yaitu pado sakitar abaik ka-12.
Sabalunyo, von Rosenberg pado tahun 1854 basarobok jo babarapo fragmen arca, salah satunya arca Buddha nan kini disimpan di Museum Nasional Indonesia. Tahun 1930, Bosch manulih tantang Padang Lawas dan maajuan suatu teori bahasonyo masyarakaik pandukuang candi-candi di Padan Llawas pado masa Karajaan Pannai adolah pamaluak agamo Buddha aliran Wajrayāna. Teori iko tantu mandukuang pandapaik Schnitger.[5]
Sasudah Indonesia merdeka, panalitian dilanjuikan dek Dinas Purbakala di bawah pimpinan Satyawati Suleiman tahun 1953. Panalitian barikuiknya dilakuan tahun 1973 jo 1975 dek tim dari Lembaga Purbakala dan Peninggalan Nasional (LPPN, kini baubah namo manjadi Pusat Penelitian Arkeologi Nasional) bakarajo sama jo The University of Pennsylvania Museum. Panalitian salanjuiknya pado tahun 1993 jo 1994 labiah manakanan pado aspek lingkungan, latar belakang pamilihan lokasi pambangunan kompleks candi, jo pandataan benda cagar budaya nan non-insitu. Hinggo kini panalitian masih taruih digencarkan dek lembaga nan berwenang takah Balai Arkeologi Medan (Balar Medan) dengan babagai kajian nan labiah langkok jo interpretasi nan labih dalam.[6][7][8]
Upayo palestarian suntiang
Sabagai salah satu bangunan cagar budaya di Indonesia, Candi Sipamutung paralu mandapek parhatian palestarian. Upayo palestarian patamo dilakuan dek dee Han pado tahun 1926. Upaya iko dilatarbalakangi banyaknyo karusakan candi dek dipakai sabagai lahan untuak bataranak. Sasudah Indonesia merdeka, upayo pamugaran dilakukan di Kompleks Percandian Padan Llawas. Nan agak baru, upayo palestarian dilakuan tahun 2013, yaitu pambuatan cor beton pado atok pintu masuak Candi Sipamutung untuak mancagah runtuhnyo bagian tersebut.[9]
Rujuakan suntiang
- ↑ Daniel Perret & Heddy Surachman (2023). Si Pamutung: Sebuah Permukiman Kuno di Pedalaman Sumatra Utara (Abad ke-19-13 M). Jakarta: Kepustakaan Populer Gramedia.
- ↑ "Candi Sipamutung | Kabupaten Padang Lawas". padanglawaskab.go.id (dalam bahasa Indonesia). Diarsipkan dari versi asli tanggal 2017-10-08. Diakses tanggal 2017-10-11.
- ↑ Indonesia, Perpustakaan Nasional Republik Indonesia / National Library of. "Sumatra - Kepustakaan Candi". candi.perpusnas.go.id. Diarsipkan dari versi asli tanggal 2022-12-04. Diakses tanggal 2017-10-11.
- ↑ "Candi Sipamutung | Kabupaten Padang Lawas". padanglawaskab.go.id (dalam bahasa Indonesia). Diarsipkan dari versi asli tanggal 2017-10-08. Diakses tanggal 2017-10-08.
- ↑ "archive copy" (PDF). Diarsipkan dari versi asli (PDF) tanggal 2017-05-02. Diakses tanggal 2024-01-30.[pautan nonaktif salamonyo]
- ↑ ISSN: 1416-7708
- ↑ Tim Penelitian, 1995/1996, Laporan Penelitian Arsitektur Candi Sipamutung, Padang Lawas, Kabupaten Tapanuli Selatan . Medan: Balai Arkeologi Medan
- ↑ Susilowati, Nenggih, Ketut Wiradnyana & Lucas Partanda Koestoro, 1999 . Laporan Penelitian Arkeologi Dan Pemetaan Situs Candi Sipamutung Dan Sekitarnya, Kecamatan Barumun Tengah, Kabupaten Tapanuli Selatan, Provinsi Sumatera Utara . Medan: Balai Arkeologi Medan
- ↑ "Salinan arsip" (PDF). Diarsipkan dari versi asli (PDF) tanggal 2017-02-09. Diakses tanggal 2017-10-08.