Pakarajo migran

Buruh migran barati urang nan bakarajo di lua nagari atau di lua nagaranyo.Satiok buruh migran akan mandapek upah dari bakarjo di lua nagari sahinggo menjadi devisa untuak dalam nagari. Walau co itu, bakarajo di lua nagari indaklah mudah karano banyak pabedaan dari mulai budayo, karakter hinggo kabiasaan warga nagara satampek. Buruh migran dituntuik untuak siap mental, fisik, bahaso, katarampilan, jo pangatahuan akan nagara yang manjadi tujuan. Iko pantiang supayo dapek beradaptasi di negara lain.

Pakarajo migran di Bay Doha, Qatar

Pakarajo migran di Asia

Fenomena migrasi pakarajo sacara global alah maalami peningkatan dalam kurun dua dekade terakhir. Manuruik organisasi buruh internasional atau ILO di tahun 2010, satu per tigo dari kasado pakarajo migran global barasa dari negara-negara Asia (61 juta dari 214 juta tenaga kerja migran).

Tabel di bawah ko manunjuak asa negara pakarajo migran jo negara tujuannyo, antaronyo, Japan, South Korea, Hong Kong, Taiwan, Singapore, Brunei and Malaysia.

	Source Country
Destination	Templat:NPL	Bangladesh	Indonesia	Sri Lanka	Thailand	India	Pakistan	Filipina	Vietnam
Brunei		2	11		3	1	66	8
Taiwan			76		48			37	28
Hong Kong			50		3		22	101
Malaysia	106	1	134	4	4	21	2	10	12
Singapura		39	48	1	11		16	70	0
Japang	1	0	2	0	9	-	45	6	5
Korea Selatan	4	3	11	5	11	-	2	12	9

Eksploitasi dan permasalahan buruh migran

Samantaro itu di dunia internasional, panjariangan pakarajo internasioal malalui agen ketenagakerjaan adalah fenomena umum di negara maju, sarupo Amerika Serikat atau UEA. Apo lai dek urang condong maraso rancak paluang iduik jo bakarajo di AS. Babarapo agen ko ruponyo mambuek janji-janji panipuan. Ado pulo nan labiah dari janji palsu babarapo pakarajo migran dianiaya dek agen jo parantaro mereka. Babarapo pakarajo migran mungkin indak mampunyoi paspor jo hapenyo disita, dipanjaro di rumah majikan atau saindaknyo diawasi sacaro ketat jo diputuihan hubungannyo jo masyarakaik, kawan, jo kaluarga. Ado pulo nan indak dapek manarimo upah panuah jo harus bakarajo ba jam-jam tanpa bateh istirahat jo hari libur. Pakarajo migran juo indak dapek makan jo kabutuhan akan kesehatan nan layak.

Dalam penelitian nan dikarajoan dek Human Rights Watch taadok 99 pakarajo rumah tangga di Uni Emirat Arab, 22 mengatakan bahsonyo sponsor mereka alah malecehan mereka sacaro fisik. Rato-ratonyo pakarajo manolak malaporan pelecehan mereka karano takauik dideportasi jo indak dapek karajo lain nan labiah elok. Di babarapo kasus adolah umum bagi padusi manjadi korban kekerasan seksual, tapi indak dipicayo karano umumnyo polisi atau penyidik labiah picayo ka majikan.

Dek sarupo itu babarapo pakarajo migran akhianyo malarian diri dari majikannyo nan kejam jo mancari bantuan di kedutaan atau konsulat negara asal mereka. Namun akan sulit dicapai jiko pakarajo migran tu dilatakan di lokasi tapancia.

Pakarajo migran padusi

Manurik International Labor Organization (ILO), 48 persen dari sado buruh migran internasional marupoan padusi, bamigrasi jo tujuan mancari karajo. Di Eropa ado 3 juta pasudi manjadi pakarajo migran. Di Tiongkok pado tahun 2015, sapatigo dari pakarajo migran iyolah padusi. Migran padusi bakarajo dalam pekerjaan domestik nan dianggok bagian dari sektor informal jo indak mampunyoi peraturan jo palindungan dari pamarintah. Upah minimum jo pasyararan jam karajo diaabaian dan upah per satuan kadang-kadang juo indak ditapek i. Upah pakarajo padusi jauah labiah randah daripado laki-laki karano indak dianggok sabagai sumber pandapatan utamo di dalam keluarga.

Dampak bagi keluarga pakarajo migran

Padusi nan manjadi pakarajo migran bamigrasi maninggaan kaluarganyo. Hal iko manjadi panyabab adonyo parubahan tatanan kaluarga. Pakarajo migan manjadi tulang pungguang keluarga sacaro rutin mangirim pandapatan ka kaluarga. Kutiko induak pai kalua, otomatis peran ayah nan samulo sabagai pancari nafkah manjadi bapak rumah tangga. Bisa dikecek an pulo migrasi manjadi panyabab pergeseran gender dalam keluarga. Ayah nan samulo bakarajo di lua rumah manjadi manjadi maurus hal domestik,

Dampak pado anak nan ibunyo pakarajo migran

Anak pakarjo migran biasonyo mandapek pangasuhan alternatif dari keluarga lain, sarupo nenek, ayah, atau saudara ibu. Pola pangasuhan iko tantu sajo babeda jo pola pangasuhan ibu nan kamudian badampak bagi pakambangan anak. Anak nan kutiko bayi ditinggaan ibunyo alah pasti indak mandapek an ASI. Salain itu, anak nan diasuah dek nenek cenderung babeda jo anak nan diasuah dek induaknyo. Karakteristik pangasuhan dari nenek condong mamanjoan cucunyo. Samantaro itu ayah sabagai pangasuah condong indak siap. Musabab dek budaya nan manapek an laki-laki sabagai pancari nafkah utamo, indak diajaan untuak tabiaso jo karajo rumah tangga. Akibaiknyo para ayah malaksanaan parannyo jo caro-caro nan instan.

Pakarajo Migran Indonesia

Di Indonesia, istilah Pekerja Migran Indonesia (PMI) atau Buruh Migran Indonesia (BMI) alun tanamo sarupo istilah Tenaga Kerja Indonesia (TKI) atau Tenaga Kerja Wanita (TKW). Pengertian PMI, BMI, TKI, jo TKW samo, nan aratinyo urang Indonesia nan bakarajo di lua nagari.

Pekerja Migran Indonesia adolah satiok warga negara Indonesai yang akan, sadang, atau alah bakarajo jo mandapek upah di lua dari Pemerintah Republik Indonesia. Dek Negara Indonesia ko panduduaknyo banyak, terbesar keempat di dunia, negara ko juo alah bakontribusi taadok pamasokan telah berkontribusi terhadap surplus tenaga kerja. Ditambah pulo payahnyo lowongan karajo di nagara ko, musabab banyak urang Indonesia mancari karajo kalua nagari. Dipakironan ado sakita 4,5 juta urang Indonesia bakarjao di luar negeri; 70% dari mereka adolah padusi: karajonyo yaitu karajo rumah tangga jo di sektor manufaktur. Kabanyakan dari mereka barumua 18 sampai 35 taun. Sakita 30%nyo yaitu laki-laki, sebagian gadangnyo bakarajo di kabun, konstruksi, transportasi jo sektor jasa.  Kini ko Negara Malaysia marupoan panapuang pakarajo Indonesian dalam jumlah gadang di ikuik i dek Taiwan, Arab Saudi, Hong Kong, jo Singapura. Iko adolah angko rasmi, angko sabananyo mungkin labiah gadang, karano masuaknyo pakarajo Indonesia ado nan indak tacataik di negara tujuan atau ilegal.

Pamasalahan nan diadok i dek pakarajo migran Indonesia

Pamaslah saputa keimigrasian jo ketenaga kerjaan diadok i dek pakarajo migran Indonesia. Pamasalah keimigrasian diantoronyo barangkek ka negara tujuan nan indak malalui jalur rasmi. Pakarajo indak mambaok dokumen nan bana jo indak punyo izin tingga nan sah di nagara tujuan. Pakarajo mulonyo mamakai visa wisata untuak ka negara tujuan. Pakarjao ko biasonyo overstay di negara tu kudian bakarajo.

Kutiko pakarajo barangkek alah jo prosedur rasmi, mangalami persolan dalam ketanagakerjaan sarupo indak mampunyoi pamahaman nan mumpuni dalam persoalan migrasi. Contohnyo izin tingga jo izi bakarajo malakek pado pambari karajo. Kutiko WNI indak karasan bakarajo, inyo indak bisa serta merta pindak majikan. Inyo harus malapor ka imigrasi satampek. Sahinggo pakarajo ko manjadi indak tadata. Ado pulo kasus nan diadok i sarupo, gaji nan indak dibayian.

Salain itu palinduangan manjadi isu utamo pakarajo migran. Kerentanan nan dialami dek pakarajo migran indak anyo tapauik jo hubungan industrual jo kaimigrasian, tatapi juo takaik jo situasi politik jo kaamanan. Kasus deportasi nan dialami dek pakarajo migran Indonesia di Hong Kong, Yuli Riswati, marupoan kriminalisasi padoaktivitas kebebasan berekspresi jo bakomunikasi pado pakarajo migran, sarupo dijamin dek Konvensi Internasional Tahun 1990 tentang palinduangan hak-hak pakajo migran jo anggota keluarganyo.

Rujuakan

Daftar pustaka

• Reaktor. "Perkerja Migran Indonesia". reaktor.co.id. Reaktor.co.id Media Pekerja Indonesia. Diarsipkan dari versi asli tanggal 2020-03-05. Diakses tanggal 10 Desember 2019. 
• Indopos. "TKI Jangan Identik dengan Pekerja Kasar". indopos.co.id. PT. Tunas Intermedia Globe. Diakses tanggal 11 Desember 2019.