Wikipedia

Bendera Indonesia

Bandera nasional Indonesia marupokan bendera duo rono mandata sederhana samo gadang terdiri dari sirah (ateh) jo putiah (bawah) dengan rasio kasaluruahan 2:3.[1] Bendera iko diperkenalkan dan dikibarkan di muko umum pado maso proklamasi kamardekaan pado 17 Agustus 1945 di 56 Jalan Proklamasi (sabalunnyo Jalan Pegangsaan Timur) di Jakarta, dan sakali lai katiko Balando sacaro resmi mangakui kadaulatan Indonesia pado 27 Desember 1949. Desain bendera iko tetap indak barubah sajak awal.


Republic of Indonesia
Namo
  • Sang Saka Merah-Putih
  • Bendera Merah-Putih
  • Merah-Putih
Pemakaian Bendera jo bendera kapa nasional Simbol vexillologis kecil atau piktogram berwarna hitam putih yang menunjukkan perbedaan penggunaan benderaSimbol vexillologis kecil atau piktogram berwarna hitam putih yang menunjukkan perbedaan penggunaan bendera
Parbandingan 2:3
Dipakai 11 November 1293 (Majapahit Empire)
28 October 1928 (distandarisasi)
17 Agustus 1945; 79 tahun nan lalu (1945-08-17) (usali)
17 Agustus 1950; 74 tahun nan lalu (1950-08-17) (resmi)
Rancangan Bendera duo rono mandata sederhana samo gadang terdiri dari sirah jo putiah
Parancang Jayakatwang
Varian bendera Republic of Indonesia
Pemakaian Versi fisik Simbol vexillologis kecil atau piktogram berwarna hitam putih yang menunjukkan perbedaan penggunaan bendera
Parbandingan 2:3

Bandera Indonesia sacaro grafis sarupo jo bandera Monako, dengan saketek perbedaan rono sirah jo rasio dimensinyo. Bandera Polandia mampunyoi dimensi nan sarupo tapi latak rononyo tabaliak: putiah di ateh, sirah di bawah. Baiak pado bendera Monako maupun Polandia, rono sirahnyo agak kalam daripado bendera Indonesia. Bandera Singapura punyo dimensi nan persis samo jo bandera Indonesia, tapi diagiah dengan simbol bulan sabit putiah jo limo bintang dalam pentagram di suduik kiri ateh bandera, samantaro rono sirahnyo agak tarang.

Lencana perang Indonesia nan disabuik "Ular-Ular Perang" hanyo digunakan untuak Angkatan Lauik Indonesia. Inyo berkibar di tiang satiok kapa parang Indonesia nan sadang balabuah, basanda, atau barada di dok pada hari-hari atau wakatu-wakatu tertentu anan alah ditantuan. Desainnyo barupo garih sirah jo putiah selang-seling, tadiri dari limo garih sirah jo ampek garih putiah. Dijuluki Sang Saka Merah Putih, lencana perang iko barasa dari zaman Kakaisaran Majapahit, nan tanamo jo kakuatan maritimnyo.[2]

Sijarah

suntiang
 
Pangibaran Bendera Merah Putih wakatu Proklamasi Kemerdekaan Indonesia tanggal 17 Agustus 1945
 
Warna Kakaisaran Majapahit

Rono-rono bandera iko tainspirasi dari panji-panji Kakaisaran Majapahit abaik ka-13.[3] Meskipun baitu, awal mulo pamakaian simbolisme sirah jo putiah dapek dicalak ka mitologi umum Austronesia pado maso saisuak tentang Ibu Bumi (sirah) jo Bapak Langik (putiah). Ikolah mangkonyo rono-rono iko dapek basobok pado banyak bandera di saluruah Austronesia, dari Tahiti hinggo Madagaskar.[4] Catatan paliang awal tentang panji barono sirah jo putiah (bandera panjang di ateh tiang buluah nan malengkung) dapek basobok dalam babad Pararaton; manuruik sumber iko, pasukan Jayakatwang dari Gelang-Gelang mengibarkan panji merah putiah pado wakatu panjajahan mareka ka Singhasari pado awal abaik ka-12. Hal iko manunjuakan baso, bahkan sabalun zaman Majapahit, rono sirah jo putiah alah diaguangan jo digunoan sabagai panji karajaan pado zaman Kediri (1042 –lk. 1222).

Pawarnaan tekstil sirah jo putiah bisa didapek di alam Indonesia dari zaman saisuak. Putiah adolah rono alami dari kain kapeh anyaman, sadangkan sirah adolah salah satu pawarna alami paliang tuo, nan didapek baiak dari daun jati,[5] bungo Averrhoa bilimbi, atau kulik buah manggih.[6]

Indak hanyo karajaan-karajaan Jawa sajo nan mamakai rono sirah putiah. Bandera parang Rajo Si Singamangaraja IX dari tanah-tanah Batak punyo rono sirah jo putiah barupo gambar duo karih putiah nan disabuik piso gaja dompak di latar sirahnyo.[7] Pado maso Parang Aceh tahun 1873–1904, prajurit Aceh manggunoan bendera parang jo gambar karih, bintang jo bulan sabit, matoari, sarato babarapo aksara Al-Quran barono putiah jo latar balakang sirah.[8] Bandera sirah putiah Karajaan Tulang Bugine di Sulawesi Selatan banamo Woromporang.[9] Panji Karajaan Bali Badung (Puri Pamecutan) barono sirah, putiah, jo itam.[10] Pangeran Diponegoro juo mamakai panji sirah putiah pado maso Parang Jawa (1825–1830).

 
Bendera Perhimpoenan Indonesia sabagaimano muncul di sampul buku Gedenkboek: 1908-1923

Pado awal abaik ka-20, rono-rono iko diiduikan baliak dek mahasiswa jo kudian nasionalis sabagai ungkapan nasionalisme terhadap Balando. Desain mulo-mulo patamo kali muncul pado sampul majalah Balando nan bajudul Gedenkboek 1908-1923 nan dijalanan dek Perhimpoenan Indonesia (PI). Sampul kumpulan 13 surek nan ditulih dek anggota PI nan indak banamo itu barupo bendera sirah putih dengan tambahan gambar kapalo banteng nan maadoh ka arah balawanan jo tiang bendera..[11] Bandera sirah putiah modern dengan kapalo banteng di tangahnyo patamo kali dikibarkan di Jawa pado tahun 1928. Pamakaian bendera itu lakeh ditagah di bawah pamarentahan Balando. Iko manjadi bendera nan diadopsi dek Kesatuan Melayu Muda untuak manyimbolkan nasionalisme Melayu malawan kolonialisme Eropa. Sasudah Indonesia manyatoan kamerdekaan pado 17 Agustus 1945, bandera sitah putiah diadopsi sabagai bandera nasional, dan alah dipakai sajak itu.[12] Sasudah kamerdekaan Indonesia diakui, Monako nan punyo bendera sarupo, mambuek aduan, tapi umumnyo indak didangaan.[13]

Kajadian Hotel Yamato

suntiang

Bandera iko berkibar dalam banyak kajadian tanamo salamo Parang Kamerdekaan Indonesia, takah Patempuran Surabaya pado akhia 1945, katiko pamudo Indonesia mangganti bendera kolonial Balando nan berkibar di ateh Hotel Yamato, dengan mancabiak bagian barono biru sahinggo tasiso rono sirah putih sabagai bendera Indonesia. Hotel iko kudian diganti namonyo manjadi Hotel Merdeka.[14]

 
Momen sasudah bagian rono biru pado bandera Balando dicabiak sahinggo manjadi bandera Indonesia di Hotel Yamato (kini Hotel Majapahit), Surabaya
  •  
    Bendera Perusahaan Hindia Timur Balando nan dipakai 20 Maret 1602 - 1 Januari 1800
  •  
    Bendera Hindia Balando nan dipakai 1 Januari 1800 - 27 Desember 1949
  •  
    Bendera Kakaisaran Jepang nan dipakai 8 Maret 1942 - 17 Agustus 1945 (3 tahun 5 bulan)
  •  
    Bendera Indonesia nan dipakai 17 August 1945 – kini[15]
  •  
    Bendera latihan nan dipakai untuak manggantian bendera nasional sangkek latihan

Namo

suntiang

Manuruik UUD 1945 Pasal 35 , namo resmi bandera uko adolah Sang Saka Merah-Putih. Bandera iko biasonyo disabuik jo namo Bendera Merah-Putih. Kadang, disabuik pulo Sang Dwiwarna ('Nan Duo Warna'). Sang Saka Merah-Putih marujuak pado bandera basijarah nan disabuik Bendera Pusako jo replikanyo. Bendera Pusako adolah bandera nan dikibarkan di muko rumah Soekarno sasudah inyo mamproklamasikan kemardekaan Indonesia pado tanggal 17 Agustus 1945. Bendera Pusako nan usali dijaik dek Fatmawati dan dikibarkan satiok tahun di muko Istana Merdeka wakatu upacara hari kemardekaan. Bendera itu dikibarkan untuak tarakhia kalinyo pado 17 Agustus 1968. Sajak itu, disimpan dan diganti jo replika maingek bendera usali dianggap alah rapuh.[1]

Rono

suntiang
 
Skema digital[16]		 RGB sirah Putiah  
Skema fisik		 Pigmen sirah Putiah
RGB 255-0-0 255-255-255 RGB 237-28-36 255-255-255
Hex #FF0000 #FFFFFF Hex #ED1C24 #FFFFFF
CMYK Inconvertible 0, 0, 0, 0 CMYK 0, 100, 100, 0 0, 0, 0, 0

Paraturan pamakaian

suntiang
 
Paskibraka personnel raising the flag of Indonesia at Independence Day every year

Bendera Indonesia sabagai bendera negara diatur manuruik UUD 1945 pasal 35,[17] UU No 24/2009,[18] jo Peraturan Pemerintah No.40/1958 tentang Bendera Kebangsaan Republik Indonesia.[19]

 
Bendera dibantangan sangkek upacara detik-detik proklamasi di Istana Merdeka

Pengibaran dan/atau pemasangan bendera negara dilakuan pado wakatu antaro matohari tabik hinggo matohari tabanam.[18] Dalam kaadaan tertentu, dapek dilakuan pado malam hari.[18]

Bendera negara wajib dikibarkan pado satiok paringatan Hari Kamerdekaan Indonesia pado tanggal 17 Agustus oleh warga negara nan manguasai hak pamakaian rumah, gedung atau kantua, satuan pendidikan, transportasi umum, jo transportasi pribadi di sado wilayah Negara Kesatuan Republik Indonesia jo kantua parwakilan Republik Indonesia di lua naaeri.[18] Kini, pamarentah acok maimbau kapado masyarakat di Indonesia untuak mangibarkan jo mamasang bendera negara salama satu bulan panuah pado bulan Agustus untuak mamperingati hari kamerdekaan.[20]

Bendera negara juo dikibarkan pado wakatu paringatan hari-hari besar nasional atau peristiwa lain, yaitu:[18]

  1. Tanggal 2 Mei, Hari Pendidikan Nasional (Hardiknas);
  2. Tanggal 20 Mei, Hari Kebangkitan Nasional (hari tagaknyo Boedi Oetomo);
  3. Tanggal 1 Oktober, Hari Kesaktian Pancasila;
  4. Tanggal 28 Oktober, Hari Sumpah Pemuda;
  5. Tanggal 10 November, Hari Pahlawan;
  6. Peristiwa lain (nan dimukasuik jo “peristiwa lain” adolah peristiwa gadang atau kajadian luar biaso nan dialami dek bangsa Indonesia, misalnyo pado kunjungan Presiden atau Wakil Presiden ka daerah dan pado perayaan dirgahayu daerah).
 
Bendera Merah Putih taruik dikibarkan di halaman muko kantua pamarentahan, tamasuak Kantua TNI/Polri

Bendera Negara wajib dikibarkan satiok hari di:[18]

  1. Istana presiden jo wakil presiden;
  2. Gedung atau kantua lembaga negara;
  3. Gedung atau kantua lembaga pamarentah;
  4. Gedung atau kantua lembaga pamarentah non-kementerian;
  5. Gedung atau kantua lembaga pamarentah daerah;
  6. Gedung atau kantua dewan perwakilan rakyat daerah;
  7. Gedung atau kantua perwakilan Republik Indonesia di luar negeri;
  8. Gedung atau halaman satuan pendidikan;
  9. Gedung atau kantua swasta;
  10. Rumah jabatan presiden dan wakil presiden;
  11. Rumah jabatan pimpinan lembaga negara;
  12. Rumah jabatan menteri;
  13. Rumah jabatan pimpinan lembaga pamarentahan non-kementerian;
  14. Rumah jabatan gubernur, bupati, wali kota, jo camat;
  15. Gedung atau kantua atau rumah jabatan lain;
  16. Pos perbatasan jo pulau-pulau paliang tapi di wilayah Negara Kesatuan Republik Indonesia;
  17. Lingkungan Tentara Nasional Indonesia jo Kepolisian Republik Indonesia; dan
  18. Taman Makam Pahlawan Nasional.

Bendera negara sabagai panutuik karando mayik dapek dipasang pado karando presiden atau wakil presiden, mantan presiden atau mantan wakil presiden, anggota lembaga negara, menteri atau pejabat satingkek menteri, kapalo daerah, anggota dewan perwakilan rakyat daerah, kapalo parwakilan diplomatik, anggota Tentara Nasional Indonesia, anggota Kepolisian Republik Indonesia nan maningga dalam tugas, dan/atau warga negara Indonesia nan punyo jasa bagi bangsa jo negara.[18]

Bendera negara nan dikibarkan pado proklamasi kamerdekaan Indonesia tanggal 17 Agustus 1945 di Jalan Pegangsaan Timur Nomor 56 Jakarta disabuik Bendera Pusako Sang Saka Merah Putih. Bendera Pusako Sang Saka Merah Putih disimpan jo dijago di Monumen Nasional, Jakarta.[18]

 
  Bendera nan luntur jo kusam dilarang untuak dipakai

Satiok urang dilarang:[18]

  1. Marusak, mancabiakan, mainjak-injak, mambaka, atau malakukan perbuatan lain dengan maksud manodai, mahino, atau marandahkan kahormatan bendera negara;
  2. Mamakai bendera negara untuak reklame atau iklan komersial;
  3. Mangibarkan bendera negara nan rusak, cabiak, luntur, kusuik, atau kusam;
  4. Mancetak, manyulam, jo manulih huruf, angko, gambar, atau tando lain dan mamasang lencana atau benda apapun pado bendera negara; dan
  5. Mamakai bendera negara untuak langik-langik, atok, pambungkuih barang, jo tutuik barang nan dapek manurunan kahormatan bendera negara.

Kamipiran jo bendera negara lain

suntiang
 Artikel utamo untuak bagian ko adolah: Daftar bendera dwiwarna merah-putih

Rujuakan

suntiang
  1. ↑ a b "National Flag, Coat of Arms, Anthem". Embassy of Indonesia, Oslo, Norway. 1 May 2007. Diarsipkan dari versi asli tanggal 19 October 2007. Diakses tanggal 22 June 2009. 
  2. ↑ Moelyono, Setiyo, ed. (29 January 2020). "Tradisi TNI Angkatan Laut: Pewarisan Nilai-Nilai Luhur dalam Membangun Semangat Juang dan Karakter Prajurit Matra Laut" (PDF). Dinas Perawatan Personel Angkatan Laut (dalam bahasa Indonesia). Indonesian Navy. hlm. 76–79. Diarsipkan dari versi asli (PDF) tanggal 28 April 2021. Diakses tanggal 22 February 2022. 
  3. ↑ "Flag of Indonesia". Britannica. Diarsipkan dari versi asli tanggal 16 September 2021. Diakses tanggal 9 November 2021. 
  4. ↑ "Earth Mothers and Sky Fathers of Austronesia". adamkeawe.com. 13 June 2010. Diakses tanggal 1 September 2024. 
  5. ↑ "Natural Dye Extraction From Teak Leves (Tectona Grandis) Using Ultrasound Assisted Extraction Method for Dyeing on Cotton Fabric". ResearchGate (dalam bahasa Inggris). Diakses tanggal 2019-02-28. 
  6. ↑ Kusumawati, Nita; Santoso, Agus Budi; Sianita, Maria Monica; Muslim, Supari (2017). "Extraction, Characterization and Application of Natural Dyes from the Fresh Mangosteen (Garcinia mangostana L.) Peel". International Journal on Advanced Science, Engineering and Information Technology. 7 (3): 878. doi:10.18517/ijaseit.7.3.1014  . 
  7. ↑ "Kompas.Com". 17 November 2009. Diarsipkan dari versi asli tanggal 17 November 2009. Diakses tanggal 9 January 2018. 
  8. ↑ "Sejarah Bendera Merah Putih". Suryantara.wordpress.com. 30 October 2007. Diarsipkan dari versi asli tanggal 9 January 2020. Diakses tanggal 11 February 2017. 
  9. ↑ "PANYINGKUL! Jurnalisme Orang Biasa". 25 August 2011. Diarsipkan dari versi asli tanggal 25 August 2011. Diakses tanggal 9 January 2018. 
  10. ↑ ian macdonald. "Flags in Bali". Fahnenversand.de. Diarsipkan dari versi asli tanggal 23 September 2015. Diakses tanggal 20 September 2012. 
  11. ↑ Poeze, Harry A.; Van Dijk, Cees; Van Der Meulen, Inge (1986). In het land van de Overheerser: Indonesiërs in Nederland 1600-1950. Brill. pp. 177–8. ISBN 978-90-04-28731-0. https://www.jstor.org/stable/10.1163/j.ctvbqs5hn.8. 
  12. ↑ "Indonesia". Flags of the World. 6 September 2006. Diarsipkan dari versi asli tanggal 2 April 2010. Diakses tanggal 26 December 2007. 
  13. ↑ "What are the rules for national flags?". BBC Magazine. 11 May 2005. Diarsipkan dari versi asli tanggal 18 November 2022. Diakses tanggal 13 November 2018. 
  14. ↑ "Hotel Majapahit: Brief History" (PDF). Diarsipkan dari versi asli (PDF) tanggal 4 April 2017. Diakses tanggal 4 April 2017. 
  15. ↑ Cahoon, Ben. "Indonesia". Worldstatesmen.org. Diarsipkan dari versi asli tanggal 4 February 2012. Diakses tanggal 9 January 2018. 
  16. ↑ "Konstitusi, Lambang Negara, Bendera, Lagu Kebangsaan dan Bahasa". Indonesia.go.id. Government of Indonesia. Diarsipkan dari versi asli tanggal 14 August 2020. Diakses tanggal 8 August 2020. 
  17. ↑ Bendera Negara Indonesia ialah Sang Merah Putih.
  18. ↑ a b c d e f g h i "UNDANG-UNDANG REPUBLIK INDONESIA NOMOR 24 TAHUN 2009 TENTANG BENDERA, BAHASA, DAN LAMBANG NEGARA, SERTA LAGU KEBANGSAAN" (PDF). Diarsipkan dari versi asli (PDF) tanggal 2011-10-05. Diakses tanggal 2012-08-16. 
  19. ↑ "Peraturan Pemerintah No. 40 Tahun 1958 tentang Bendera Kebangsaan Republik Indonesia" (PDF). Diakses tanggal 2012-08-16. [pautan nonaktif salamonyo]
  20. ↑ Maharani, Tsarina (2021-08-01). Prabowo, Dani, ed. "Peringatan HUT ke-76 RI, Pemerintah Imbau Pasang Bendera Merah Putih 1-31 Agustus". Kompas.com. Diakses tanggal 2021-08-02. 
Diambiak dari "https://min.wikipedia.org/w/index.php?title=Bendera_Indonesia&oldid=3158590"