Pulau Belitung
Belitung, Belitong (bahaso satampek, diambiak dari namo sajinih sipuik lauik), atau dulunyo Billiton adolah pulau di lapeh pantai timur Sumatera, Indonesia. Pulau ko diapik Selat Gaspar jo Selat Karimata. Pulau iko tanamo dek merica putiah (Piper sp.) sarato tambang timah putiah (stannum), pasia kuarsa, tanah liek putiah (kaolin), jo granit. Pulau iko kini alah tanamo pulo manjadi tampek wisata alam.
| Geografi | |
|---|---|
| Lokasi | Asia Tenggara |
| Koordinat | 2°50′S 107°55′E / 2.833°S 107.917°EKoordinat: 2°50′S 107°55′E / 2.833°S 107.917°E |
| Area | 4,800,6 km2 (1.853,52 sq mi) |
| Elevasi tatinggi | 500 m (1.600 ft) |
| Titiak tatinggi | Gunuang Tajam |
| Nagara | |
| Propinsi | Kepulauan Bangka Belitung |
| Kabupaten | Belitung, Belitung Timur |
| Koto paliang gadang | Tanjung Pandan |
| Demografi | |
| Populasi | 271.868 (per 2014) |
| Kapadatan | 56,63 /km2 (146,67 /sq mi) |
Pulau iko daulunyo dipunyoi Britania Raya (1812), sabalun akhianyo dituka jo Singapura sarato New Amsterdam (kini bagian kota New York),ka Ulando basamo jo Bengkulu. Pulau iko kini tabagi duo sacaro administratif, yaitu Kabupaten Belitung jo Kabupaten Belitung Timur. Kota utamo di pulau iko adolah Tanjung Pandan. Di sakaliliang pulau iko ado pulau-pulau ketek cando Pulau Mendanau, Kalimambang, Gresik, jo Seliu.
Panduduaknyo banyak tingga di pasisia sarato dakek jo kahidupan bahari. Olahan makanan pulau ko umumnyo barasa dari lauik. Panduduak pulau iko paliang banyak diuni urang Malayu Belitung sarato katurunan Tionghoa Hokkien jo Hakka.
