Baroncah

Baroncah barasa dari kato roncah nan timbah awalan awalan ba-. Kato roncah adolah baso Minangkabau corak Padang Sibusuak, nan aratinyo samo jo 'rencah' dalam baso Indonesia. Awalan ba- pado kato baroncah tu manganduang makna 'mangarajoan sasuatu'. kato baroncah itu pun dapek disamoan jo 'merencah' (baso Indonesia)` dek sabab itu, baroncah mangduang arti 'manggabuan tanah di sawah (dangan caro mampadian kabau maijak-ijak tanah sarupo dibajak) atau malunyah sawah'. Tradisi baroncah alah lamao ado di Nagari Padang Sibusuak, Sijunjung, Sumatra Barat. Dek saking lamonyo, urang di nagari tu indak taun bilo mulai adonyo tradisi tu.

Baroncah adolah tahapan nan dilalui sabalun padi ditanami. Sabalun baroncah tahap partamo dikarajoan,urang nan punyo sawah talabiah dulu mamasuakan aia ka dalam sawah dan manutuik saluran pambuangan airnyo. Hal itu dikarajoan buliah sawah nan ka dirancah mamiliki kada aia nan cukuik. sasudah baroncah nan partamo, urang nan punyo sawah mambuek pasamaian dan salanjuiknyo manyamaian baniah padi. Baroncah nan kaduo dikarajoan katiko baniah padi lah dapek ditanam.