Banang lungsi atau banang lungsin atau banang lusi adolah banang tanun nan basusun sejajar (biasonyo mamanjang) dan indak bagarik (taikek di kaduo ujuangnyo), nan bakehnyo banang pakan disalekan. Sabalun mananun dilakukan penghanian, yakni mamasang banang-banang lungsi sacaro sejajar satu samo lainnyo di alaik tanun sasuai leba kain nan ditujui.

Banang lungsi (mambujua vertikal, rono sirah) jo banang pakan (malintang horizontal, biru) dalam anyaman polos.

Lungsi biasonyo adolah berkas serat atau banang hasia pamintalan serat.

Pado tanun ikek ganda, pakan jo lungsi diikek dek bahan tahan aia sabalun dicelup untuak paronoan. Proses ko diulang-ulang tagantuang bara banyak rono nan ka dibuek.