Ayam kurma
Ayam Kurma marupokan sabuah masakan khas Minang nan barupo gulai sahinggo tamasuak sabuah masakan Minang nan cukuik poluler. Walaupun namo dari masakan iko ayam kurma, tapi sabananyo dalam mambuek masakan ko samo sakali indak manggunoan kurma sabagai bahannyo, bahan utamo nan digunoan dalam mambuek masakan iko adolah ayam.[1]
Sijarah
suntiangGulai ayam kurma marupokan papaduan antaro cito raso Jazirah Arab atau India jo Minang. Sajarah korma adolah barasal dari resep masakan Mughal, India. Korma alah ado samanjak abaik ka-16 pado maso karajoan Mughal. Definisi korma nan sabananyo adolah hidangan nan dibuek dari dagiang atau sayua nan dimasak manggunoan saketek aia, kaldu, yogurt atau krim susu.[1]
Urang Minang mambuek papaduan antaro masakan korma dari India jo masakan khas dari bumbu urang Minang, sahinggo jadilah masakan ayam kurma khas Minang. Gulai ayam kurma babeda jo masakan khas Minang pado umumnyo, nan mambedakannyo hanyo pado masakan Minang lainnyo biasonyo mampunyoi cito raso nan padeh, sadangkan pado gulai ayam kurma rempah jo bumbu nan digunokan maagiahsensasi raso nan babeda, indak talampau padeh, indak sapadeh masakan khas Minang lainnyo.[1]
Caro mambuek
suntiangCaro mamasak ayam kurma cukuik mudah, indak paralu wakatu lamo sarupo mamasak randang. Kurang labiah wakatu sa jam alah cukuik untuak mamasak ayam kurma. Bahan-bahannan digunoan untuak mamasak gulai ayam kurma indak talampau payah dicari. Bahan-bahan nan digunokan untuak mambuek ayam kurma diantaronyo adolah, sa ikua ayam, 800 ml santan, 1 lembar daun kunyik, 1 batang sarai (memarkan), 2 lembar daun salam, 5 lembar daun limau, 2 kapiang asam kandih. Bumbu halui nan digunoan adolah 8 siung bawang merah, 5 siung bawang putih, 1 rueh jari jahe, 1 rueh jari langkueh, 1 sdt katumba, 1 sdt marica putiah, ½ sdt jintan, garam sacukuiknyo, 5 butia kapulaga, 4 butir cengkeh, 3 cm kayu manih. Itulah bahan-bahan mulai dari bumbu sarato rempah-rempah nan digunoan untuak mambuek gulai ayam kurma.[2]
Supayo para pacinto kuliner tarutamo nan ingin mancubo mambuek masakan ayam gulai kurma labiah paham manganoi caro pambuekan gulai ayam kurma iko, langsuang sajo simak caro-caro mamasak ayam kurma barikuik ko:
Partamo nan harus dilakuan adolah mancuci ayam sampai barasiah, sisiahkan,salanjuiknyo angekan minyak goring. Tumis bumbu haluih daun-daun jo rempah-rempah sampai harum. Kamudian masuak an ayam, kacau sampai ayam babalur jo bumbu. Tutuik sabanta sampai ayam barubah warna. Sasudah itu tuang santan, aduak-aduak sampai mandidiah supayo santan indak pacah. Masak sampai ayam lunak, santan manyusuik jo mangental. Masuakan asam kandih. Kamudian gulai ayam kurma siap dihidangan.[2]
Rujuakan
suntiang- ↑ a b c Suci, Lestari (2018). "Ayam Gulai Kurma". cookpad.com. Diakses tanggal 11 September 2018.
- ↑ a b "Resep Gulai Kurma Khas Padang agar Daging Empuk dan Gurih, Bisa Dicampur Kentang hingga Mie Putih". Tribun Padang (dalam bahasa Indonesia). Diakses tanggal 2019-11-24.