Ayam broiler

Ayam broiler atau nan disebut juo ayam ras padagiang (broiler) adolah jinih ras unggulan hasil parsilangan dari bangso-bangso ayam nan punyo dayo produktivitas tinggi, tarutamo pado mamproduksi dagiang ayam. Ayam broiler nan marupoan hasil parkawinan silang dan sistem bakalanjuikan sahingga mutu genetiknyo dapek dikatoan baiak. Mutu genetik nan baiak akan ado sacaro maksimal bilo ayam tasabuik diagiah faktor lingkungan nan mandukuang, misalnyo pakan nan bakualitas tinggi, sistem kandang nan baiak, sarato parawatan kasihatan dan pancagahan panyakik. Ayam broiler marupoan taranak nan paliang ekonomis bilo dibandiang jo taranak lain, kalabihan nan dipunyo iyolah laju patambahan/produksi dagiang dalam wakatu nan relatif capek dan singkek atau sakitar 4 - 5 minggu produksi dagiang alah dapek di kirim ka pasa atau bamakan. Kaunggulan ayam broiler antaro lain patumbuahannyo nan sangek capek jo bobot badan nan tinggi dalam wakatu nan relatif pendek, konversi pakan ketek, siok potong pado usia mudo sarato manghasilkan kualitas dagiang baserat lunak. Pakambangan nan copek dari ayam ras padagiang iko marupoan upaya pananganan untuak mangimbangi kabutuhan masyarakaik tahadok dagiang ayam. Pakambangan tasabuik didukuang dek samakin kueknyo industri hilir ajak parusahoan pambibitan (Breeding Farm) nan mambuek babagai jinih strain.

Ayam broiler

Media tantang Ayam broiler di Wikimedia Commons