Asunción
Asunción adolah ibu kota jo kota tagadang nagara Paraguay nan talatak di tapi timur Sungai Paraguay. Pado tahun 2022, panduduaknyo bajumlah 462.241 jiwa.[1] Iko marupokan pusek pamarentahan, ekonomi jo budaya nagara. Globalisasi jo Jariangan Panalitian Globalisasi Dunia mangklasifikasian kota ko sabagai Kota Gamma.[2]
Panakluak Spanyol Juan de Ayolas mungkin urang patamo nan bakunjuang ka wilayah ko dalam pajalanannyo mancari tambang di Peru Ateh (kini Bolivia). Kamudian Juan de Salazar y Espinosa jo Gonzalo de Mendoza, dunsanak Ayolas dikirim untuak mancarinyo tapi indak basobok. Katiko Salazar baranti sabanta di sabuah taluak di tapi sungai ko, inyo mancaliak panduduak aslinyo ramah, sahinggo inyo mandirian sabuah benteang di sinan pado bulan Agustus 1537 jo maagiahnyo namo Nuestra Señora Santa María de la Asunción.[3] Hinggo abaik ka-17, benteang tu manjadi kota nan pantiang di timir Amerika Selatan. Katiko Paraguay mandeklarasian kamerdekaan dari Spanyol pado tahun 1811, kota tu dipiliah sabagai ibu kota nagara.[4]
Rujuakan
suntiang- ↑ "Paraguay Census 2022 - Final Results" (PDF). INE Paraguay (dalam bahasa Spanyol). Diarsipkan dari versi asli (PDF) tanggal 21 August 2024. Diakses tanggal 21 August 2024.
- ↑ "The World According to GaWC 2020". GaWC – Research Network. Globalization and World Cities. Diarsipkan dari versi asli tanggal 24 August 2020. Diakses tanggal 31 August 2020.
- ↑ "Asunción | national capital, Paraguay". Encyclopædia Britannica. Diarsipkan dari versi asli tanggal 17 April 2019. Diakses tanggal 23 May 2019.
- ↑ "Asunción". Britannica Kids.