Asteroid

Asteroid, pernah disebut sebagai planet minor atau planetoid, adolah benda baukuran labiah kaciak daripado planet, tetapi lebih gadang daripada meteoroid, umumnya ada di bagian dalam Tata Surya (labiah dalam dari orbit planet Neptunus). Asteroid babeda jo komet dari panampakan visualnyo. Komet manampakkan koma ("ikua") samantaro asteroid tido.

Asteroid dalam sistem tatasurya

Sabuk asteroid (titiak-titiak putiah).

253 Mathilde, Asteroid tipe C.

Dari kida ka suok: 4 Vesta, 1 Ceres, Bulan.

Asteroid partamo nan ditamukan adolah 1 Ceres nan ditamukan pado taun 1801 dek Giuseppe Piazzi. Kala itu, asteroid disabuik sabagai planetoid.

Alah sabanyak ratusan ribu asteroid di dalam tatasurya awak nan ditamui dan kini panamuan baru itu rato-rato sabanyak 5000 buah per bulannyo. Pado 27 Agustus 2006, dari total 339.376 planet ketek nan tadaftar, 136.563 di antaronyo punyo orbit nan cukuik dikenal sainggo dapek diagiah nomor rasmi nan permanen. Di antaro planet-planet tasabuik, 13.350^[1] punyo namo rasmi (trivia: kiro-kiro 650 di antaro namo iko mamaralukan tando pangenal). Nomor tabawah tetapi barupa planet ketek tak banamo iyolah (3360) 1981 VA; planet ketek nan dinamoi jo nomor tarateh (kacuali planet katai 136199 Eris sarato 134340 Pluto), iyolah 129342 Ependes ^[2].

Kini dipakirokan baso asteroid nan badiameter labiah dari 1 km dalam sistem tatasurya bajumlah total antaro 1.1 inggo 1.9 juta^[3]. Astéroid talaweh dalam sistem tatasurya subalah dalam, iyolah 1 Ceres jo diameter 900-1000 km. Duo asteroid sabuk sistem tatasurya subalah dalam, iyolah 2 Pallas jo 4 Vesta; kaduonyo punyo diameter ~ 500 km. Vesta marupokan asteroid sabuk paliang utamo nan kadang-kadang namapk dek mato talanjang (pado babarapo kajadian nan cukuik jarang, asteroid nan dakek jo bumi dapek nampak tanpa bantuan teknis; caliak 99942 Apophis).

Massa saluruah asteroid Sabuk Utamo dipakirokan sakitar 3.0-3.6×10²¹ kg^[4]^[5], atau kurang labiah 4% dari massa bulan. Dari kasadonyo ko, 1 Ceres bamassa 0.95×10²¹ kg, 32% dari totalnyo. Kudian asteroid tapadek, 4 Vesta (9%), 2 Pallas (7%), jo 10 Hygiea (3%), manjadikan pakiroan iko manjadi 51%; tigo sataruihnyo, 511 Davida (1.2%), 704 Interamnia (1.0%), jo 3 Juno (0.9%), hanyo manambuah 3% dari massa totalnya. Jumlah asteroid barikuiknyo batambah sacaro eksponensial walaupun massa masiang-masiang turun. Dikatokan baso asteroid Ida juo punyo sabuah satelit nan banamo Dactyl.

Rujuakan

↑ "Minor Planet Names". Diakses tanggal 2006-09-14.
↑ "Discovery Circumstances: Numbered Minor Planets (125001)-(130000)". Diakses tanggal 2006-07-12.
↑ "New study reveals twice as many asteroids as previously believed". Diarsipkan dari versi asli tanggal 2023-03-06. Diakses tanggal 2006-03-28.
↑ Krasinsky, G. A.; Pitjeva, E. V.; Vasilyev, M. V.; Yagudina, E. I. (2002). "Hidden Mass in the Asteroid Belt". Icarus. 158 (1): 98–105.
↑ Pitjeva, E. V. (2005). "High-Precision Ephemerides of Planets - EPM and Determination of Some Astronomical Constants". Solar System Research. 39: 176.

Caliak Pulo

Daftar asteroid tanamo pado Sistem Tatasurya awak atau Daftar asteroid manuruik urutannyo.
Komet
Proyek NEO

Pautan Lua

(Indonesia) Deep Space Industries Menambang Asteroid Archived 2016-03-06 di Wayback Machine. News KeSimpulan Archived 2013-01-17 di Wayback Machine.

Artikel batopik astronomi dan lua angkasa ko baru babantuak rancangan. Sanak dapek mambantu Wikipedia mangambangannyo.

[1] "Minor Planet Names". Diakses tanggal 2006-09-14.

[2] "Discovery Circumstances: Numbered Minor Planets (125001)-(130000)". Diakses tanggal 2006-07-12.

[3] "New study reveals twice as many asteroids as previously believed". Diarsipkan dari versi asli tanggal 2023-03-06. Diakses tanggal 2006-03-28.

[4] Krasinsky, G. A.; Pitjeva, E. V.; Vasilyev, M. V.; Yagudina, E. I. (2002). "Hidden Mass in the Asteroid Belt". Icarus. 158 (1): 98–105.

[5] Pitjeva, E. V. (2005). "High-Precision Ephemerides of Planets - EPM and Determination of Some Astronomical Constants". Solar System Research. 39: 176.

[1]

[2]

[3]

[4]

[5]