Asam padeh
Asam padeh, sampadeh, atau asam podeh (bahaso Melayu: Asam pedas, bahaso Inggirih: Sour and spicy) adolah ciek dari banyak masakan tradisional Minangkabau jo Malayu (Riau, Kepulauan Riau, Jambi, jo Samananjuang Malaya) nan punyo raso asam jo padeh. Masakan ko mampagunokan baragam jinih ikan jo hidangan lauik sarupo ikan ambu-ambu, kakap, tuna, Ikan gambolo, kaluih, jo cumi-cumi sabagi bahan utamo nan kudian dibumbui jo asam jao, lado, jo rempah-rempah lainnyo. Salain ikan, asam padeh ko ado pulo nan babahan utamo dagiang.[1]
 | |
| Asa | |
|---|---|
| Nagara asa | Indonesia  |
| Kaâhlian mamasak | Minangkabau cuisine (en)  jo Masakan Indonesia |
| Rincian | |
| Jinih | fish stew (en) , makanan berbahan dasar ikan (id) jo hidangan (id) |
Caro mambuek
suntiang
Bahan-bahan nan digunoan untuak mambuek asam padeh ko barupo asam kandih, langkueh, kunyik, bawang merah, bawang putih, sarai, sipadeh, daun ruku-ruku, jo daun salam. Langkah patamo mambuek asam padeh ko iolah mambarasiahan jo mamotong ikan sarato diagiah garam jo cuko. Sasudah tu bahan-bahan untuk bumbunyo dialuihan kecuali daun-daun, langkueh, jo asam kandih. Bumbu nan alah dialuihan tadi diabuih jo aia, daun kunyik, daun salam, jo sarai sampai manggalagak. Sasudah tu ikan nan alah bapotong tadi dimasuakan ka bumbu tadi, dimasak sampai agak masak. Dimasuakan pulo asam kandih jo garam, dimasak sampai bumbunyo marasok ka ikan. Manjalang api dimatian, masuakan daun ruku-ruku tu dimasak sabanta. Kalau alah masak, matian api, asam padeh siap untuak dihidangan.[2]
Rujuakan
suntiang- ↑ Detikfood, Tim. "Masak Masak : Asam Padeh Ikan Tongkol yang Pedas Segar". detikfood. Diakses tanggal 2021-05-23.
- ↑ Media, Kompas Cyber (2020-09-28). "Resep Ikan Asam Padeh, Hidangan Berkuah dari Padang Tanpa Santan". KOMPAS.com. Diakses tanggal 2021-05-23.