Aminuzal Amin
Haji Aminuzal Amin namo Datuak Rajo Batuah dan Dato' Setia Negeri Sembilan (lahia 23 April 1938 – maningga 10 September 2021 pado umua 83 taun - ) adolah surang pengusaha Indonesia dari Sumatera Barat. Salain sabagai pangusaha, Aminuzal juo pernah manjadi anggota Majelis Parmusyawaratan Rakyat Republik Indonesia.[1] Aminuzal Amin diangkek atau batagak galah pado taun 1989 jo bagala Datuak Rajo Batuah samo Datuak Gadang Batuah sabagai Panungkek nan dipangku dek kamanakannyo nan banamo Kolonel Ikasuma Hamid, bupati Tanah Datar wakatu itu.[2]
Salain manjabaik sabagai datuak, inyo pado taun 1991 mandapek Darjah (gala kahormatan) dari Karajoan Negeri Sambilan, Malaysoa nan bagala Datok Setia Negeri (DSN). Adopulo acara upacaranyo diadoan gadang-gadang jo mariah di Istano Sri Menanti, Seremban.[2]
Kahidupan awal jo pandidikan
suntiangAminuzal Amin lahir di Gudam, Pagaruyung, Tanah Datar, 23 April 1948. Inyo adolah anak suluah Muhammad Amin Dt. Panduko Batuah nan bakarajo sabagai guru di Batusangkar.[3] Inyo marupokan salah surang katurunan Sultan Abdul Jalil Yang Dipertuan Sembahyang, salah surang rajo Pagaruyung. Adiak-adik Aminuzal Amin banamo Andrie Amin, Djasna Amin, Hasnan Amin, jo Haslen Amin. Andrie Amin adolah mantan manajer tim Pelita Jaya dan manajer Tim nasional sepak bola Indonesia pado taun 1990-an.[4]
Aminuzal manyalasai pandidikan SD jo SMA di Batusangkar. Inyo manjalehan pandidikan di SMA Negeri Birugo Bukittinggi (kini SMA Negeri 2 Bukittinggi). Di bangku sikolah inyo aktif sabagai pangurus Ikatan Pelajar SMP jo SMA.[5] Sasudah lulus SMA pado taun 1957, inyo manantau ka Jakarta. Inyo sempat kuliah di Fakultas Hukum Universitas Indonesia sampai tingkek duo, tapi kalua karano masalah ekonomi.[3]
Katiko tajadi pagolakan PRRI, Aminuzal mudo disuruah ibunyo pulang kampuang. Wakkatu itu ampia sagalo urang Minang mandukuang PRRI. Usai PRRI taun 1961 inyo baliak ka jakarta jo bakandak untuak manaruin kuliahnyo. Tapi tanyato wakatu itu kampus alah dikuasoi dek CGMI nan tarapiliasi ka PKI, nan mano wakatu itu PKI marupokan musuah urang-urang bakeh PRRI, dek karano itu inyo pun kalua dari kampus.[2]
Karir
suntiangDi bangku kuliah, inyo mulai manjual pupuk jo jam. Sasudah maninggakan kuliah, inyo manjadi padagang oto nan alah dipakai. Inyo malajari baganjaro dari pangusaha Hasyim Ning.[3] Aminuzal juo pernah maniaga baju nan dibeliannyo dari lua nagari. Dari taun 1961-1975, inyo bakarajo bamalam-lamlam di babarapo perusahaan di Jakarta. Inyo pernah manjadi manajer sales PT Cahaya Sakti Motor, Pengurus NV Suisse, Pimpinan Cabang PT Sumber Lancar, jo Direktur PT Gunung Giri Indah.[5]
Sasudah tu, inyo bakarajo jo bisnis minyak. Inyo dikenal sabagai Executive Vice President PT Permindo Oil Trading nan baparak dalam perdagangan minyak mentah basamo jo Pertamina. Salain itu, inyo juo marupokan salah surang pemilik saham Bank Nusa[6] jo PT Mindo Citra Upaya, sabuah perusahaan eksportir minyak sawit Indonesia.[7] Inyo juo punyo 90 persen lebih saham Bank Nasional, bank swasta paliang tuo di Indonesia nan didirikan di Bukittinggi pado taun 1930 lalu dipindahkan ka Jakarta.[3]
Salain dari karajo bisnis, inyo mangarobankan hartonyo untuak kepentingan sosial di Sumatra Barat. Inyo manyabuik pitih Rp300 juta untuak pambangunan Masjid Nurul Amin Pagaruyung.[3][8] Sasudah Istana Silindung Bulan habis api, inyo maambiak inisiatif jo mambantu pambangunan istana tu baliak. Pado taun 1992, samo jo Abdul Latief, Fahmi Idris, jo Nasroel Chas, inyo manubuakan PT Nagari Development Corporation (NDC).[9]
Pado taun 1975-1982, Aminuzal tadapek sabagai anggota Golongan Karya Kota Padang. Pado taun 1985-1987, inyo juo marupokan anggota Lembaga Kerapatan Adat Alam Minangkabau. Pado taun 1986-1987, inyo duduak sabagai anggota Yayasan Genta Budaya Sumatera Barat.[5]
Aminuzal Amin diangkek sabagai Anggota Majelis Permusyawaratan Rakyat untuak mewakili Kelompok Karya daerah pamilihan Sumatera Barat untuak periode 1987-1992 jo 1997-1999.[5][10][11][12] Pado pamiluhan legislatif 2004, Aminuzal pernah maju sabagai calon anggota Dewan Perwakilan Daerah Republik Indonesia jo nomor urut 10 dari daerah pamilihan Sumatera Barat, tapi gagal mandapek kursi.[13] Inyo hanyo tingga salapan jo manumpokan 86.014 undi sah.[14]
Kahidupan pribadi
suntiangAminuzal manikah jo Constance Eleonore Mohede atau disapa Tantan, surang padusi dari Indonesia Timur pado 26 Maret 1976. Inyo manikah pado umua 38 taun. Dari palakunan iko inyo mandapek anak nan banamo Elza Amin, Herini Permato Budi, jo Intan Adulha.[3]
Panghargoan
suntiangAminuzal diangkek manjadi panghulu untuak suku Gudam Balaijanggo di Pagaruyung jo gelar Datuak Rajo Batuah pado 7 April 1986. Parhelatan iko dihadiri dek 500 urang sahabat, hubungan, jo kenalannyo dari Jakarta.[3] Inyo juo dianugerahi gelar Dato' Setia Negeri Sembilan, Malaysia pado 19 Juli 1991.[3]
Maningga dunia
suntiangAminuzal maningga pado 10 September 2021 di Rumah sakik Medistra, Jakarta pado umua 83 taun.[15]
Panunjuak
suntiang- ↑ Majalah Gatra, Bangsa Indonesia Tak Lepas dari Cobaan, 25 Desember 2023.
- ↑ a b c Andries (2021-09-11). "In Memoriam, Selamat Jalan Datuk Amin". hantaran (dalam bahasa Indonesia). Diakses tanggal 25-12-2023.
- ↑ a b c d e f g h (dalam bahaso id) Profil Tokoh, Aktivis, dan Pemuka Masyarakat Minang. Permo Promotion. 3 Desember 1995. pp. 36-38. ISBN 978-979-8931-00-0. https://books.google.com/books?id=5IhwAAAAMAAJ&pg=PA36. Diakses pado 25 Desember 2023.
- ↑ "Salinan arsip". Diarsipkan dari versi asli tanggal 2021-09-13. Diakses tanggal 25-12-2023.
- ↑ a b c d Umum, Indonesia Lembaga Pemilihan (1988) (dalam bahaso id). Pemilihan umum 1987. Lembaga Pemilihan Umum. https://books.google.co.id/books?id=dB4TAAAAMAAJ&pg=PA413&dq=aminuzal+amin&hl=id&sa=X&ved=2ahUKEwjzmpqIrvvyAhWFTX0KHQ6tCDwQ6AF6BAgJEAM#v=onepage&q=aminuzal%20amin&f=false.
- ↑ Majalah Tempo; Bakrie, Bank, dan Sudwikatmono, 2 Desember 1989. Diakses pado 2024-01-09.
- ↑ Majalah Tempo, Lubang Duit Bea Administrasi, 24 April 1993. Diakses pado 2024-01-09.
- ↑ "Sistem Informasi Masjid". simas.kemenag.go.id. Diarsipkan dari versi asli tanggal 2021-09-13. Diakses tanggal 2024-01-09.
- ↑ Majalah Tempo, Nantikan Dana di Bandara, 8 Februari 1992. Diakses pado 2024-01-09.
- ↑ Rakyat, Indonesia Dewan Perwakilan (1997) (dalam bahaso id). Nama anggota Dewan Perwakilan Rakyat dan Majelis Permusyawaratan Rakyat yang terpilih dan yang diangkat masa bakti tahun 1997-2002. Direktorat Publikasi, Ditjen Pembinaan Pers & Grafika, Departemen Penerangan RI. https://books.google.co.id/books?id=dgAzhXe97YsC&pg=PA49.
- ↑ (dalam bahaso id) Media Sidang Umum MPR RI, 1-11 Maret 1998. Biro Komunikasi dan Publikasi, Sekretariat Jenderal MPR-RI. 3 Desember 1998. https://books.google.co.id/books?id=0lRC73GkRzgC&pg=PA73.
- ↑ Rakyat, Indonesia Dewan Perwakilan (1998) (dalam bahaso id). Nama anggota Dewan Perwakilan Rakyat dan Majelis Permusyawaratan Rakyat yang terpilih dan yang diangkat serta yang pergantian antarwaktu masa bakti tahun 1997-2002. Direktorat Publikasi, Ditjen Pembinaan Pers dan Grafika, Departemen Penerangan RI. https://books.google.co.id/books?id=5-BWAAAAMAAJ&pg=PA33.
- ↑ "Wayback Machine". web.archive.org. Diarsipkan dari versi asli tanggal 2005-10-29. Diakses tanggal 2024-01-09.
- ↑ "Pemilu DPD 2004-Indonesia". pemilu.asia. Diakses tanggal 2024-01-09.
- ↑ Hasril Chaniago (11 September 2021). "In Memoriam, Selamat Jalan Datuk Amin". Hantaran.co. Diakses tanggal 25-12-2023.
