Aka cino

Jinih ukiran tradisional Minangkabau

Aka cino adolah salah satu motif ukiran tradisional Minangkabau. Kato "aka" bararti aka tumbuahan nan marambek, dapek juo diartian sarupo aka pikia. Samantaro kato "cino" barasa dari namo nagari nan ado di Asia Timur nan panduduaknyo suko marantau, gigiah nan juo suko bakarajo kareh. Karano hiduik di rantau musitilah manggunoan aka pikia untuak bajuang dalam hiduik, baiak sabagai pakarajo ataupun panggaleh. Motif aka cino iko malambangkan basonyo iduik itu indak data-data sajo, paralu gigiah jo karajo kareh.[1]

Motif aka cino tamasuak motif ukiran paisi papan ukuran ketek di rumah gadang, sarupo di dindiang ari antaro papan sakapiang, bandua jo bagian ateh pintu. Motif iko acok juo ditamui di paralatan saari-ari sarupo labu cakiak.[1]

Variasi motif iko antara lain aka cino sagagang, aka cino duo gagang, dan aka bapilin.[2]

RujuakanSuntiang

  1. a b Ukiran Tradisional Minangkabau. Padang: Departemen Pendidikan dan Kebudayaan Direktorat Jendral Kebudayaan. 21 Oktober 1998. 
  2. Herry Nur Hidayat (2018). "Pengembangan Motif Ukiran Rumah Gadang Untuk Motif Kain: Revitalisasi dan Pengembangan Industri Kreatif". Lingua Idea. 9 (1).