Aisjah Girindra

Aisjah Girindra (lahia di Bukittinggi, Hindia Balando, 7 Oktober 1935; umua 89 taun) adolah surang guru basa biokimia sarato pakar makanan halal dari Indonesia. Baliau pernah manjabat sabagai Direktur LPPOM Majelis Ulama Indonesia sarato Presiden Dewan Halal Dunia (World Halal Council).

Aisjah Girindra
Berkas:Aisjah Girindra.jpg
Lahia	7 Oktober 1935 Bukittinggi, Hindia Balando
Kabangsaan	Indonesia
Alma mater	Institut Patanian Bogor
Karojo	Pandidik
Dikana dek	Direktur LPPOM MUI
Urang tuo	Ali Sidi Maharajo (ayah) Siti Marhamah (ibu)

Kahidupan

Aisjah laia dari pasangan Oemar Ali Sidi Maharaja jo Siti Marhamah nan barasa dari Minangkabau. Pado taun 1952, baliau pai marantau ka Jakarta lalu malanjuikan pandidikannyo di SMA Budi Utomo. Indak lamo kudian baliau maikuk-i kakaknyo di Bogor lalu manamaikan SMA disinan. Satamaik SMA baliau malanjuikan kuliah ka Fakultas Kadotoran Hewan Universitas Indonesia, Bogor sampai manamaik-annyo pado taun 1962.

Sasudah itu Aisjah langsuang mangabdi di almamaternyo. Taun 1973 baliau bahasil mandapek-an gala Doktor Biokimia Patanian dari Institut Patanian Bogor jo disertasi nan bajudul "Faktor anti-Triptik Kedelai". Gala iko sakaligus manjadiannyo sabagai doktor padusi partamo di Program Pasca-Sarjana IPB.

Di IPB, Aisjah manjabat sabagai Katua Jurusan Kimia FMIPA IPB, sarato marintis tabantuaknyo Program Studi Biokimia Jurusan Kimia FMIPA IPB sarato Program Studi Bioteknologi Program Pasca Sarjana IPB. Di duo program studi tu, baliau ditunjuak sabagai pamimpinnyo.

Tanggal 1 Desember 1993, Prof. Dr. Aisjah Girindra diangkek sabagai Direktur LPPOM MUI manggantian Dr. Amin Azis, sasudah sabalunnyo manjabat sabagai tanago ahli di MUI. Dalam mamimpin LPOM sarato malakuan proses sertifikasi halal, baliau banyak malibatan tanago ahli sarupo dari bidang biokimia, dotor hewan, teknologi pangan, teknologi industri, sarato ahli patanian. Banyaknyo pihak nan talibat dalam proses panantuan kahalalan suatu produk, mako LPPOM dikana sabagai salah satu limbago nan paliang ketat di dunia dalam mangaluaan sertifikasi halal. Sabagai Direktur LPPOM, Aisjah acok manjadi pambicaro di acara seminar nan mambahas sertifikasi halal.

Pado taun 1999 baliau mandirian Dewan Halal Dunia, sakaligus manjabat sabagai Presiden partamo limbago tu. Dewan ko batujuan untuak manjalin komunikasi nan labiah mandalam sarato mahasilan suatu standar baku dalam proses audit kahalalan sabuah produk.

Pautan lua

• (Indonesia) www.eramuslim.com Wawancara dengan Aisjah Girindra