Surek Batak

Surek Batak, tanamo juo sabagai Surat na Sampulu Sia (kasambilan baleh huruf), Si Sia-sia, atau Aksara Batak, adolah salah satu aksara tradisional Indonesia nan bakambang di Tanah Batak, Sumatera Utara. Surek Batak tadiri dari babarapo ragam nan digunokan untuak manulih limo rumpun bahaso Batak: Karo, Pakpak, Mandailing, Simalungun, jo Toba. Aksara iko marupokan turunan dari aksara Brahmi India malalui parantaro aksara Kawi. Surek Batak aktif dipakai dek masyarakaik Batak saindaknyo sajak abaik ka-18 inggo panggunoannyo baransua-ansua mamuda pado abaik ka-20. Aksara iko masih diajakan di Sumatera Utara sabagai bagian dari muatan lokal, tapi jo pamakaian nan tabateh dalam kahidupan sahari-hari.

Surek Batak
Jinih	Abugida
Bahaso	Rumpun bahaso Batak
Wakatu	abaik ka-18 inggo kini
Sistem induak	Manuruik hipotesis ubuangan antaro abjad Aramea jo Brahmi, mako silsilahnyo sabagai barikuik: Abjad Proto-Sinai Abjad Fenisia Abjad Aramea Aksara Brahmi Dari aksara Brahmi diturunkanlah: Aksara Pallawa Aksara Kawi Surek Batak
Sistem sudaro	Bali Batak Baybayin Bugis Jawa Lampung Makassar Rejang Incung Sunda Kuno
Arah tulih	Left-to-right
ISO 15924	Batk, 365
Alias Unikod	Batak
Jarak Unikod	U+1BC0–U+1BFF

Salah satu contoh dari aksara batak

Surek Batak adolah sistem tulisan abugida nan tadiri dari 19 aksara dasa jo tambahan babarapo aksara pado ragam tatantu. Sarupo aksara Brahmi lainnyo, satiok konsonan marepresentasikan ciek suku kato jo vokal inheren /a/ nan dapek diubah jo panambahan diakritik tatantu. Surek Batak dibaco dari kida ka suok. Sacaro tradisional, aksara iko ditulih tanpa spasi antarokato (scriptio continua) jo tando baco nan minimal.

Bantuak

Aksara dasar

Aksara dasar (ina ni surat) dalam Surek Batak marepresentasikan ciek suku kato jo vokal inheren /a/. Ado 19 aksara dasar nan dimiliki sado ragam aksara Batak, samantaro babarapo aksara dasar nan anyo digunokan pado ragam tatantu. Bantuaknyo dapek diliek bak cando iko:

Ina ni Surat

	a	ha	ka	ba	pa	na	wa	ga	ja	da	ra	ma	ta	sa	ya	nga	la	nya	ca	nda	mba	i	u
Karo
Mandailing
Pakpak
Simalungun
Toba

Bantuak-bantuak di ateh marupokan bantuak nan digeneralisasi, indak jarang suatu naskah manggunokan ragam bantuak aksara atau tarikan garih nan seketek babeda antaro ciek samo lainnyo tagantuang dari daerah asa jo media nan digunokan.

Aksara i (ᯤ) dan u (ᯥ) anyo digunokan untuak suku kato tabukak, misa pado kato dan ina ᯤᯉ jo ulu ᯥᯞᯮ. Untuak suku kato tatutuik nan diawali jo bunyi i atau u, digunokanlah aksara a (ᯀ atau ᯁ) basamo diaktirik untuak tiok-tiok vokal, misa pado kato indung ᯀᯪᯉ᯲ᯑᯮᯰ dan umpama ᯀᯮᯔ᯲ᯇᯔ.

Diakritik

Diakritik (anak ni surat) adolah tando nan malakek pado aksara utamo untuak maubah vokal inheren aksara utamo nan tapauik, bantuaknyo dapek diliek bak cando iko:

Anak ni Surat

	-i	-u	-é	-e	-o	-ou	-ng	-h	pamati
Karo
	kelawan	sikurun	ketéléngan	kebereten	ketolongen		kebincaren	kejeringen	penengen
Mandailing
	uluwa	boruta	talinga		siala ulu		amisara		pangolat
Pakpak
	kaloan	kabereten	ketadingin	kabereten podi	sikora		kebincaren	sikorjan	pangolat
Simalungun
	haluan	haboritan	hatalingan		sihorlu	hatulungan	haminsaran	hajoringan	panongonan
Toba
	uluwa	boruta	hatadingan		siala		hamisaran		pangolat
Catatan ^1 /e/ bak cando e dalam kato "enak" ^2 /ə/ bak cando e dalam kato "empat" ^3 diakritik dapek mamiliki sajumlah ragam namo nan indak sadonyo dicantumkan dalam tabel iko

Tabel barikuik manunjuakkan caro diakritik malakek pado aksara dasar ka dalam tiok-tiok ragam aksara:

Ina ni Surat Ka + Anak ni Surat

	ka	ki	ku	ké	ke	ko	kou	kang	kah	k
Karo
		kelawan	sikurun	ketéléngan	kebereten	ketolongen		kebincaren	kejeringen	penengen
Mandailing
		uluwa	boruta	talinga		siala ulu		amisara		pangolat
Pakpak
		kaloan	kabereten	ketadingin	kabereten podi	sikora		kebincaren	sikorjan	pangolat
Simalungun
		haluan	haboritan	hatalingan		sihorlu	hatulungan	haminsaran	hajoringan	panongonan
Toba
		uluwa	boruta	hatadingan		siala		hamisaran		pangolat
Catatan ^1 /e/ bak cando e dalam kato "enak" ^2 /ə/ bak cando e dalam kato "empat" ^3 diakritik -u Mandailing, Pakpak, Simalungun, dan Toba mambantuak ligatur jo aksara dasar nan tapauik ^4 diakritik dapek mamiliki sajumlah ragam namo nan indak sadonyo dicantumkan dalam tabel iko

Tando baco

Teks tradisional Batak ditulih tanpa spasi antarokato (scriptio continua) dan normalnyo indak manggunokan tando baco. Namun baitu, tando baco banamo bindu kadang digunokan pado teks tatantu. Tando baco iko acok kali basipaik dekoratif dan mamiliki banyak ragam bantuak. Bindu godang umumnyo digunokan untuak manandokan mulo teks pado naskah pustaha, sadang bindu pinarjolma digunokan untuak manunjuakkan mulo teks pado naskah batuang. Bindu na metek dan pinarboras digunokan untuak mamisahkan antarobab atau bagian-bagian tatantu teks. Bindu judul kadang digunokan untuak mamisahkan antaro tajuak jo isi teks dalam ciek barih kalimaik. Bindu pangolat kadang digunokan manandokan disambiguasi pado kato atau istilah tatantu.

Bindu

bindu godang	bindu pinarjolma	bindu na metek	bindu pinarboras	bindu judul	bindu pangolat

Contoh teks

Barikuik adalah sabuah ratapan Batak Karo pado batuang dari koleksi Museum fur Völkerkunde Berlin no. IC 39908a. Aliah aksara jo tarjamahan disadur dari Kozok (1999):

Aksara Batak	Alih aksara Latin	Tarjamahan
ᯔᯂᯀᯪᯛᯨᯀᯒᯪᯂᯬᯗᯩᯉᯬᯆᯪᯞᯰᯆᯪᯞᯰᯂᯪᯉ᯳ᯆᯬᯞᯬᯱᯗᯎᯉ᯳ᯀᯩᯢ	maka io ari kuté nu bilang-bilang kin buluh tagan énda	ikolah ratok tangih di batuang nan manjadi tabuang
ᯔᯉ᯳ᯀᯪᯝᯉ᯳ᯉᯬᯒᯪᯉᯬᯒᯪᯂᯧᯉ᯳ᯀᯗᯩᯔᯧᯘᯬᯋᯪᯞᯒᯧᯝᯑᯪᯝᯑᯪ	man ingan nuri-nuriken até mesui la erngadi-ngadi	sabagai tampek untuak bacarito sansai den nan tiado abihnyo
ᯘᯪᯔᯉ᯳ᯗᯬᯒᯪᯉ᯳ᯂᯧᯉ᯳ᯔᯔᯘᯪᯂᯒᯨᯂᯒᯨᯔᯧᯒ᯳ᯎᯉᯆᯧᯒᯩᯘᯪᯆᯪᯒᯪᯰ	si man turinken mama si karo-karo mergana beré simbiring	tantang den nan bamarga Karo-karo, nan marga amaknyo (beré) Simbiring
ᯘᯪᯞᯇᯘ᯳ᯔᯧᯞᯬᯔᯰ	si lampas melumang	nan lakeh manjadi yatim piatu
ᯘᯪᯗᯧᯒ᯳ᯆᯆᯀᯗᯩᯔᯧᯘᯬᯋᯪᯞᯒᯧᯝᯑᯪᯝᯑᯪ	si terbaba até mesui la erngadi-ngadi	nan sansainyo tiado habih
ᯇᯧᯝᯪᯢᯨᯂᯬᯞᯔᯧᯀᯬᯞᯪ	péngindoku la mehuli	nasik den nan malang iko
ᯉᯢᯩᯆᯪᯆᯪᯂᯬᯂᯒᯪᯉᯂᯗᯂᯬ	nandé bibiku karina kataku	wahai nandé jo amak-amak dek sadonyo, kato den
ᯀᯩᯢᯗᯬᯒᯰᯂᯬᯗᯬᯒᯪᯂᯧᯉ᯳	énda, turang, kuturiken	ikolah, sayang, tuturan den

Blok unicode

Aksara Batak alah ditambahkan ka dalam standar Unicode versi 6.0 sajak Oktober 2010 dalam rantang U+1BC0–U+1BFF: Templat:Tabel Unicode Batak

Galeri

Tabuang batuang jo teks singkek Batuang jo kalender Batak (porhalaan) dan teks singkek, koleksi Tropenmuseum Jimat batuang, koleksi Tropenmuseum Pustaha koleksi Tropenmuseum Pustaha tanpa sampul koleksi Tropenmuseum Pustaha koleksi Tropenmuseum basampul (lampak) baragi kadal Boraspati Pustaha koleksi Tropenmuseum dengan sampul baragi cacak Boraspati Pustaha koleksi Tropenmuseum basampul polos Pustaha Agung koleksi Tropenmuseum, pustaha paliang gadang nan dikataui jo lembar nan panjangnyo mancapai 15 m. Pustaha koleksi KITLV nna mambahas tantang ilimu panulak balo Pustaha koleksi Galeri Wellcome nan mambahas tantang sitawa biso Cap Sisingamangaraja XII Panggunoan surat Batak pado papan namo jalan di Tuktuk, Samosir

Caliak pulo

• Bahaso Batak
• Pustaha
• Aksara Nusantara

Rujuakan

Daftar Pustaka

• Kozok, Uli (1996). "Bark, Bones, and Bamboo: Batak Traditions of Sumatra". di dalam Ann Kumar (dalam bahaso EN). Illuminations: The Writing Traditions of Indonesia. Jakarta: Lontar Foundation. ISBN 0834803496. https://archive.org/details/illuminationswri0000kuma. 
• Kozok, Uli (1999). Warisan Leluhur Sastra Lama dan Aksara Batak. Jakarta: Kepustakaan Populer Gramedia. ISBN 9799023335. https://books.google.co.id/books/about/Warisan_leluhur.html?id=oBu6OPT5qNEC&redir_esc=y. 
• Kozok, Uli (2000). "On writing the not-to-be-read; Literature and literacy in a pre-colonial tribal society" (PDF). Bijdragen tot de Taal-, Land- en Volkenkunde (dalam bahasa Inggris). Leiden: KITLV, Royal Netherlands Institute of Southeast Asian and Caribbean Studies. 156 (1): 33-55. 
• Kozok, Uli (2009). Surat Batak: Sejarah Perkembangan Tulisan Batak. Jakarta: Gramedia. ISBN 9799101530. https://docplayer.info/30542413-Surat-batak-sejarah-perkembangan-tulisan-batak-berikut-pedoman-menulis-aksara-batak-dan-cap-si-singamangaraja-xii-uli-kozok.html. 
• Teygeler, René (1 Januari 1993). "Pustaha; A study into the production process of the Batak book". Bijdragen tot de Taal-, Land- en Volkenkunde (dalam bahasa Inggris). Leiden: KITLV, Royal Netherlands Institute of Southeast Asian and Caribbean Studies. 149 (3): 593-611. ISSN 0006-2294. 

Pauatn lua

Koleksi digital

• Koleksi naskah British Library Archived 2021-10-07 di Wayback Machine.
• Koleksi naskah Museum Antropologi Universitas Michigan
• Koleksi naskah Perpustakaan Nasional Republik Indonesia
• Southeast Asia Digital Library kompilasi Northern Illinois University

Naskah digital

• Pustaha Panampuhi, panduan meramal menggunakan air jeruk nipis Archived 2023-04-24 di Wayback Machine. koleksi British Library no. Add MS 4726
• Pustaha Poda ni Si Aji Manis, panduan untuk mencelakakan musuh koleksi Übersee-Museum no. A 12332
• Pustaha Archived 2020-08-06 di Wayback Machine. koleksi Perpustakaan Nasional Indonesia no. peti 113 D4
• Pustaha Archived 2021-10-24 di Wayback Machine. koleksi SOAS University of London no. MS 41836

Lainnyo

• Proposal Unicode untuak Surek Batak
• Dokumentasi Unicode tantang sistem input Batak Archived 2021-09-15 di Wayback Machine.
• Situs Uli Kozok jo rangkuman sajumlah panalitiannyo takaik Surek Batak
• Artikel takaik koleksi pustaha Batak Tropenmuseum di Google Arts & Culture
• Artikel Surek Batak di situs Omniglot.com
• Unduh font Surek Batak di Situs Uli Kozok, Aksara di Nusantara, atau Google Noto Font