Wikipedia

Zakir Naik

Zakir Abdul Karim Naik (bahaso Hindi: ज़ाकिर अब्दुल करीम नायक; lahia 18 Oktober 1965; umua 59 taun) adolah saurang da'i, pambicaro umum, jo pancaramah internasional Muslim dari India. Inyo juo panulih hal-hal tantang Islam jo Ilmu Pabandiangan Agamo. Sacaro profesi, inyo adolah saurang dotor medis, mamparoleh gala "Sarjana Kadotoran jo Bedah" (Bachelor of Medicine and Surgery, MBBS) dari Maharashtra, tatapi sajak 1991 inyo alah manjadi saurang pambicaro Islam jo ulama nan talibat dalam dakwah Islam jo pabandiangan agamo. Inyo manyatoan baso tujuannyo iolah antaro lain untuak babicaro mangenai Islam kapado non-muslim jo mangklarifikasian sagalo macam kasalahpahaman tantang agamo Islam itu surang, tautamo labeling "teroris" jo "radikalisme". Inyo juo sabagai pambicaro mangenai agamo Islam sabagai agamo nan sasuai sacaro fakta iolah agamo nan masuak aka jo cocok jo ilmu Sains modern untuak dapek mayakinkan non muslim tantang kabanaran agamo tasabuik.

Infobox orangZakir Naik
(2010) Edit nilai pada Wikidata
Namo dalam bahaso usali(ur) ذاکر نائیک Edit nilai pada Wikidata
Biografi
Lahia18 Oktober 1965 Edit nilai pada Wikidata (59 tahun (id) terjemahkan)
Mumbai (id) Terjemahkan Edit nilai pada Wikidata
AgamoIslam Edit nilai pada Wikidata
AlmamaterKishinchand Chellaram College (en) Terjemahkan
Topiwala National Medical College and BYL Nair Hospital (en) Terjemahkan
Universitas Mumbai (id) Terjemahkan Edit nilai pada Wikidata
Kagiatan
Bidang karajoDakwah (id) Terjemahkan jo Ilmu Perbandingan Agama (id) Terjemahkan Edit nilai pada Wikidata
KarajoDotor, pangarang, cendekiawan (id) Terjemahkan, pengkhotbah (id) Terjemahkan, ahli bedah (id) Terjemahkan, dosen (Eropa) (id) Terjemahkan, motivator (id) Terjemahkan, pembicara (id) Terjemahkan jo podcaster (id) Terjemahkan Edit nilai pada Wikidata
Periode aktif1991 Edit nilai pada Wikidata –
Creative work
Laman webEdit nilai pada Wikidata Laman resmi (id) Terjemahkan
Facebook: zakirnaik Edit nilai pada Wikidata Youtube: UC3YmP7nqf514I1zh1eVbzrA Edit nilai pada Wikidata

Zakir Naik adolah pandiri jo presiden Islamic Research Foundation (IRF)[1], sabuah organisasi nirlaba Islam nan kusuih dalam panalitian Islam jo pabandiangan agamo nan juo mamiliki jo manyiaran jaringan saluran TV perai Peace TV dari Mumbai, India.

Biografi

suntiang

Zakir Naik lahia pado tanggal 18 Oktober 1965 di Mumbai (Bombay pado wakatu itu), India jo marupoan katurunan Konkani.[2] Inyo basakolah di St. Peter's High School (ICSE) di kota Mumbai. Kamudian bagabuang jo Kishinchand Chellaram College jo mampalajari kasihatan di Topiwala National Medical College and Nair Hospital di Mumbai. Inyo kamudian manarimo gala MBBS-nyo di University of Mumbai. Taun 1991 inyl baranti bakarajo sabagai dotor medis jo baraliah di bidang dakwah atau proselitisme Islam[3]

Naik mangatoan inyo tainspirasi dek Ahmed Deedat[4] nan alah aktif di bidang dakwah salamo labiah dari 40 tahun.[5] Manurut Naik, tujuannyo adolah "bakonsentrasi pado remaja Muslim bapandidikan nan mulai maraguan agamonyo surang jo maraso agamonyo alah kuno"[6] jo adolah tugeh satiap Muslim untuak manghilangan kasalahpahaman tantang Islam untuak malawan apo nan inyo anggap sabagai bias anti-Islam dek media Barat satalah sarangan 11 September 2001 tahadap Amerika Serikat. [7] Inyo alah bacaramah jo manulih sajumlah buku tantang Islam jo pabandiangan agamo[8] juo hal-hal nan ditujuan untuak mahapuih karaguan tantang Islam.[9] Sajumlah artikelnyo acok juo ditabikan di majalah India misalnyo Islamic Voice.[10][11][12]

Thomas Blom Hansen, saurang sosiolog nan mamacik posisi akademik di babagai universitas, alah manulih baso gaya Naik mangabadian Qur'an jo hadits dalam babagai bahaso, jo pai ka babagai nagara untuak mambicaroan Islam basamo para teolog, alah manjadiannyo sabana takenal di lingkuangan Muslim jo non-Muslim. Walaupun inyo biaso mangecek kapado ratusan hadirin, jo kadang ribuan hadirin, justru rekaman video jo DVD caramahnyo nan banyak didistribusikan. Pakataannyo biaso direkam dalam bahaso Inggirih, untuak disiaran pado akia pakan di sajumlah jaringan TV kabel di lingkuangan Muslim Mumbai,[6] jo di saluran Peace TV, nan inyo dirikan. [1][13] Topik nan inyo bicaroan mancakup: "Islam jo Ilmu Pangatahuan Modern", "Islam jo Kristen", jo "Islam jo Sekularisme", di antaro nan lain.[6]

Caramah, debat, jo kontroversi

suntiang

Naik alah mangadoan banyak debat jo caramah di saluruah dunia[14], inyo biaso mangadoannyo di Mumbai, India, jo tiok taun sajak 2007 inyo mamimpin Konferensi Damai 10 hari di Somaiya Ground, Sion, Mumbai jo candikiawan lainnyo, tamasuak politikus Malaysia, Anwar Ibrahim pado 2008.[15]

Taun 2004, Naik mangunjuangi Salandia Baru[16] jo kamudian ibu kota Australia ateh undangan Islamic Information and Services Network of Australasia. Dalam konferensinya di Melbourne, manurut jurnalis Sushi Das, "Naik mamuji superioritas moral jo spiritual Islam jp mancerca kapicayoan lain jo bangsa Baraik sacaro umum", manambahan baso kato-kato Naik "mandorong jiwa katapisahan jo mampakuek pamisahan".[17]

Bulan 1 April 2005, Naik talibat dalam debat jo William Campbell, topiknya iolah Islam jo Kristen dalam konteks ilmu pangetahuan, di mano kaduonyo mambicaroan dugaan kasalahan ilmiah di dalam kitab suci.[18]

Khushwant Singh, saurang jurnalis India, mangatoan baso kato-kato Naik "kejam" jo "mereka jarang masuak debat tingkek sarjana perguruan tinggi, di mano kontestan basaing jo nan lainnyo untuak mamparoleh nilai tabaiak".[19][20]

Analis politik Khaled Ahmed mnganggap baso Zakir Naik, manuruik klaim superioritas Islam tahadap kayakinan religius lain, mampraktikkan apo nan inyo sabuik Orientalisme mundur. [21] Dalam sabuah celaramah di Melbourne University, Naik mangatoan baso hanyo Islam nan maagiahan wanita kasamoan sajati.[22] Inyo manyatoan pentingnya penutup kepala jo manganggap baso "pakaian Barat nan tabukak" mambuek wanita labiah mungkin mangalami palecehan seksual.[23]

Tanggal 21 Januari 2006, Naik mangadkan sabuah dialog antaragamo jo Sri Sri Ravi Shankar. Acara iko mangenai konsep Tuhan dalam Islam jo Hinduisme, tujuannyo iolah maagiahan kasapahaman antaro duo agamo gadang India, jo mangaluan kasamoan antaro Islam jo Hinduisme, misalnyo bagaimano berhala dilarang. Diadoan di Bangalore, India jo 50.000 urang mamadeki Palace Grounds.[24]

Bulan Agustus 2006, kunjuangan jo konferensi Naik di Cardiff (Baritania Rayo) manjadi obyek kontroversi katiko MP (anggota parlemen) Wales David Davies mamintak acaranyo dibatalan. Inyl manyebuiknyo saurang 'panjua kebencian', jo mangatoan pandangannyo indak panteh mamparoleh 'platform publik'; Muslim dari Cardiff, manpatahanan hak babicaro Naik di kota mareka . Saleem Kidwai, Sekretaris Jenderal Muslim Council of Wales, indak satuju jo Davies, manyatoan baso "urang-urang nan mangenalnya (Naik) tahu baso inyo adolah salah satu urang paliang indak kontroversial nan pernah ado. Inyo babicaro tentang kasamoan antar agamo, jo bagaimano kito harus hiduik salaras jo mereka", jo melangundang Davies untuak mambicaroan labiah jauah jo Naik sacaro paribadi di konferensi ini. Konferensi tatap bajalan, satalah dewan Cardiff mangatoan baso mareka sanang apobilo inyo indak bacaramah jo pandangan ekstremis.[25][26]

Satalah sabuah caramah dek Paus Benediktus XVI bulan September 2006, Naik manantang debat publik langsuang jo inyo, tatapi ditolak dek Sri Paus.[27]

Bulan Nopember 2007, IRF maadoan konferensi jo pameran Islam internasional 10 hari batemaan Konferensi Damai di Somaiya Ground di Mumbai. Caramah tantang Islam dilaksanaan Naik jo duo puluah candikiawan Islam lainnyo dari saluruah dunia.[28]

Salamo salah satu caramahnyo, Naik memprovokasi kamarahan di antaro anggota komunitas Syiah di konferensi itu katiko inyo manyabuikan kato-kato "Radhiyallah taa'la anhu" (bararti 'Samoga Allah mangampuninyo') satalah manyabuik namo Yazid I jo manyabuikan baso Pertempuran Karbala hanyo badasaran politik.[29] Lainnyo mampicayoi komentar iko disangajo.[30]

Dalam tabikan 22 Pebruari 2009, Indian Express mambuek daftar "100 Urang India Takuek 2009" di antarl satu miliar panduduak India, Zakir Naik masuak paringkek 82. Dalam daftar kusuih "10 Guru Spiritual Tabaiak India", Zakir Naik ado di paringek 3, satalah Baba Ramdev jo Sri Sri Ravi Shankar, manjadi satu-satunyo Muslim di daftar iko.

Referensi

suntiang
  1. ↑ a b Mazumdar, Sudip (2006-01-23). "Beaming In Salvation". Newsweek International. 
  2. ↑ "Zakir Naik". Tungekar.com. Diarsipkan dari versi asli tanggal 2008-11-03. Diakses tanggal 2009-08-30. 
  3. ↑ "Biography of Dr. Zakir Naik from DrZakirNaik.com (situs web nan dibentuk muridnya)". Diarsipkan dari versi asli tanggal 2007-10-19. Diakses tanggal 2018-11-30. 
  4. ↑ Spreading God’s Word Is His Mission - Arab News
  5. ↑ Muslims Mourn Ahmed Deedat, IslamOnline.net, August 8, 2005
  6. ↑ a b c Hansen, Thomas (2001). Wages of Violence: Naming and Identity in Postcolonial Bombay. Princeton University Press. p. 177. ISBN 0-691-08840-3. 
  7. ↑ Media Urged to Counter Anti-Muslim Bias - Arab news, Sunday October 9, 2005
  8. ↑ Ten Most Common Questions asked by Christian Missionaries against Islam Archived 2009-02-04 di Wayback Machine. by Dr. Zakir Naik on IRF.net
  9. ↑ FAQs on Islam Archived 2010-02-11 di Wayback Machine. by Dr. Zakir Naik
  10. ↑ Prohibition of Alcohol in Islam Archived 2008-05-30 di Wayback Machine. - Islamic Voice
  11. ↑ Was Islam Spread by the Sword? Archived 2008-05-30 di Wayback Machine. - by Dr. Zakir Naik
  12. ↑ Are Ram And Krishna Prophets Of God? Archived 2008-06-30 di Wayback Machine. - Islamic Voice
  13. ↑ Syed Neaz Ahmad (February 23, 2007). "Peace TV Reaching 50 Million Viewers – Dr. Zakir Naik". Saudi Gazette. Diarsipkan dari versi asli tanggal 2007-07-07. Diakses tanggal 2007-05-18. 
  14. ↑ "Zakir Naik's UK-registered Foundation under scanner". The Hindu. 10 July 2016. hlm. Pandey, Devesh K. Diakses tanggal 18 July 2016. 
  15. ↑ Shahid Raza Burney (2007-12-31) Zakir Naik’s Remarks on Yazid Spark Anger Among Muslims Arab News. Retrieved on 2009-07-30.
  16. ↑ "Scholar clears the air about Islam 'labels'" (PDF). Te Waha Nui. September 6, 2004. Diarsipkan dari versi asli (PDF) tanggal 2007-09-28. Diakses tanggal 2007-05-20. 
  17. ↑ "Between two worlds". The Age. July 28, 2005. Diakses tanggal 2007-05-20. 
  18. ↑ Khaled Ahmed (2006-01-08) WORD FOR WORD: William Campbell versus Zakir Naik Daily Times. Retrieved on 2009-07-30.
  19. ↑ One man’s belief is another’s shackle by Khuswant Singh,
  20. ↑ Why Muslims lag behind Archived 2009-10-07 di Wayback Machine. by Khuswant Singh,
  21. ↑ "Second opinion: Zakir Naik's 'reverse orientalism' —Khaled Ahmed's TV Review". Daily Times. December 16, 2003. Diarsipkan dari versi asli tanggal 2012-07-23. Diakses tanggal 2007-05-20. 
  22. ↑ "Islam's gender debate at the fore". Theage.com.au. Diakses tanggal 2009-08-30. 
  23. ↑ "The clash of ignorance". Theage.com.au. 2005-08-06. Diakses tanggal 2009-08-30. 
  24. ↑ Religious dialogue for Spiritual Enlightenment Retrieved on 2009-07-20.
  25. ↑ Row over Islamic preacher - WalesOnline.co.uk
  26. ↑ Katie Bodinger (2006-08-21). "Cleric's address hailed a success". Icwales.icnetwork.co.uk. Diakses tanggal 2009-08-30. 
  27. ↑ Dr Zakir Naik invites Pope Benedict XVI for open interfaith dialogue - IslamCity.com - 07 October 2006 at 10:07pm
  28. ↑ Justice, peace & unity: The cornerstone of Islam Archived 2015-09-24 di Wayback Machine. by Syed Neaz Ahmad, Saudi Gazette
  29. ↑ Row_over_Islamic_preachers_remarks by Mohammed Wajihuddin,Times of India
  30. ↑ Zakir Naik’s Remarks on Yazid Spark Anger Among Muslims by Shahid Raza Burney, Arab News

Pranala lua

suntiang
Wikiquote punyo koleksi kutipan nan berkaitan jo:
Diambiak dari "https://min.wikipedia.org/w/index.php?title=Zakir_Naik&oldid=3147201"