Xanana Gusmao
José Alexandre "Kay Rala Xanana" Gusmão GColIH, GCL, GCMG (bahaso Portugih: [ʒuˈzɛ ɐlɨˈʃɐ̃dɾɨ kaj ˈɾalɐ ʃɐˈnɐnɐ ɣuʒˈmɐ̃w̃]; lahia 20 Juni 1946), acok dipanggia jo namo Xanana Gusmão sajo; adolah surang politikus Timor Leste. Inyo mantan pajuang basinjato, jo manjadi Presiden partamo Republik Demokratik Timor Leste (atau presiden katigo kok maetong juo duo presiden sabalunnyo samaso pajuangan kamardekaan sajak taun 1970-an), manjabaik sajak Mai 2002 inggo Mai 2007. Inyo kudian manjabaik Pardana Manteri kaampek Timor Leste, sajak 8 Agustus 2007[1] inggo 16 Pebruari 2015. Sajak Pebruari 2015, inyo manjadi Mantari Parancanoan jo Investasi Strategis inggo kini ko.
Xanana Gusmão | |
|---|---|
 Gusmão taun 2011 | |
| Pardana Mantari Timor Leste ka-5 | |
| Manjabat 8 Agustus 2007 – 16 Pebruari 2015 | |
| Presiden | José Ramos-Horta Taur Matan Ruak |
| Manggantian | Estanislau da Silva |
| Digantian | Rui Maria de Araújo |
| Presiden Timor Leste ka-3 | |
| Manjabat 20 Mai 2002 – 20 Mai 2007 | |
| Pardano Mantari | Mari Alkatiri José Ramos-Horta Estanislau da Silva |
| Manggantian | Sérgio Vieira de Mello sabagai Administrator PBB 1999–2002 Nicolau dos Reis Lobato sabagai Pjs. Presiden 1975–1978 |
| Digantian | José Ramos-Horta |
| Profil pribadi | |
| Lahia | José Alexandre Gusmão 20 Juni 1946 Manatuto, Timor Portugih (kini Timor Leste) |
| Partai politik | Kongres Nasional Rekonstruksi Timor (CNRT) |
| Pasangan | Emilia Batista (1965–1999) Kirsty Sword (2000–kini, [bapisah]) |
| Anak | 5 |
| Tampek tingga | New South Wales, Australia |
| Tando tangan |  |
Asa usuaSuntiang
Gusmão lahia di Manatuto, Timor Portugih, dari kaduo urang gaek nan katurunan Portugih-Timor, nan kaduonyo bakarajo sabagai guru sikola.[2] Namo panggilannyo "Xanana" baambiak dari namo band rock-and-roll Amerika, Sha Na Na.
PalawananSuntiang
Satalah pambantuakan "Pamarentahan Samintaro Timor Timur" dek Indonesia, Gusmão manjadi talibaik bana jo kagiatan palawanan. Di maso-maso awa, Gusmão acok bajalan dari kampuang ka kampuang untuak mandapek dukuangan jo rekrutan. Tatapi satalah Fretilin mangalami kamunduran gadang pado awa 1980-an, tamasuak upayo kudeta 1984 nan gagal taradok Gusmão nan dipimpin dek ampek perwira senior Falintil (tamasuak juo Mauk Moruk),[3] Gusmão maninggaan Fretilin jo pindah mandukuang babagai koalisi sentris, inggo akianyo manjadi lawan utamo Fretilin. Pado patangahan 1980-an, inyo lah manjadi pamimpin nan paliang tapandang.
Dek inyo acok masuak barito, Gusmão manjadi sasaran panangkapan pamarentah Indonesia, nan akianyo barasia dilakuan pado Nopember 1992. Gusmão diadili pado Mai 1993, dinyatoan basalah jo dijatuahi ukuman pinjaro saumua iduik dek pamarentah Indonesia. Inyo dianggap basalah badasa Pasal 108 KUHP(pambarontakan), UU No. 12 Taun 1951 (kapamiliakan sinjato api sacaro ilegal), jo Pasal 106 (mancuba untuak mamisahan sabagian wilayah Indonesia).[4] Walaupun kudian inyo bebas pado akia 1999, Gusmão taruih mamimpin palawanan dari dalam pinjaro malalui bantuan dari bininyo Kirsty Sword.
RujuakanSuntiang
- ↑ "Gusmao sworn in as East Timor PM" Archived 11 August 2007 di Wayback Machine., Al Jazeera, 8 August 2007.
- ↑ Geoffrey C. Gunn (2003). First Globalization: The Eurasian Exchange, 1500–1800. Rowman & Littlefield. pp. 282. ISBN 0-7425-2661-5. https://books.google.com/books?id=4gQV2V01Y6UC&q=Geoffrey+C.+Gunn+(2003).+First+Globalization:+The+Eurasian+Exchange,+1500-1800..
- ↑ "Xanana Gusmao-Mauk Moruk: Timor struggles with its past and future". Lowy Institute for International Policy. 3 December 2013. Diakses tanggal 3 September 2015.
- ↑ Amnesty International briefing on Xanana Gusmao Archived 14 September 2007 di Wayback Machine.