Wikipedia:Basaba jo bakapalo dingin
v
 | Ringkasan isi: Tetaplah tanang katiko panyuntiangan mamaneh. Salalu asumsian niaik baiak, dan paliharolah kasopanan. |
Wikipedia alah manjadi saksi bisu dari banyak parcekcokan paik. Baitu murah untuak talibek dalam percekcokan online, tarutamo dalam lingkungan nan dapek mamberian tanggapek sacaro langsuang sarupo Wikipedia, tapi tolong diingek bahwasanyo kito sadonyo di siko untuak babarapo alasan nan kurang labiah samo, dan ado urang di ujuang pambicaroan dunsanak. Flame war itu mangganggu pakambangan proyek dan mambuek Wikipedia manjadi tampek nan kurang manyanangkan bagi satiok urang.
Di bawah iko adolah saketek tips nan kontributor bapangalaman alah tamuan untuak tatok bakapalo dingin:
- Bilo sasaurang indak sapandapek jo dunsanak, cubo mangarati mangapo, dan dalam bapandapek dunsanak di laman pambicaraan cubo untuak manyadioan alasan nan rancak mengapo dunsanak pikie bahwa caro dunsanak labiah rancak.
- Jaan mengecap atau mamaki-maki ka sasaurang atau panyuntiangannyo. Istilah saparati "rasialis" atau bahkan "bego" mambuek urang tasingguang dan mambuek nyo batahan. Katiko iko tajadi, akan manjadi sulik untuak mandapekan diskusi nan produktif.
Bahadokan jo panghinaan
suntiang
Adokalanyo tajadi di Wikipedia, maskipun satiok urang satuju bahwa kito indak saharusnyo malakuan panyarangan pribadi, akan tatapi kalimaik-kalimaik kasa dan indak sapantasnyo akan tatok ado; hal nan ko dapek sajo dilakuan dek para kontributor lamo, namun damikian labiah acok dilakuan dek para pandatang baru. Ado banyak caro untuak baradoan jo iko:
- Biaan sajo dan jaan ditanggapi. Panamoan dapek mambuek urang tasingguang namun sangaik indak manolong atau basikap dewasa. Lakuan sajo apo nan harus dunsanak lakuan dan jaan khawatie tantang hal nan tu; dunsanak ndak diperaluan mamberikan tanggapan.
- Mintalah sacaro sopan kapado urang nan dunsanak anggap alah manghino dunsanak, untuak mampatimbangkan baliak keceknyo. Takadang urang maucapan panghinaan sacaro indak sangajo, dan indak manyadari kato-katonyo dapek dianggap manganduang makna tatantu. Tadapek kajadian dimano urang basadio mangubah caronyo batindak, ketiko manyadari bahwa inyo alah manyingguang parasaan urang lain.