Wikipedia:Artikel nan Tapiliah/Mai 2020

Benteng Bukik Tak Jadi adolah bekas benteng patahanan Kaum Paderi nan talatak di Kampuang Chaniago, Nagari Ganggo Hilie, Kecamatan Bonjol, Kabupaten Pasaman, Sumatera Barat, Indonesia. Katiko malatuihnyo Parang Paderi, benteng iko manjadi pusek komando pasukan Padri. Lokasi benteng maliputi bukik babantuak persegi panjang nan punyo kamiriangan hampia tagak luruih ka ateh. Di ateh bukik, pasukan Padri dulunyo mambangun struktur manyarupoi benteng sabagai basis patahanan Tuanku Imam Bonjol jo pangikuiknyo dari sarangan pasukan Balando sahinggo pado literatur Balando disabuik juo sabagai Benteng Bonjol. Benteng Bonjol digambarkan punyo tembok-tembok nan tabuek dari batu-batu gadang nan teknik mambueknyo hampia samo jo benteng-benteng di Eropa. Sisi bukik dikaliliangi dek parik patahanan jo rumpun aua baduri nan sulik ditembus. Sajak 1833, pasukan Balanda bakali-kali manyarang dan baru dapek manjatuhan Benteng Bonjol pado 15 Agustus 1837. (salangkoknyo...)