Wickiana

Wickiana adolah karya Johann Jakob Wick dari Zurich (1522-1588) nan babantuak kumpulan dari halai-halai karateh gadang, nan dijilid manjadi 24 volume dan dibuek antaro 1560 jo 1587. Karya ko adolah suatu sumber pantiang dari maso reformasi protestan di Swiss.

Dibakanyo tigo tukang sihia di Baden (1585).

Wick iduik kutiko Zurich barado di bawah kuaso Heinrich Bullinger, surang panaruih dari Huldrych Zwingli. Inyo baraja teologi di Tubingen, dan malayani sabagai pastor di Witikon, rumah sakik kota, jo Predigerkirche. Sudah tu inyo manjabaik sabagai kanon jo diakon agung kaduo di Grossmünster.

Halai-halai karateh Wick mulonyo basimpan di papustakaan biaro Grossmünster salapeh inyo manigga pado 1588. Koleksi ko lalu bapindah ka Zentralbibliothek Zürich pado 1836. Pado 1925, panyimpanan koleksi asali ko dek papustakaan dibagi antaro divisi manuskrip jo divisi cetakan awal. Koleksi cetakan awal saluruahnyo tadiri ateh 429 cetakan nan barasa dari koleksi Grossmünster asali (PAS II 1 - 24) ditambah sapuluah barang nan didapek balakangan (PAS II 25). Sadangkan bagian manuskrip manggunoan indeks papustakaan Ms F 12–35. Antaro 1997–2005, sabagian koleksi ko ditabikan dalam edisi reproduksi (facsimile) nan lah dilangkoki pulo jo komentar.

Contoh

• 
  Bilalang.
• 
  Pidari Bastian Hegner jatuah dan mati di Rapperswil pado 12 Nopember 1561.
• 
  Surang paja ketek di Maschwanden mati dilantak babi.
• 
  Di Jenewa duo pidari dicambuak karano manipu.
• 
  Komet gadang pado 1577, Praha, 12 Nopember 1577

Rujuakan

• M. Senn, Die Wickiana. Johann Jakob Wicks Nachrichtensammlung aus dem 16. Jahrhundert, Zürich 1975.
• Franz Matthias Mauelshagen, Wunderkammer auf Papier. Die Wickiana zwischen Reformation und Volksglaube, Diss. Univ. Zürich, Zürich 2008.
• Wolfgang Harms, Michael Schilling (eds.), Die Wickiana. Die Sammlung der Zentralbibliothek Zürich, Tübingen 1997–2005.

Pautan lua

• (Jerman) Zentralbibliothek Zürich