Urang Tamil
SUKU TAMIL adolah salah satu suku asing dari lua Indonesia yang manatap di daerah-daerah nan ado di Indonesia, urang suku Tamil iko banyak tasebar di Kota Medan, Sumatra Utara meskipun terdapat minoritas di Jakarta, Aceh, Sumatra Barat, Riau, dan Kepulauan Riau.[1] Suku urang iko marupokan etnik dari bangsa Dravida dari Asia Selatan, dan di Indonesia suku etnik Tamil ini mampunyoi jumlah populasi sabanyak 77 Juta jiwa yang tasebar di seluruh dunia, yang mano suku iko juo marupokan salah satu suku tatuo jo nan paliang gadang nan indak mampunyoi negara di dunia.[2]
| Suku Tamil Banso Dravida |
|---|
| Jumlah populasi |
|
77.000.000 Jiwa tasebar di saluruah dunia. |
| Kawasan bapopulasi cukuik banyak |
| Dunia:
Sri Langka: 15.36% India: 5.91% Mauritius: 5.83% Singapura: 5% Malaysia: 5.7% Di Indonesia: Pado taun 2015 jumlahnyo 75.000 Jiwa Sumatera utara: 40.000 jiwa Kamudian sabagian ketek ado di Aceh, Sumatera Barat. |
| Bahaso |
| bahaso Tamil |
| Agamo |
| Mayoritas Kristen Islam, Hindu Tamil Hindu Aceh |
| Kalompok etnik takaik |
| Suku Dravida. |
Suku Tamil iko banyak tasebar ka panjuru negara-negara diantaronyo iolah 15,36% di Sri Langka, 5,91% di India, 5,83% di Mauritius, 5% di Singapura, 5,7% di Malaysia. Kamudian di Indonesia sandiri suku urang ko bajumlah sabanyak 75 ribu jiwa di Indonesia pado taun 2015, kamudian ado babarapo nan tinngga di Sumatra Utara sabanyak 40 ribu jiwa, dan babarapo daerah lain sarupo Aceh, jo Sumatra Barat.[3]
Asau-usua paradaban Tamil di Indonesia suntiang
Urang suku banso Tamil iko sarupo nan dikatahui adolah salah satu etnik banso nan indak mampunyoi negara di dunia dan di Indonesia sandiri kabaradoan urang suku Tamil iko alah ado jauah sabalum maso Pra-kolonialisme yang marupokan urang migrasi dari wilayah Asia Salatan, khususnyo wilayah India Salatan jo Sri Langka. Pakambangan etnik urang iko banyak di tamui di daerah Asia Tenggara sarupo di Singapura, Malaysia, jo Indonesia.
Pado daerah Sumatera Utara sandiri, urang iko alah ado sajak lamo yoitu kisaran abad ka-18 akhir dan tapeknyo katiko maso kasultanan Deli yang di pimpin dek Sultan Makmun Ar-Rasyid.[4] Suku etnik Tamil yang ado dan bamigrasi ka Sumatera Utara iko adolah Tamil Muslim sabagaimano yang di sabuik urang, nan mano migrasi iko tajadi karano ado jalinan komunikasi sebagai sesama Muslim, kemudian juga sebagai buruh. Tamil muslim di Sumatera Utara iko pado maso migrasi wakatu dulu datang untuak manjadi buruah karajo di kasultanan Deli untuak bakarajo di pakabunan yang dipunyo dek kasultanan Deli, urang ko diagiah tampek tingga barupo tanah untuak mambuek pamukiman.
Pado maso migrasi iko, salain Tamil muslim nan tibo ado juo Tamil nan baragamo hindu, yang mano manuruik catatan sijarahnyo urang ko masuak partamo kali ka sumatera khususnyo di daerah Barus (kota purba) di pinggia pantai samudera Hindia.[4] Adopun manuruik Luckman Sinar saurang paniliti yang baranggapan kalau urang Tamil Muslim datang partamo kali malalui wilayah Malabar sakitar taun 717 Masehi. Kamudian manuruik sumber lain tadapek 100 urang Tamil nan tibo partamo kali di Sumatera Utara untuak bakarajo di pakabunan Deli.[5]
Kahidupan sosial suntiang
Pado maso migrasi di abad ka-18 jo 19 sabananyo ado duo kalompok nan datang ka Indonesia, yoitu Tamil Jo Sikh namun kaduonyo bapisah karano ado pabedaan tampek asal, agamo, jo mato pancaharian. Pado tahun 1887 Tamil muslim di Indonesia alah ado lembaga komunitas nan banamo South Indian Moslem Foundation And Welfare Committee.[6] Kamudian untuak Tamil muslim, sultan Deli maso itu mambarikan duo petak tanah untuak di bangun pamukiman jo masajik nan banamo Masajik Ghaudiyah.
Kadatangan urang iko sacaro kahidupan sosial masiah bapegang teguh jo kahiduoan sosial dari tampek asalnyo, tapi sairiang bajalannyo wakatu jo proses sosial yang tajadi jo warga lokal akhirnyo duo budaya iko saliang baririangan jo manambah nuansa budaya di Sumatera Utara dan Medan.[6]
Sasudah kadatangannyo di maso lalu untuak mancari karajo, pado akhirnyo urang Tamil iko manatap di daerah yang alah lamo di jadikan tampek karajonyo dan kini pamukimannyo banamo Kampuang Madras yang ado di jalan Zainul Arifin nan badakatan jo daerah batang aia nan pado maso dulu di jadikan sabagai moda Transportasi. Kamudian sairiang bajalannyo wakatu kampuang Madras iko indak hanyo di isi dek urang Tamil sajo, tapi alah mulai di isi dek urang-urang suku banso lain sarupo Cino, Aceh, Jawa, jo Malayu.
Kampuang Madras sarupo nan dikatahui di huni urang suku banso Tamil sangaiklah kental jo nuasa India, mulai dari arsitektur sarato kabudayaan sosial sahari-hari.
Tamil Aceh suntiang
Salain barado di Medan, Sumatera Utara urang suku banso Tamil ko juo ado di daerah-daerah lain di Indonesia sarupo Aceh. Babeda jo urang suku Tamil nan ado di Medan yang notabenenyo iolah urang Tamil baragamo Islam, sadangkan yang ado di Aceh marupokan urang Suku Tamil nan baragamo Hindu.[7] Parkiraan kadatangan urang Tamil di Aceh iko adolah sakitar abad ka-19 nan mano labiah dulu urang Tamil di Medan dari pado nan di Aceh, dan untuak tujuan kadatangan ka Aceh sampai kini alun bisa dipastikan sacaro jaleh salain dari untuak badagang jo bakarajo.
Sabagai komunitas Tamil Hindu nan ado di Aceh yang mano Aceh marupokan daerah yang mayoritas Muslim, urang suku Tamil Hindu iko indak taralu banyak ado di Aceh. Sabalun taun 2004 jumlah urang Tamil di Aceh iolah sabanyak kurang labiah 50 urang sajo, kamudian sasudah adonyo bancana Tsunami Aceh, urang Tamil nan ado di aceh kisaran 15 urang sajo.[8]
Walaupun suku Tamil Hindu di Aceh tagolong suku etnik nan ketek tapi urang ko masih kuek mamegang adat budaya Hindunyo. salah satunyo iolah ritual parayaan Thaipusam.
Ritual Thaipusam suntiang
Ritual Thaipusam sandiri adolah ferstival yang di rayokan dek urang Tamil aceh satiok bulan purnama partamo di bulan Thai dalam kalender Tamil. [7] Hari Thaipusam bagi urang Tamil Aceh di kenal juo sabagai hari mambayia nazar jo manabuih doso sarato mamohon pamohonan ampun kapado Dewa Murga.
Pado ritual iko urang suku Tamil Aceh baka manusuak-nusuak badannyo jo basi tajam, kamudian urang padusi suku iko baka mambaok susu putiah nan dimasuakkan kadalam belanga yang di latakkan di ateh kapalonyo.
Sabalum palaksanaan ritual Thaipusam urang Tamil hindu biasonyo baka bapuaso dulu salamo tigo hari san ado pulo nan sampai sabulan atau 40 hari lamonyo, dan puaso baka dimulai dari jam anam pagi sampai jam anam sore, kamudian salamo puaso urang iko hanyo buliah mamakan makanan Vegetarian dan harus mambaco doa-doa untuak maingek dewanyo.
Partamo-tamo ritual diawali jo mambaok sasambahan kapado dewa Murga/Murugan, nan barisi buah-buahan yang di bungkui jo kain songket India kamudian dihiasi jo bungo. Kamudian pandeta besar atau Brahmana baka mambacokan doa-doa untuak pamujaan, kamudiann pado malam harinyo beko baka diadokan arak-arakan untuak mambaok patuang dewa Murugan bakaliliang dan maliek pamukiman kampuang suku Tamil Hindu di Aceh, dan biasonyo jalur arak-arakkan dimulai dari mungko kuil Palani Andawer dan barakhir pado hari itu jo acara makan-makan babagai masakkan khas India.
Kamudian baru pado hari kaduo dilaksanakan babagai acara ritual manusuak diri dengan "Vel" atau mato panciang, anak panah, atau jo Basi tajam. Ritual iko indak dilakukan dek sagalo urang suku Tamil tapi hanyo sabagian urang yang mampunyoi nazar, dan sabalum malakukan ritual iko talabiah dahulu urang nan ka ditusuak mambarasian diri jo caro mandi di batang aia Krueng, Aceh.[9]
Referensi suntiang
- ↑ Tamils - a Trans State Nation, Indonesia", Tamilnation.org, 2023-01-31
- ↑ Minahan, James (2002). Encyclopedia of the Stateless Nations: S-Z. hlm. 1835–1850.
- ↑ (Inggris)Diaspora Tamil in Indonesia - Tamil Nation. Dikunjungi tanggal 2023-02-1.
- ↑ a b Suryo Adi Sahfutra. (2021). Diaspora Komunitas Tamil di Sumatera Utara: Antara Menjadi India atau Indonesia. Hlm. 576. Diakses Pada Tanggal 2023-02-1.
- ↑ Sandhu, K. S., & Mani, A. (1993). Indian Communities in Southeast Asia (Indian in; A. Mani, Trans.). Singapore: ISEAS.
- ↑ a b "Mengenal Kampung Madras, Sejarah dan Kisah Kehidupan Bangsa Tamil di Sumatera Utara". merdeka.com (dalam bahasa Inggris). 2022-10-14. Diakses tanggal 2023-01-31.
- ↑ a b BERITAKINI.CO. "Mengintip Perayaan Thaipusam Suku Tamil di Serambi Mekkah". BERITAKINI.CO (dalam bahasa Indonesia). Diakses tanggal 2023-02-01.
- ↑ "Perayaan Thaipusam Warga Etnis India Tamil yang Tersisa di Aceh". www.vice.com (dalam bahasa Indonesia). Diakses tanggal 2023-02-01.
- ↑ Cut Sofy Iramarisa, Aslam Nur, dan Ikhwan. (2022). Thaipusam Rituals In Banda Aceh As Tamil Hindu Ethnic Identity. Hlm. 86-88. Diakses pado tanggal 2023-02-01.