Urang Rote
Suku Rote adolah salah satu panduduak asli Pulau Rote, yang sabagian di antaronyo ado pulo yang manatap di Pulau Timor.[1] Salain itu, Suku Rote juo mandiami pulau-pulau di sakitar Pulau Rote, yaitu Pulau Ndao, Pulau Nuse, Pulau Pamana, Pulau Doo, Pulau Heliana, Pulau Landu, Pulau Manuk, dan pulau-pulau ketek lainnyo.[2] Ado ahli yang bapandapek kalau urang Rote sabalumnyo bamigrasi dari Pulau Seram di Maluku.[3]
| Suku rote dalam catatan Portugis abad ke-16 dan 17 Rotes, "Ende" |
|---|
| Jumlah populasi |
|
"Tidak diketahui" |
| Kawasan bapopulasi cukuik banyak |
| Indonesia: |
| Bahaso |
| bahasa Suku Rote "termasuk kedalam rumpun bahaso Austtronesia" |
| Agamo |
| Kristen Protestan, Katolik, dan Islam, Animisme, Animatisme. |
Bahaso Suku Rote tamasuak Rumpun bahaso Austronesia, dari Malayu-Polinesia Barat-Salatan, yang tabagi ka dalam babarapo dialek.[3]
Mato pancaharian urang Rote adolah baladang, baternak, manangkok ikan, manyadap nira, jo karajinan lontar.[2] Tanah yang mampunyoi pangairan dibuek manjadi sawah atau sawah tadah hujan.[2] Hasil partanian utamo adolah padi ladang, jaguang, dan ubi kayu, sadangkan hewan taranak utamo adolah kabau, jawi, kudo, jo ayam.[3] Padusi Suku Rote mangarajoan karajinan manenun kain tradisional, anyaman pandan, dll.[3]
Sistim kakarabatan suku ikp adolah kakarabatan kaluargo inti atau kaluargo lueh, dan basifat patrilineal dan manjago adat panikahan eksogami suku.[2] Gabuangan babarapo kaluargo lueh mambantuak klan ketek (nggi leo), gabuangan klan-klan ketek mambantuak klan gadang (leo). Pamimpin klan dinamokan manek atau mane leo.[2]
Kapicayoan tradisional Suku Rote mangenal sosok Sang Pencipta, yaitu Lamatuan atau Lamatuak.[3] Sosok tasabuik dipandang sabagai Pancipta, Pangatur, dan Pambari Berkah, yang dilambangkan tiang bacabang tigo.[3] Pado maso kini, Suku Rote banyak yang alah manganut agamo Kristen Protestan, Kristen Katolik, atau Islam.[3]
Asa-usua
suntiangAdo ahli yang bapandapek mangenai asal-usua suku Urang Rote ko yang mangatoan kalau suku rote sabalumnyo bamigrasi dari Pulau Seram, Maluku. Konon manuruik carito urang Portugis di abad ka-15 mandaratkan kapanyo dan batanyo ka masyarakaik satampek apo namo pulau itu, urang tasabuik bapikia kalau urang portugis tu mananyokan namonyo surang dan manyabuikkan namonyo Rote, sahinggo urang Portugis baranggapan namo pulau iko adolah pulau Rote.[4]
Sabagian gadang panduduak yang mandiami pulau Rotr Ndao manuruik traisi tatuo adolah suku suku ketek yaitu Rote Nes, Bara Nes, Keo Nes, Pilo Nes, dan Fole Nes. Suku-suku iko mandiami wilayah kasatuan adaik yang urang tu sabuik banamo Nusak. Sagalo Nusak yang ado di pulau itu di satukan dalam wilayah kacamatan. Urang Rote picayo kalau asa mulonyo urang Rote datang dari arah Utara jo naiak sampan yang banamo Lette-Lette.
Pakaian adaik
suntiangUrang suku Rote punyo baju adat nan banamo Ti'i Langga. Ti'i Langga iko mampunyo kaunikan yang manggunokan kaun tanun sabagai pakaian utamonyo dan mamakai topi sabagai panghias kapalo. Ti'i Langga iko dibuek dari daun Lontar kariang yang dibantuak malebar dan dengan tambahan ornamen yang babantuak cula/jambul yang satinggi 40 sampai 60 cm. Baju adat iko mamiliki makna barati simbol kapicayoan diri jo sarato kawibawaan jiko dipakai samo urang laki-laki dari suku Rote.
Kahidupan Urang Rote
suntiangDalam kahidupan urang suku Rote tadapek strata sosial dalam satiok Leo (kaluargo), lapisan paliang ateh banamo Mane Leo (pamimpin) dan pamimpin di wakili samo surang Fetor Leo (Wakil katua), yang marupokan jabatan kahormatan di kaluargo istri Mane Leo, fungsi mane leo iko biasonyo batugas atau mauruih masalah spiritual sadangkan Fetor Leo untuak mangurusi tugas duniawi.
Filosofi urang Rote ko iolah "Mao Tua Do Lefe Bafi" yang barati kahidupan dapek basumber dari cukuik mangirih tuak jo mamaliharo ciliang, dan memang iyo kalau urang rote mamulai pamukiman dari pambagian pakarajoan mangirih tuak atau daerah yang ado sumber untuak mambuek tuak.[4]
Kapicayoan tradisional urang Rote mangenal sosok pancipta, yaitu banamo Lamantua atau Lamatuak. Sosok iko dipandang samo urang suku Rote sabagai sang Pancipta nan Aguang, sosok iko juo yang disabuik sabagai sosok yang mangatur, jo pambari perkah, yang di lambangkan sabagai tiang bacabang tigo, yaitu mampunyo arti sabagai pancipta, pangatur, dan pambari perkah tadi. Namun pado maso kini sasuai nan di sabuik sijarahnyo malalui urang Portugis yang masuak ka pulau Rote kini kabanyakan urang suku Rote manganuik agamo Kristen Katolik, Kristen Protestan, jo saketek nan baragamo Islam.
Budaya Tu'u Belis
suntiangSuku rote iko juo mampunyoi ciek kabudayaan yang takenal, kabudayaan iko banamo Tu'u Belis yang marupokan budaya gotong royong dalam mangumpuan dana untuak acara panikahan di dalam suku Rote. Budaya iko manjadi kabiasoan yang sangaik mambantu pasiapan para calon pangantin yang ka manikah untuak maringankan baban kauangan yang akan dikaluahkan, juo baguno untuak mampaarek hubuangan kakarabatan jo pasaudaraan.[4]
Budaya Tu'u belis ko indak hanyo dikarajoan katiko ado urang suku Rote yang ka manikah sajo, tapi juo akan dilaksanakan pangumpulan dana iko katiko ado kamatian anggota kaluargo, dan pangumpulan dana akan dilakukan untuak mambiayai pesta kamatian sasuai adat yang balaku, bantuan iko juo bararti hutang yang harus di bayia manuruik adat.
Liek pulo
suntiangRujuakan
suntiang- ↑ Kristi, Navita (2012). Fakta Menakjubkan Tentang Indonesia; Wisata Sejarah, Budaya, dan Alam di 33 Provinsi: Bagian 3. Cikal Aksara. ISBN 602-8526-67-3. https://books.google.co.id/books?id=eU1MDQAAQBAJ&pg=PA72&dq=budaya+pulau+timor&hl=en&sa=X&ved=0ahUKEwju2uTfkq7WAhWHto8KHRBSB9EQ6AEIXTAI#v=onepage&q=budaya%20pulau%20timor&f=false.
- ↑ a b c d e Melalatoa, M. Junus (1995-01-01) (dalam bahaso id). Ensiklopedi Suku Bangsa di Indonesia Jilid L-Z. Direktorat Jenderal Kebudayaan. https://books.google.co.id/books?id=FbGECgAAQBAJ&pg=PA713&dq=suku+rote&hl=id&sa=X&ved=0ahUKEwiGw5P387_WAhUKro8KHQQpDdgQuwUILDAB#v=onepage&q=suku%20rote&f=false.
- ↑ a b c d e f g Hidayah, Dr Zulyani (2015) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 9789794619292. https://books.google.co.id/books?id=w_FCDAAAQBAJ&pg=PA327&dq=suku+rote&hl=id&sa=X&ved=0ahUKEwiGw5P387_WAhUKro8KHQQpDdgQuwUINjAD#v=onepage&q=suku%20rote&f=false.
- ↑ a b c "Mengenal Suku Rote Dengan Budaya Gotong Royong Saat Pernikahan". EGINDO (dalam bahasa Inggris). 2021-03-19. Diakses tanggal 2023-01-24.