Urang Nuaulu
Urang Noaulu atau Noahatan atau Naulu[2] adolah sakalompok urang yang tadapek di Desa Sepa bagian selatan-tangah Pulau Seram, Maluku. Noaulu atau Noahatan sandiri barasa dari kato "noa" yang marupoan namo batang aia sarato "hatan" yang artinyo kapalo batang aia (hulu) sahinggo Noahatan (Noaulu) dapek diartikan sabagai urang-urang yang mandiami hulu batang aia Noa. Pado tahun 2011 populasi urang Noaulu mancapai tigo ribu jiwa.
| Total populasi | |
|---|---|
| 3.000 jiwa.[1] | |
| Kawasan jo populasi nan signifikan | |
| Maluku Utara (Kabupaten Halmahera Barat) | |
| Bahaso | |
| Bahasa Tidore dan bahasa Ternate | |
| Agamo | |
| Noaulu Hindu | |
| Kalompok etnis takaik | |
| Urang Manusela |
Urang Noaulu kabanyakan dari mareka adoalah datang dari Maluku Utara tapeknyo Pulau Halmahera. Pasca parang hotebanggoi kamudian mamiliah migrasi ka wilayah salatan pulau Seram badiam di hulu sungai Noa petuanan desa Sepa Kacamatan Amahai. Di seram bagian utara ado sajanis urang sarupo ko yang disabuik masyarakaik Huaulu. Urang Huaulu mahuni duo desa di pantai utara Pulau Seram samo urang Noahatan (Noaulu) hanyo ado di desa Sepa di pantai salatan.
Sacaro etnis, urang Noaulu takaik samo urang Manusela. Urang Noaulu mirip samo Manusela jugo dalam bahaso samo mangikuti kayakinan pamaluak kapacayoan aslu urang Manusela, yoitu Naurus.[rujuakan?] Namun, ado juo diantaro urang Noulu yang mangikuti agamo Hindu samo bantuak-bantuak ritual yang diadopsi dari agamo Hindu dapek dicaliak dalam ritual urang Noaulu.
Sistem Kamasyarakaik
suntiangUrang Noahatan (Noaulu) taseba dipetuanan Desa Sepa di Pulau Seram yoitu di Yaisuru pindah ke Nua Nea, Bunara, Latan (Kampung Lama), Hahuwalan, Simalouw, Rohua, Rohua Waemanesi. Sistem kamasyarakaikan mereka dibagi ka dalam 12 klan atau marga yoitu Pia, Matoke, Kamama, Sounawe Aepura, Sounawe Aenakahata, Sopalani, Perissa, Hury, Nahatue, Soumory, Leipary samo Rumalait. Ciri khas mereka adolah kaum laki-laki mangenakan Nahatari atau kaeng berang yoitu kain merah yang diikek ka kapalo.
Saat bainteraksi samo masyarakaik lua, urang Noaulu salalu mangamukokan parasaan damai. Prinsipnyo salamo urang babuwek elok mako ndak ado hal buruak yang akan mandatangi mereka. Etika lainnyo adolah dilarang mancilok, dilarang manyapo samo panggilan yang kurang panteh. Dalam komunikasi sahari-hari jiko ado palanggaran adaik mako akan diagiah sanksi yang disabuik dengan Pina.
Pado maso dahulu, mereka masih manganuik adaik mamotong kapalo atau mengayau sarupo masyarakaik Dayak di Kalimantan. Tatapi sajak tahun 1970-an mereka ndak mangarajoan lai satalah dilakukan sosialisasi sacaro taruih manaruih dek pamarintah daerah satampek. Hampia sadoalah upacara adaik pado maso lalu maharuskan adonyo korban kapalo tatapi kini adalah baganti samo hewan kuskus.
Agamo
suntiangAgamo yang dianuik dek urang Noaulu adolah agamo yang diturunan dek nenek moyangnyo, urang Noalu manyabuiknyo agamo Noaulu atau Naurus. Tuhan mereka disabuik Upuku Anahatana atau biaso disingkek samo Anahatana salaku Tuhan pencipta alam samesta samo marupoan sasuatu gain jo maha agung.
Karano agama ko ndak diakui dek negara mako urang Noaulu takadang bakamusflase jo mancatumkan agamo lain yang diakuik dek negara. Hal ko dilakukan untuak manarobos birokrasi negara sarupo pangurusan KTP samo pandidikan.
Katiko anak-anak urang Noaulu basakolah, urang Noaulu harus mamiliah salah ciek agamo yang diakuik dek negara sasuai samo agama mayoritas di sakolah meraka. Hal ko dilakukan sakadar untuak mamanuhi tuntutan sistem kurikulum pandidikan yang balaku. Babarapo anak malah diajak bapindah kayakinan dek kawannyo atau urang tuo angkeknyo karano dianggap ndak mamiliki agamo.
Di sisi lain, parnikahan yang urang Noaulu lakukan antaro pamaluak agamo Noaulu ndak diakui dek negara. Hal ko maakibaikan parnikahannyo ndak tacatat di Kantor Urusan Agama atau Kantor Catatan Sipil. Pamasalahan lainnyo adolah katiko mancari karajo di lua lingkungannyo. Babarapo urang Noaulu mancantumkan agamo Hindu di kartu identitasnyo, walaupun pado kanyataanyo ajaran agamonyo sangaik babeda jauah.
Sistem Kaparcayoan
suntiangDi dalam sistem kaparcayoan urang Noaulu, hubungan mereka samo Tuhan ndak dilakukan sacaro langsuang tatapi malalui parantara. Urang Noaulu picayo jiko di dalam satiok aspek kahidupan ado roh atau Upu yang mangontrol samo mangitari kasahariannyo. Alam samesta ko dijago dek para Upu sabagai parantaro dari Upuku Anahatana yoitu Nue Nosite (penjaga laut), Wesia Upue (penjaga darat), Sionoi Aha (penjaga udara), samo Seite Upue (penjaga hutan atau kebun). Salain itu ado Rea Upu yoitu leluhur yang alah maningga dunia tatapi tatap dapek bakomunikasi samo yang masih iduik jiko diparaluan. Satiok rumah induak mamiliki Rea Upu surang yang dipersonifikasi dalam babagai simbol.
Urang Noaulu manyambah Upuku Anahatana sabagai Tuhan samo kakuatan gaib lainnyo yangnyo aggap sabagai panjago. Eksistensi Tuhan manjadi labiah kuek samo bamakna apobilo prosesi panyambahan Upuku Anahatana dilakukan sacaro basamo-samo. Dalam kaadaan yang sarupo ko urang Noaulu saparti laruik dalam suasana kejiwaan yang transendental.
Saaik bainteraksi samo masyarakaik lua, urang Noaulu salalu mangamukokan parasaan damai. Prinsip urang Noaulu salamo babuwek elok mako ndak ado hal yang buruak mandatanginyo.[3]
Ritual-Ritual
suntiangWalaupun modernisasi manjadi ancaman sarius bagi kabarlangsuangan adaik urang Noaulu ndak sarta marato maninggaan ritua-ritual yang sakral. Ritual yang masih acok dilakukan antaro lain adolah pataheri, pinamou, mau sahae, samo autotu nimoe.
Pataheri
suntiangPataheri adolah rituan untuak para laki-laki Noaulu yang alah dewasa. Ritual ko disabuik upacara cidaku. pado upacara ko, laki-laki yang alah dianggap dewasa akan diagiah sabuah kain bawarna sirah (kaeng berang) untuak diikek di kapalo. Salain itu urang Noaulu mangikuikan rituan yang wajib manggunoan cidaku yoitu cawat khas Noaulu. Kain sirah yang maikek kapalo samo cawat dikenakan katiko ritual dilakukan ndak hanyo samato basifek duniawi tatapi basifek rohaniah.
Ritual ko dimulai samo puaso salamo sahari yang dimulai pado pukua tigo dini hari sampai jam anam sore. Salamo bapuaso, kaeng berang diikek di lihia karano dipicayo akan manjauhan dari gangguan setan. Satalah bapuaso, nyo bakumpua di rumah utamo yang disabuik jo numa onate samo diagiah pakaian adaik marga yang disabuik samo karanunu onate. Satalah itu nyo didampingi dek Kapitan (Panglima Perang) bajalan basamo manuju rumah urang gaek Kapitan untuak badoa agar diagiah kabaranian samo tahinda dari bahayo.
Salasai badoa, nyo baliak ka Numa Onate samo mangambiak parlangkapan saparti parang, tombak, panah, tas berisi sirih pinang. Parlangkapan ko diagiahan samo manghadap ka utara. Tatuo yang maagiahan parlangkapan kamudian manuju pintu balakang yang maarah la timur untuak mamimpin manuju tampek ritual di dalam hutan.[4]
Pinamou
suntiangJiko Pataheri adolah rituan manuju dewasa untuak laki-laki mako Pinamou adolah rituan manuju dewasa untuak padusi yang dilakukan katiko saurang padusi mandapek menstruasi partamonyo. Ritual ko barupo pangasiangan dari kaluarga samo masyarakaik karano darah menstruasi dianggap ndak elok untuak lingkungan adaiknyo sahinggo harus diasiangan ka posune salamo sabaleh hari.
Posune ko talatak di bagian balakang rumah atau di pinggiran kampuang. Salamo di situ, sang gaih hanyo dilayani dek ibu samo saudara padusinyo. Posune adolah sabuah rumah ketek yang tabuwek dari daun rumbio baukuran 2 x 2 meter samo tinggi 1,5 meter.
Salamo di Posune sang gadih yang sadang Pinamou hanyo dibakali samo bambu untuak tampek lalok, kain saruang, piriang yang dibuwek dari daun sagu samo batu tungku untuak mamasak. Salamo di Posune, ndak buliah makan, makanan yang bakuah harus kariang.
Salamo malakukan Pinamou mako sang gadih ndak buliah kalua dari Posune walaupun ka rumah urang tuonyo. Jiko alah salasai maso Pinamou mako akan dilakukan ucapacara adaik samo bakuliliang nagari (kampuang) untuak manunjuakan bahwa padusi ko alah dewasa samo siap untuak manikah.
Lihat pula
suntiangPranala luar
suntiang- Nuaulu.net Archived 2017-05-19 di Wayback Machine.
Rujuakan
suntiang- ↑ "Sahu, Sau People in Indonesia". www.joshuaproject.net. Diakses tanggal 8 April 2019.
- ↑ "Maurine Shimlock & Burt Jones, The Sultan's Crown" (PDF). Diarsipkan dari versi asli (PDF) tanggal 2009-11-27. Diakses tanggal 2023-01-23.
- ↑ Tunny, M. Azis (2013). Beta Agama Noaulu. Yogyakarta: Smart Writing. ISBN 978-602-7858-80-0.
- ↑ Desantara, Foundation (2009). "Desantara Report on Minority Issues Vol. I/Edisi 6/2009" (PDF). Desantara Foundation. Desantara Foundation. Diarsipkan dari versi asli (PDF) tanggal 2018-09-13. Diakses tanggal 23 Januari 2023.