Urang Melinting

Suku Melinting adolah kalompok etnik yang marupokan sub-suku Lampung Papadun yang barasa dari Provinsi Lampung, tapeknyo Suku urang Malinting ko manatap di daerah Labuhan Maringgai, Lampung Timur, Indonesia. Suku iko umumnyo mandiami Kabupaten Lampung Timur, khususnyo di Desa Wana, Kecamatan Melinting.Sacaro garih gadang urang Lampung tabagi manjadi duo suku gadang yaitu suku Pepauan samo suku Saibatin (peminggir), tapi salain dari duo suku gadang iko ado juo suku-suku ketek lain yang mampunyo adat jo kabudayaan yang rancak, itulah suku Malintiang yang dikenal jo tradisi panikahannyo yang menarik.

Sebaran suku bangsa di Indonesia.

Sistim kakarabatan

Urang suku Malinting iko punyo ampek sistim kakarabatan yaitu kakarabatan, yang partamo iolah kakarabatan batin yang mano kakarabatan iko awak kenal juo mulai dari Ayah, Amak, Kakek, Nenek, Jo Anak dalam artian marupokan yang ado dalam ciek rumah tangga. Kaduo, marupokan Katurunan yang mano iko manjalehan kalau urang suku Malinting iko manganut sistim kakarabatan Patrilineal, iko manjadi tando kalau anak laki-laki yang tatuo dalam kaluargo akan mampunyo tangguang jawab dalam mangatur kaluargo untuak mambantu karajo dari bapak. Nan katigo iolah panggilan untuak karabat, yang mano dalam adat urang suku Malinting masih manjago caro panggilan untuak kaluargo dalam suku malinting sarupo urang yang dianggap tuo akan ado panggilan tatantu yang harus di sabuikkan kalau nyo manyapo.

Tradisi panikahan

Masyarakaik suku Melinting mampunyo ciek tradisi panikahan yang dibagi manjadi tigo jenis yang partamo iolah Mesukum (Bumbang Aji), kaduo iolah Ngakuk Majau (Sebumbangan), nan katigo pulo iolah Ngibal Serbou (Mupakat Tuha).

Mesukum adolah tradisi panikahan yang mano si gadih akan di baok kakaluarga laki-laki untuak ditanyo kasiapannyo dalam manikah,dan kalau satuju si padusi baka di antahan ka rumah kaluargonyo. Prosesi salanjuiknyo akan dilakukan patunangan antaro laki-laki jo padusi. Sasudah itu adolah Ngakuk Majau yang mano panikahan yang dikarajoan katiko si padusi dibaok diam-diam dari rumahnyo ka rumah si laki-laki, kamudian kaluargo laki-laki baka manyabuikkan nieknyo untuak manikahkan kaduonyo mampelai dengan prosesi dikarajoan di rumah si laki-laki. Kamudian nan katigo ado Ngibal Serbou yaitu suatu tradisi panikahan yang mano kaduo kaluargo alah saliang mangenal satu samo lainnyo. Parnikahan diawali prosesi adat jo kaluargo pihak laki-laki mandatangi pihak padusi dengan mambaok kalengkapan adat (kanago) tatantu.

Katigo sistim panikahan iko mamiliki prosesi yang hampia samo meski ado pabedaan dalam detail-detail tatantu. Manjalang atau sasudah akad nikah, sasuai agamo Islam, kaduo mampelai malakukan prosesi ngarakbetamat (khatam Quran) – kaduo mampelai mambaco ayat-ayat Al-Quran.

Prosesi sabaian marupokan ritual katiko kaduo pihak kaluargo saliang basalaman sabagai pamohonan maaf jiko ado yang kurang baakenan. Ritual pamberian galah kapado kaduo mampelai, mampelai pria diberi galah Adok samantaro mampelai padusi dibari galah Inai. Tarakhir adolah ritual musek, yaitu para tatuo dari kaluargo manyokkan makanan kapado kaduo mampelai.

Hal lain yang manjadi kaunikan dari prosesi panikahan Lampung Malinting adolah busananyo. Busana pangantin padusi barupo kain tapis cekil, baju kuruang dari bahan brokat putiah, salendang jungsarat, selapai, bulu serti, jo selop. Adopun pangantin laki-laki manggunokan sarawa pantalon, kameja putiah, kain tumpal, kekat akin, kerembung, punduk (karih), jo selop.

Mampelai padusi manggunokan siger atau mahkota pangantin bacabang limo, dengan satiok cabang mamiliki rumbai yang manutupi wajah sang gadih. Samantaro, mampelai laki-laki manggunokan kopiah ameh sabagai panghormatan. Salain duo aksesoris itu, pasangan pangantin Malinting manggunokan kaluang buturan, kaluang papan jajar, galang buruang, jo galang kano.

Tari malinting

suku Malinting juo mampunyoi seni tari yang banamo Tari Cetik Kipas Melinting, namun pado taun 1938 barubah namo jadi tarian Melinting yang diubah katiko sadang mamentaskan tarian nyo di Taluak Betung pado zaman Residen Lampung G.W. Mein Derma. Seni tarian Melinting marupokan paninggalan dari ratu Melinting. Tari Melinting iko dipakirokan alah ado pado abad ka 16, tapi indak ado data yang pasti untuak mampakuek data pado ratu nan kabara tari iko di ciptakan. Tarian Melinting iko mampunyoi makna untuak manggambarkan bagaimano kaparkasaan jo ka agungan saurang Ratu Malinting pado zaman dulu, tarian iko juo marupokan sabagai hiburan sasudah atau pado saat palaksanaan upacara Gawi adat. Tari iko bafungsi sabagai hiburan lapeh untuak manyambuik tamu kahormatan yang datang atau tibo di daerah Lampung, salain itu fungsi umum dari tarian iko juo digunakan sabagai pagaulan untuak ungkapan kabahagiaan muda-mudi urang suku Malinting yang rato-rato kalau gerakan dari laki-laki labiah basifat dinamis, sadangkan kalau yang padusi labiah ka gerakan yang aluih sarupo manggambarkan kalembutan dari saurang wanita.