Urang Malayu Deli
Urang Malayu Deli (Melayu Deli; Jawi: ملایو ديلي) adolah sakalompok sub-etnis Malayu nan barasa dari pesisir timur Sumatra Utara, tarutamo nan bamukim di Kabupaten Deli Serdang jo Kota Medan.[1] Kabudayaan Deli dimulai samanjak zaman Kasultanan Deli, yaitunyo sebuah karajaan Islam nan barado di pesisir timur Sumatra Utara pado tahun 1632 hinggo tahun 1946. Urang Malayu Deli tanamo juo dek kaseniannyo yaitunyo seni pantun nan masih tanamo hinggo maso kiniko.[2]
| Malayu Deli ملایو ديلي | |
|---|---|
| Sub-etnis Malayu | |
 | |
| Etnis | Malayu |
| Lokasi | Kab. Deli Serdang |
| Demonym | Melayu Deli |
| Bahaso | Malayu Deli |
| Agamo |  Islam (mayoritas Sunni) |
Tampek bamukim
suntiangUrang Malayu Deli ko alah barabaik-abaik tingga disakitaran pinggiran sungai deli nan mangalia di Kota Medan hinggo lapeh ka pantai timur sumatra atau labiah tapeknyo bamuaro di selat malaka. Mako dek itulah urang iko dinamoan urang Malayu Deli karano tingga atau hiduik disakitaran atau disanjang sungai deli.[3] Hinggo pado akhianyo bakambangnyo industri di Kota Medan mambuek urang Malayu Deli ko banyak tingga di sakitaran Kota Medan sarupo di Medan kota, Deli Tua, pesisir sungai deli, sungai babura, sungai labuhan, tamasuak pulo di Kabupaten Deli Serdang.[1]
Bahaso
suntiangUrang Malayu Deli mamakai bahaso khas malayu nan indak jauh beda jo nan digunoan dek urang Malayu pado umumnyo tamasuak indak jauh babeda jo nan dipakai dek bahaso Malayu di Malaysia. Pangucapan bahasonyo banyak diakhiari jo huruf 'e' baaitu juo jo disabuikan sacaro singkek dan capek.[1]
Agamo
suntiangMasyarakaik Malayu Deli atau urang Malayu Deli dapek dikatoan hampia saluruahnyo mamaluak agamo Islam Sufi. Manuruik urang Malayu Deli, urang Mlayu adolah Islam, karano hampia saluruah adaik-istiadaik jo budaya urang Malayu balandaskan ka agamo Islam. Dipakiroan urang Malayu Deli, sabanyak 99,9% baragamo Islam. Hanyo sabanyak 0,1% sajo nan baragamo Kristen. Namun baitu dalam praktek kasaharian, masih banyak urang Malayu Deli nan masih mampicayoi hal-hal gaib, arwah gentayangan sarato jo tampek-tampek karamaik, nan dianggaik dapek mampangaruhi kahidupan kasaharian urang Malayu Deli tasabuik.[1]
Mato pancaharian
suntiangUrang Malayu Deli atau masyarakaiknyo pado umumnyo bamatopancaharian sabagai petani. Masyarakaik tasabuik bacocok tanam masih manggunoan metode tradisional. Salain itu batani ado juo nan bakarajo mananangkok ikan, ado juo badagang sarato tadapek pulo nan bakarajo di sektor pamarintahan. Kamudian indak saketek pulo urang Malayu Deli ko nan bakarajo sabagai pegawai atau buruah di pakabunan sawit, karet, atau tambakau punyo pamarintah ataupun punyo pihak swasta atau parusahaan asiang.[1]
Kasenian
suntiangUrang Malayu Deli mampunyoi kesenian nan khas Malayu nan sampai pado maso kiniko masih tetap dilestarikan baik itu barupo tarian, kasenian pantun sarato jo kasenian musik.[4] Sala satu kasenian nan tanamo di Malayu Deli iolah kasenian pantun deli. Karya sastra pantun tasabuik dapek ditamui baiak dalam bantuak tulisan maupun dalam bantuak lisan nan biasonyo dibawoaan katiko ado acara-acara atau upacara adaik Malayu.[5]
Rujuakan
suntiang- ↑ a b c d e "Mau Tahu Sejarah Suku Melayu Deli". EKSISNEWS.COM (dalam bahasa Indonesia). 2018-07-16. Diakses tanggal 2023-02-02.
- ↑ Armanda, Arie. "PANTUN MELAYU DELI BANG ZEIN".
- ↑ SINAGA, NIKSON (2021-10-08). "Budaya Melayu Deli Makin Terpinggirkan di Kota Medan". kompas.id (dalam bahasa Indonesia). Diakses tanggal 2023-02-03.
- ↑ Laudra, Dwi Chaya; Pauziah, Fadillah; Siburian, Nova Uli; Sibarani, Grace; Manalu, Samadam Boang; Ivanna, Julia (2021-08-31). "Mengenal dan Melestarikan Budaya Melayu Deli di Kota Medan Sumatera Utara". Jotika Journal in Education (dalam bahasa Inggris). 1 (1): 6–9. doi:10.56445/jje.v1i1.13. ISSN 2807-6788.
- ↑ Zainab MZ, Bima Prana Chitra (Oktober 2019). "TINDAK TUTUR PANTUN MELAYU DELI" (PDF). Jurnal Penelitian Pendidikan Bahasa dan Sastra. Vol. 4 No. 2: 490–492 – via E-Jurnal UMNAW (Universitas Muslim Nusantara Al Washliya.