Urang Lintang
Urang Lintang[1] adolah ciek dari suku nan ado di Kabupaten Empat Lawang dan Kabupaten Lahat, Provinsi Sumatra Selatan, Indonesia. Suku ko kabanyakan baprofesi sabagai patani kopi, lada dan padi. Di Kabupaten Empat Lawang, Urang Lintang mancakup masyarakaik di babarapo kacamatan yaitu, Pendopo, Pendopo barat, Lintang Ulu Kanan, Muara Pinang, Musi, dan Sikap Dalam. Kato Lintang itu surang barasa dari namo salah ciek sungai nan ado di kacamatan Pendopo dan Muara Pinang.[2]
| Urang Lintang |
|---|
| Jumlah populasi |
|
Sakita 70.000 jiwa |
| Kawasan bapopulasi cukuik banyak |
| Sumatra Selatan |
| Bahaso |
| Bahaso Lintang |
| Agamo |
| Islam |
Suku Lintang cukuik disegani dek babarapo tampek di Provinsi Sumatra Selatan karano masyarakaiknyo takenal punyo semangat dan optimis nan tinggi wakatu malawan penjajah sabalun negara Indonesia mardeka. Suku ko juo tanamo dek punyo raso kekaluargaan nan tinggi, dalam kehidupan nyo dikenal nan namonyo "Puyang". Puyang adolah urang nan punyo pengaruh nan gadang dan marupokan nenek moyangnyo, jo puyang iko ka manunjuakan tali parsaudaraan di antaro inyo dalam skala luweh.[2]
Pangambangan atau dusun urang Lintang umumnyo didirikan mangumpua di tapi sungai. Sajak masuak pamarintah Balando, dusun-dusun urang Lintang mulai pindah ka tapi jalan gadang. Mato pancaharian pokoknyo adolah batani, tarutamo mananam padi di sawah. Tanaman pokok lainnyo adolah kopi nan bakambang subur di daerah itu. Hasil kopi dari daerah ko sajak jaman Balando alah manjadi tujuan dari komoditi ekspor. Dalam bakabun kopi biasonyo urang Lintang mangarajokan itu jo caro mambukak lahan hutan nan ado di sakitanyo. Mato pancariannyo lainnyo adolah bakabun karambia jo buah-buahan lainnyo, bataranak, dan badagang. Inyo juo manangkok ikan di sakita sungai-sungai nan ado di lingkungan tampek tingga inyo.[2]
Sejarah
suntiangMasyarakaik Urang Lintang picayo kalau inyo adolah turun dari puyang si Betulah dan si Betulai bersaudara, nan marupokan anak dari Serunting Sakti atau Puyang Sipahit Lidah nan carito banyak jadi carito rakyat masyarakaik Sumatera bagian selatan.[2]
Kahidupan
suntiangSacaro kasaluruahan sistem kahidupan Urang Lintang baorientasi pado sabuah tatanan hukum adaik nan alah berlaku di daerah pedalaman Sumatera Selatan sajak jaman Kesultanan Palembang, nan tamasuak dalam kitab Undang-undang Simbur Cahaya.[3] Walaupun sajak zaman kemerdekaan undang-undang ko dinyatoan ndak balaku lai, masyarakaik masih mangarajoan norma-norma nan takanduang di dalamnyo, tamasuak sanksi-sanksi untuak kalakuan nan malangga adaik.[2]
Di kalangan masyarakaik mangambangakan sabuah sistem tolong-manolong nan dilakuan ka babagai kagiatan dalam kahidupan sahari-hari. Sistem gotong-royong, misalnyo, dilakuan dalam acaro mati (petolong), mananam padi (ngersayo betanam padi), mandirikan rumah (ngersayongakkan uma), dan sebagainyo. Pakawinan marupokan salah ciek kajadian nan dianggaok penting dalam masyarakaik Lintang. Manuruik anggapan urang tu, surang dapek dikecekan sukses dalam iduik kalau sadolah anaknyo alah mambantuk rumah tangga surang-surang nan tapisah dari rumah urang tuanyo. [2]
- Salah surang parkawinan diawali jo paminangan calon mamanggiahi padusi oleh kaluarga laki-laki, yang dikawani jo proses tawar-menawar gadangnyo biaya parkawinan nan harus diagiah dek pihak laki-laki. Pas itu juo ditantuakan tampek tingga kaduo mangunjuang siap babini Ado limo posibilitas tampek tingga sasudah nikah nan umum berlaku di masyarakat Lintang, yaitu: raso bejujur, aratinyo manikah padusi di tampek tingga dan ikuik kalompok laki-laki (patrilokal); [2]
- Raso tambik anak teguh, aratinyo manikah laki-laki di tampek tingga dan ikuik kalompok bini-nyo (matrilokal); [2]
- Raso tambik anak tungguan duo, aratinyo pasangan pangunjuang baru bebas mamiliah apo si laki ikuik kalompok bini-nyo atau, sabaliknyo, bini ikuik kalompok laki-nyo (utrolokal); [2]
- Raso tambik ngantat, aratinyo untuak jangka waktu tatantu anak tingga di kalompok bini-nyo (matrilokal), tu pindah ka kekadiaman nan baru bana (neolokal); [2]
- Raso tambik anak balapik pitih, hampia samo jo no 4, yaitu mulo-mulo tingga di kediaman kalompok bini, baru tu bebas mamiliah tampek tingga nan baru. Kini umumnyo urang Lintang nan baru balaki mamiliah untuak tingga di kediaman nan bana baru (neolokal). Gabungan kaluarga batih mambantuk sabuah kaluarga lueh utrolokal nan disabuik peranakan kalompok- kalompok paranakan mambantuak kalompkok nan labiah gadang, nan disabuik rugoek-kampoeh. Kelompok rugoek kampoeh biasonyo saliang bakaitan dalam babagai kegitan, misalnyo dalam upacara kawin, aktivitas di sawah, dan macamnyo.[2]
Agamo
suntiangUrang Lintang umumnyo adolah pameluk agamo Islam. Dalam urang Lintang nan berperan dalam urusan keagamaan iko adalah surang panghulu nan batanggung jawab di tingkek marga dan surang khatib nan batanggung jawab di tingkek dusun. Pengaruh agamo Islam juo nampak dalam bantuak-buntuak kesenian urang Lintang, di antaronyo kesenian rebana, jidor, dan babagai tari-tarian. Bantauk kesenian lainnyo nan masih mangambangakan jo elok adolah tradisi sastra lisan, mode pantun, jampi, memoneng, rejung, andai-andai, karnasian, dan sebagainya.[2]
Bahasa
suntiangDalam kehidupan sehari-hari masyarakaik lintang berkomunikasi menggunakan Bahasa Melayu Lintang.[2] Pado bahaso iko biasonyo tadiri dari duo dialek, yaitu dialek o dan dialek e. Bahaso dialik o biasonyo dipakai di Kacamatan Ulu Musi, Pendopo, dan Muara Pinang. Dialek e dipakai di Kacamatan Tebing Tinggi, dan babarapo dusun di Kacamatan Ulu Musi.[2] Berdasarkan penelitian nan dikarajoan dek tim Proyek Penelitian Bahasa dan Sastra Indonesia dan Daerah Sumatra Selatan pado tahun 1986, jumlah panutua bahaso Lintang di wilayah ko diperkirakan sakitar 181.206 jiwa.[2] Secara khusus, jumlah panutua Bahaso Lintang dialek o diperkirakan bajumlah 125.785 jiwa. Di daerah ko urang Lintang iduik babaua jo masyarakaik
suku banso lain, misalnyo jo suku bangsa Jawa di darah Pasemah Air Keruh di Kacamatan Ulu Musi, suku bangsa Minangkabau di Kacamatan Pendopo, atau suku bangsa Melayu Palembang di Kacamatan Muaro Pinang.[2]
Contoh kata-kata dalam bahasa Lintang:[4]
- Nedo = tidak
- Peh la = ayo
- Galak = mau, Ingin
- Ngerayau = jalan-jalan/keliling-keliling/keluyuran
- Katek/Nido Ado = tidak ada
- Kebilo = kapan
Rujuakan
suntiang- ↑ "Lintang (suku)". kbbi.kemdikbud.go.id. Badan Pengembangan dan Pembinaan Bahasa, Kementerian Pendidikan dan Kebudayaan Republik Indonesia. Diakses tanggal 17 Juni 2021.
Lintang merupakan suku bangsa yang mendiami daerah Kabupaten Lahat, Sumatra Selatan
- ↑ a b c d e f g h i j k l m n o p Melalatoa, M. Junus (1995-01-01) (dalam bahaso id). Ensiklopedi Suku Bangsa di Indonesia Jilid L-Z. Direktorat Jenderal Kebudayaan. https://books.google.com/books?id=FbGECgAAQBAJ&newbks=0&printsec=frontcover&pg=PA468&dq=Suku+Lintang&hl=id.
- ↑ "Suku Lintang (Sumatera Selatan) | e-MISI". misi.sabda.org. Diakses tanggal 2023-01-25.
- ↑ (dalam bahaso id) Fonologi dan morfologi bahasa Lintang. Departemen Pendidikan dan Kebudayaan. 2 Desember 1989. ISBN 978-979-459-037-9. https://books.google.com/books?id=U-ktAAAAMAAJ&newbks=0&printsec=frontcover&dq=kamus+bahasa+Lintang&q=kamus+bahasa+Lintang&hl=id.