Urang Kikim
Urang Kikim adolah panduduak asli nan barmukim disekitar aliran sungai Kikim di Kabupaten Lahat dan tasebar di Kecamatan Kikim jo Kecamatan Kota
| Urang Kikim |
|---|
| Jumlah populasi |
|
84.638 jiwa |
| Kawasan bapopulasi cukuik banyak |
 Indonesia, Sumatra Selatan
|
| Bahaso |
| Bahaso Basemah, Bahaso Kikim, Bahaso Melayu |
| Agamo |
| Agamo Islam, Animisme |
Lahat. Urang Kikim manggunoan bahaso Kikim yaitu bahaso Melayu jo dialek surang nan disabuik bahaso Basemah. Sacara umum, inyo acok disamakan jo urang Kikimatau Basemah nan batampek tingga di sekitar kediaman awak. Mata pancahariannyo umumnyo adolah patani dan bakadang. Tanaman pokoknyo padi, palawija, sayua-sayua, dan buahan-buahan. Sistem irigasi patanian nan elok marupokan paraluan urang Kikim.
Tanaman pokoknyo padi, tanaman palawija, sayua-sayua, dan buahan. Panduduak nan bakmukim di sekitar wilayah hutan umumnyo masih mangarajoan parladangan hutan. Kini urang ko takenal sabagai pameluk agamo Islam. Walaupun baitu, sisa-sisa kayakinan lamo nan sipaiknyo animisme masih tacaliak dalam iduiknyo.[1]
Asa usua
suntiangUrang Kikim barasa dari daerah disambangan Sungai Kikim di Kabupaten Lahat. Sampai kini ko, suku Kikim masih mandiami daerah sekitar aliran Sungai Kikim, pamukiman Urang Kikim marupokan pamukiman nan paliang gadang di daerah aliran Sungai Kikim. Salain tu dipakai juo dek Masyarakat Melayu nan bakunjuang di babarapo kacamatan lain di Kabupaten Lahat. Kecamatan Kikim marupokan kecamatan nan paliang lueh di Kabupaten Lahat, namun persebaran panduduaknyo adolah nan tajarang. pado tahun 1988 Kecamatan Kikim nan luehnyo sakitar 1.215,05 kilometer persegi baanduduak sakitar 59.993 jiwa. Dari jumlah tu urang Kikim marupokan panduduak mayoritas. Di Kacamatan Kota Lahat nan bapanduduak sakitar 84.638 jiwa pado tahun 1988, urang Kikim marupokan panduduak minoritas di antaro kalompok lainnyo.[1]
Rumah adaik
suntiangTiok suku punyo hunian nan unik dan babeda sasuai jo budayo nyo. Sarupo jo Urang Kikim nan punyo rumah tradisional nan disabuik dalam bahaso lokal jo Ghumah Baghi.[2]
Ciri khas Ghumah Baghi adolah punyo atap nan runcing mirip bantuak tanduk atau mambantuk pelana kuda. Tapi atap ko indak begitu runcing kalau dibandiangan jo atap rumah adaik Toraja. Atap rumah adaik suku Kikim manggunoan bahan-bahan nan disadioan dek alam mode ijuk atau pohon aren.[3]
Tiang-tiang rumah juo manggunoan bahan ramah lingkuangan yaitu kayu jo rangka atok babahan bambu. Kaunikan lainnyo adalah satiok sudut rangka rumah indak manggunoan paku salain pasak.[3] Bagian dalam ghumah gaghi indak dibuek saketek-sekek kamar tapi hanyo ruang nan tabukak lueh.
Sadangkan untuak bagian bagian ka muko dibuek labiah tinggi dari lantai bagian dalam. Anggota kaluarga dari garigo keturunan laki-laki ka manampuah bagian ka balakang, sadangkan katurunan padusi ka talatak di bagian dalam. Salah ciek lai keunikan dari rumah ko adolah indak punyo jendela dan hanyo ado ciek buah pintu kayu.[3]
Dari kontruksinyo Ghumah Baghi di bagian tiang tadiri dari ciek balok kayu utuh nan indak ditanam tapi tagak di sabongkah batu, kontruksinyo iko marupokan kontruksi anti lindutan. Ghumah Baghi bantuak rumah panggung jo 8 tiang sahinggo disabuik Ghumah Baghi Ghilapan dan Ghumah Baghi Tatahan, karano ado pahatan di bagian dinding dan tiang bagian ateh.
Di Desa Gunuang Raya, tingga limo Ghumah Baghi. Sabananyo jumlahnyo ado tujuah. Tapi ciek rumah alah dipindahan kampuang lain. Salah ciek lainnyo alah roboh di 1997.[3]
Sadonyo Ghumah Baghi di desa ko marupokan Ghumah Baghi Ghilapan nan indak punyo ukiran atau pahatan. Sadolah Ghumah Baghi alah maraso renovasi mode panambah ruang, mambuek jendela dan bagian bawah ghumah alah badinding batu bata jo semen.[3]
Dari Desa Gunuang Raya, pihaknyo ka Desa Genting. Dari informasi nan dikanaian dek Resen kalau di desa ko terakhir hanyo sisa ciek Ghumah Baghi sakitar 2 tahun nan lalu dan kini alah runtuah dan indak manyisaan bantuak apo pun.[3]
Rujuakan
suntiang- ↑ a b Hidayah, Dr Zulyani (2015) (dalam bahaso id). Ensiklopedi Suku Bangsa di Indonesia. Yayasan Pustaka Obor Indonesia. ISBN 978-979-461-929-2. https://books.google.com/books?id=w_FCDAAAQBAJ&newbks=0&printsec=frontcover&dq=ensiklopedi+suku&hl=id.
- ↑ rmolnetwork (2022-06-26). "Mengenal Suku Pasemah, Suku Bangsa Asli Sumsel yang Bermukim di Daerah Perbukitan". RMOLSUMSEL (dalam bahasa Indonesia). Diakses tanggal 2023-02-07.
- ↑ a b c d e f (dalam bahaso id) Sumatera Selatan memasuki era pembangunan jangka panjang tahap kedua: Sumatera Selatan-PJPT II.. Departemen Penerangan, Republik Indonesia. 1 Desember 1993. https://books.google.com/books?id=DtTsAAAAMAAJ&newbks=0&printsec=frontcover&pg=PA7&dq=Suku+Kikim&hl=id.