Urang Ketungau

Urang Ketungau atau Urang Dayak Ketungau marupokan bagian dari rumpun Iban yang mandiami babarapo kampuang di wilayah Provinsi Kalimantan Barat, khususnyo Kacamatan Tempunak, Kabupaten Sintang, dan di Kecamatan Bengkayang, Kabupaten Sambas. Jumlah populasi bakisaran 5.750 jiwa (pado taun 1989). Tadapek pulo Suku Dayak Ketungau Tesaek yang mandiami wilayah di Kabupaten Sekadau, Kalimantan Barat.

Suku Ketungau Dayak Ketungau-Tesaek
Jumlah populasi
1989: 5.750 Jiwa.
Kawasan bapopulasi cukuik banyak
Indonesia: Kalimantan Barat
Bahaso
bahaso Ketungau Tesae (Iban)
Agamo
Mayoritas Katolik dan Animisme, (agama Katolik masuk pada tahun 1946)
Kalompok etnik takaik
Suku Iban

Sistim Partanian

Beumo

Suku Dayak di Kalimantan Barat indak bisa lapeh dari salah satu sistim partanian tradisional, yaitu baladang. Baladang alah manjadi mato pancarian Suku Dayak, tamasuak Dayak Ketungau Sesat di Sekadau. Aktivitas baladang padi pado masyarakaik Dayak Ketungau Sesat disabuik jo beumo. Beumo marupokan sabuah caro batani jo mamanfaatkan rimbo sabagai lahan. Beumo alah manjadi mato pancarian utamo masyarakaik Dayak Ketungau Sesat yang diwarihkan sacaro turun tamurun, dan masih lestari hinggo saat iko. Paralatan, proses, namo tampek, patumbuahan padi, jenis tanah, hasil, dan tando yang bakaitan jo aktivitas beumo tasabuik masih dijago dengan baiak sampai kini. Masyarakaik Dayak Ketungau Sesat bapindah-pindah dalam mangolah lahan di pabukitan yang lueh, manggunokan teknik tradisional mambaka lahan joj tatap mangamungkokan kearifan lokal, panen sataaun sakali, bagotong royong, dan adonyo syukuran katiko salasai panen, yang biaso dikana jo begawai. Alaik yang digunokan dalam baladang barupa alaik tradisional yang alah ado sacaro turun tamurun jo dibuek surang oleh masyarakaik Dayak Ketungau Sesat manggunokan alaik dan proses tradisional pulo.Tahapan dalam Beumo (berladang padi) yaitu pra mananam, mananam, jo pascapanen. Tahap pramenanam diawali jo manggol (mamareso lahan) sampai dengan nganik (mambarsian kayu-kayu siso pambakaran ladang). Tahap mananam diawali samo nugal (mananam padi) sampai ngemabau (merumput). Tahap mamanen diawali dari matah (maambiak samangek padi) sampai jo mutei kemureik (mamanen siso-siso padi yang alun dipanen). Tahap pascapanen diawali joj beirik (proses mengirik padi) sampai jo makai padei bareu (makan padi baru).

Upacara Adat

Adat Besepie'

Pado sabagian sub suku Dayak, mangenal yang namonyo basunaik. Disampiang bamanfaaik untuak kasehatan, basunaik manjadi adat kabudayaan yang mampunyoi ritual tatantu. Pado zaman dahulu, masyarakaik Dayak Ketungau Sesat picayo bahwasanyo jiko saurang yang alun Besepie’ (basunaik) mako inyo indak buliah manduduaki jabatan dalam masyarakaik, sulik mandapekkan jodoh, bahkan hiduiknyo dikucilkan. Mode kini, urang tu picayo kalau urang yang alun Besepie' indak mampunyoi hargo diri jo dianggap alun gadang. Besepie’ biaso dikarajoan saat anak laki-laki baumua 10-15 taun, yang dipimpin oleh saurang Manang Sepie’ (pamimpin upacara adat Besepie’). Dan mamasang sepie’ biasonyo dikarajoan pagi hari.

Upacara di awali jo manggigik basi pihak yang di Sepie’ (yang disunaik), kamudian Manang mangkibeh-kibehkan ayam jago ka ateh yang akan disunaik (disabuik Berebu), artinyo Manang manarangkan kapado panguaso alam jo urang-urang yang tibo bawasonyo akan ado lalaki yang malapeh maso anak-anaknyo jo caro Besepie’. Salapeh itu, dilaksanakan Nyepie’ dimano saurang yang akan disepie’ harus manggunoan saruang. Sudah tu, inyo dibaok ka batang ia untuak barandam dan ditunggui sampai Manang salasai manyadiokan Belanya’ (bahan sajian). Adat Sepit dikarajoan jo Menara’ (mambari sasajian jo mamohon). Kamudian, dilanjuik jo Ngantung Ancak dan Ngante’ Tejuk. Ancak digantuangkan di ateh pintu masuak, khusus untuak roh-roh.

Upacara Perkawinan

Upacara pakawinan pado masyarakaik Dayak Ketungau mampunyoi babarapo tahapan, sarupo Empegaek (batanyo apokah lamaran pria ditarimo samo si padusi), Pesurueh (duo urang yang baka manjadi saksi panikahan), Besuran (Pesurueh mananyokan kaduo calon mempelai nyo tingga di rumah laki-laki atau padusi atau mungkin batampek tinggaa surang), Nyambuek tamu (mempelai padusi manyambuik tamu dari kaluargo mempelai laki-laki), Madah Gawei (mambaritau masyarakaik satampek kalau akan dilaksanakan upacara pakawinan pado bisuak harinyo).

Asa usua

Sabuah kalompok yang di pimpin samo surang padusi nan banamo "Ndai Abang" (nan barati ibu dari sorang anak laki-laki) bapindah dari daerah Labai Lawai (kini ko namo derahnyo Kubu Raya) ka hulu batang aia Kapuas jo niek untuak mancari tanah yang ancak jo subur untuak baladang samo batahan iduik. Sasudah manampuah batang aia Kapuas jo rakik ketek, kalompok Ndai Abang manamukan muaro anak batang aia Kapuas, dan kalompok ko manamukan pulo di tapian aianyo tumbuah batang Perupuk (samacam tanaman pandan lia). Urang tu mangiro kalau disitu tampek tujuannyo batang aia Ketungau, akan tatapi sabananyo batang aia Ketungau masih jauah dari tujuan, utang tu samakin yakin kalau itu tampek tujuannyo karano disitu ado Cuar (sabagai tando kalau itu arah ka hulu batang aia Kapuas). Kamudian urang tu taruih mandayuang sampai ka hulu sungai dan manamukan tumbuahan riam-riam, mandapati tumbuahan riam salah surang anggota manyabuik kalau itu bukan patando arah batang aia Ketungau, dan yang lain basuaro kalau harus babaliak ka balakang manuju hilia batang aia untuak mancari batang aia ketungau tadi.

Diantaro rombongan Ndai Abang ado babarapo urang yang indak namua ikuik babaliak arah. Urang tu mamiliah nio manatap di daerah itu yang kini dikenal jo daerah Sekedau. Karano tasasek jalannyo mako disabuiklah kalompok yang indak namua babaliak arah tu sabagai urang tasasek (tersesat arah), bukan sasek dalam artian ajaran tatapi indak namuah babaiak dan urang yang ikuik rombongan Ndai Abang tulah yang di sabuik sabagai urang suku Ketungau yang asli.