Urang Kanayatn

Urang Dayak Kanayatn
	Salah surang panari baju Dayak Kanayatn manarian tarian pararakan pado acaro pemberkatan gereja di Kabupaten Landak
Wilayah Panyabaran	Kabupaten Landak, Kabupaten Bengkayang, Kabupaten Mempawah & Kabupaten Kubu Raya
Bahaso Asli	Ahe/Nana', Damea/Jare
Agamo	Protestan, Katolik & Kaharingan
Kalompok etnis nan bahubungan	Orang Dayak Bukit, Dayak Selakau/Salako

Urang Dayak Kanayatn adolah salah ciek dari sadoan ratuih sub suku Dayak nan mandiami pulau Kalimantan, tapeknyo di daerah kabupaten Landak, Kabupaten Mempawah, Kabupaten Kubu Raya, Sarta Kabupaten Bengkayang. Berdasarkan sensus panduduak nan dikarajoan oleh Badan Pusat Statistik RI pado tahun 2000, urang Kendayan (Dayak Kanayatn) barado 292.390 jiwa atau 0,15% dari panduduak Indonesia pado wakatu itu.^[1]

Dayak Kanayatn dikalompokan ka dalam kalompok rumpun Land Dayak-Klemantan dek H.J. Mallinckrodt (1928). Tapi manuruik C.H. Duman (1929), Dayak Kanayatn adolah bagian dari Rumpun Ot Danum-Maanyan-Ngaju. Akan tapi penelitian oleh W.Stohr (1959) manjalehan bahwa pandapek C.H. Duman tu salah karano kalau dicaliak dari wilayah, bahaso, jo hukum adaik, suku Dayak Kanayatn indak manunjuakan adonyo hubungan jo kalompok Rumpun Ot Danum-Maanyan-Ngaju, akan tapi labiah manyababkan ka kalompok Land Dayak-Klemantan. Bahkan pamberian namo Kabupaten Landak didasarkan pado masyarakaik mayoritasnyo yaitu Dayak Kanayatn nan marupokan bagian dari rumpun Dayak Darat (Land Dayak atau Land Djak dalam ejaan Balando).^[1]

Pakaian Tradisional suku Dayak Kanayatn dibuek dari kulik Tarab atau Kapuak/Kapoa'. Bajunyo bantuak Rompi nan disabuik Baju Marote atau baju uncit. Cawatnyo dibuek dari Kain tenun atau kulik Kayu nan disabuik Kapoa'. Sarato mahkota atau ikatan kapalo nan dalam bahaso ahe disabuik Tangkulas. Tangkulas ko biasonyo dihiasi jo bulu Ruai/Kuau Rajo, jo bulu Enggang. Kadang-kadang, kalau bulu ayam Ruai indak ado, bisa diganti jo Anjuang Merah (Hanjuang). Salain tu senjata tradisional Tangkitn/Parang Pandat samo Perisai (Jabakng/Gunapm) marupokan kalengkapan baju adaik laki.

Upacara adaik nan biasonyo diadoan dek suku ko antaro lain Naik Dango, Muakng Rate, Notokng, Gawai Dayak, dan lain-lain.^[1]

Sistem Religi

Religi asli suku Dayak Kanayatn indak tapisah dari adaik istiadaik urang tu. Bahkan dapek dikecekan adaik manjamin identitas religius awak. Dalam praktik sahari-hari, urang dayak kanayatn indak pernah manyambat agamo sabagai normativitasnyo, tapi adaik. Sistem religi ko indak sistem hindu Kaharingan mode nan takenal dek urang-urang pado umumnyo.^[2]

Urang kanayatn manyambat Tuhan jo istilah Jubata. Jubata ikolah nan dikecekan manurunkan adaik ka nenek moyang Dayak Kanayatn nan balokasi di Bukik Bawakng ( kini masuak wilayah kabupaten Bengkayang). Dalam mangambangan kayakinan ka Jubata, inyo punyo tampek ibadah nan disabuik panyugu atau padagi. Salain itu paralu juo imam panyangahatn yang manjadi surang panghubung, antaro manusia jo Tuhan (Jubata).^[2]

Kini ko banyak urang Dayak Kanayatn nan maanut agamo Kristen dan sakalintir mangakuik Islam. Walaupun alah mameluk agamo, indak bisa dikecekan kalau urang Dayak Kanayatn maninggaan adaiknyo. Hal menarik adolah kalau surang Dayak Kanayan maadoan agamo Islam, inyo indak disabuik Dayak lai, tapi Melayu atau urang Lauik.^[2]

Bahaso

Dayak kanayatn manggunoan bahaso ahe/nana' jo damea/jare dan nan serumpun. Sabananyo sacaro isologis (garis nan manumbuakan parumpamoan dan parbedaan kosakata nan serumpun) sangaik payah manitihi khazanah bahasonyo. Iko dikarenan bahaso nan dipakai sarat jo babagai dialek dan juo logat pangucapan. Babarapo contohnyo adolah: urang Dayak Kanayatn nan mandiami wilayah Meranti (Landak) nan manggunoan bahaso ahe/nana' tabagi baliak ka dalam bahaso behe, padakng bekambai, dan bahaso moro. Dayak Kanayatn di kawasan Menyuke (Landak) tabagi dalam bahaso satolo-ngalampa, songga batukng-ngalampa dan angkabakng-ngabukit. salain itu percampuran dialek dan logat manyababkan percampuran bahaso manjadi bahaso baru.^[3]

Banyak generasi Dayak Kanayatn kini ko ndak mangarati jo bahaso nan dipakai dek para generasi tuo. Dalam komunikasi kini ko banyak kosakata Indonesia nan diadopsi dan tu "di-Dayak-kan". Contohnya adolah:bahaso ahe asli: Lea,bahaso indonesia: mode,bahaso ahe kini: saparati.Bahaso nan dipakai kini dek generasi mudo mudah dimangaja dek mirip jo bahaso indonesia atau melayu.^[3]

Lembaga adaik

Suku Dayak marupokan bagian dari masyarakaik adaik. Masyarakaik adaik adolah komunitas-komunitas nan iduik berdasarkan asal-usul turun di ateh sabuah wilayah adaik, nan punyo kedaulatan ateh tanah dan kekayaan alam, kehidupan sosial-budayonyo diatur dek hukum adaik dan lembaga adaik nan mangaderenan barulansahan iduik masyarakaiknyo.

Hukum adaik Dayak Kanayatn punyo satuan wilayah teritorial nan dusebut binua. Binua marupokan wilayah nan tadiri dari babarapo kampung (sadonyo Radakng/Bantang). Masing-masing binua punyo otonominyo surang, sahinggo komunitas binua nan ciek indak bisa maintervensi hukum adaik di binua lain.

Tiok binua dipimpin dek surang timanggong (kapalo desa). timanggong punyo jajaran-jajaran yaitu pasirah (panguaro adaik) dan pangaraga (panguaro adaik). Katigo pilar ikolah nan manjadi lembaga adaik Dayak Kanayatn^[4]

Sistem Kerabaik

Sistem pertalian darah suku Dayak Kanayatn manggunoan sistem bilineal/parental (ayah jo ibu). Dalam maurai hubungan karabatan, surang anak dapek ma ikuikan jalan apak maupun ibu. Hubungan karabatan taputuih pado sepupu ampek kali. Hubungan karabatan ko penting dek hubungan ko jadi tinjauan tarutamo pado urusan parkawinan. Mungkin hal ko dimaksudan supayo ndak marusak katurunan.^[4]

Lagu Daerah Dayak Kanayatn

Catatan kaki

Thesis: Tradisi Pantak Suku Dayak Kanayatn, Fidelis Sajimin, STT Pastor Bonus Pontianak, 2006.
Dunselman Donatus, Bijdrage Tot Kennis van Taal En adaik der Kendajan-Dajaks van West Borneo, 1949.
Kedaulatan masyarakaik adaik Yang Teraniaya, Pontianak, Lembaga Bela Banua Talino, 2003.

Rujuakan

↑ ^a ^b ^c "archive copy" (PDF). Diarsipkan dari versi asli (PDF) tanggal 2023-01-19. Diakses tanggal 2023-01-19.
↑ ^a ^b ^c "archive copy" (PDF). Diarsipkan dari versi asli (PDF) tanggal 2023-01-19. Diakses tanggal 2023-01-19.
↑ ^a ^b Rahmawati, Neni Puji Nur (2012-03-01). "¬NILAI PENDIDIKAN DALAM BUDAYA MENANAM PADI SUKU DAYAK KANAYATN DI KALIMANTAN BARAT". Patanjala: Journal of Historical and Cultural Research (dalam bahasa Indonesia). 4 (1): 14–24. doi:10.30959/patanjala.v4i1.121. ISSN 2598-1242. Diarsipkan dari versi asli tanggal 2022-08-03. Diakses tanggal 2023-01-19.
↑ ^a ^b https://jurnal.untan.ac.id/index.php/jpdpb/article/viewFile/46019/75676588902

[:0-1] "archive copy" (PDF). Diarsipkan dari versi asli (PDF) tanggal 2023-01-19. Diakses tanggal 2023-01-19.

[:1-2] "archive copy" (PDF). Diarsipkan dari versi asli (PDF) tanggal 2023-01-19. Diakses tanggal 2023-01-19.

[:2-3] Rahmawati, Neni Puji Nur (2012-03-01). "¬NILAI PENDIDIKAN DALAM BUDAYA MENANAM PADI SUKU DAYAK KANAYATN DI KALIMANTAN BARAT". Patanjala: Journal of Historical and Cultural Research (dalam bahasa Indonesia). 4 (1): 14–24. doi:10.30959/patanjala.v4i1.121. ISSN 2598-1242. Diarsipkan dari versi asli tanggal 2022-08-03. Diakses tanggal 2023-01-19.

[:3-4] ttps://jurnal.untan.ac.id/index.php/jpdpb/article/viewFile/46019/75676588902

[1]

[2]

[3]

[4]