Urang Hubla
Urang Hubla (disabuik juo jo Hupla) adolah sakalompok urang nan tingga di Kabupaten Yahukimo, Papua Pegunungan, Indonesia.[1] Urang Hupla marupoan suku nan relatif ketek nan hanyo bajumlah sakitar 2.500 jiwa pado tahun 1993, nan tingga di daerah Lambah Kaio jo lambah Woso, di mano Soba barado, di sabalah barat Lambah Kwik jo di sabalah tenggara Sungai Baliem.[2] Wilayah adaik urang Hupla diapik dek wilayah Urang Yali Ninia, Urang Dani Hitigima, jo Urang Ngalik Silimo.[3]
| Kawasan jo populasi nan signifikan | |
|---|---|
 Indonesia (Papua Pagunuangan) | |
| Bahaso | |
| bahaso Hupla, bahaso Indonesia | |
| Kalompok etnis takaik | |
| Dani (Hubula) |
Pamukiman
suntiangUrang Hubla atau Hupla marupoan suku asli papua nan iduik di kawasan pagunuangan tangah Papua. Di kawasan pagunuangan tangah Papua ko indak sajo di huni dek urang Hubla, akan tatapi tadapek pulo urang lain atau suku lain nan manatap atau bamukim di pagunuangan Papua bagian tangah ko.[4] Sacaro administratif kalompok urang Hubla ko tingga di Kabupaten Yahumiko. Kabupaten Yahukimo ko marupoan kabupaten nan lataknyo barado di katinggian 100 hinggo 3.000 meter di ateh pamukaan aia lauik. Manuruik situs resmi pamarintah daerah Papua, Kabupaten Yahumiko ko mampunyoi luweh wilayah sakitar 17.152 Km2. Kabupaten iko mampunyoi ibu kota nan barado di Distrik Dekai.[5]
Upacara adaik
suntiangUrang Hubla nan barado di pegunuangan padalaman Papua mampunyoi pesta adaik nan taruih dijago kelesatariannyo sarato taruih diadoan secaro turun temurun. Pesta adaik tasabuik yaitunyo pesta adaik babi atau dalam bahaso Hupla disinan dinamon juo jo namo wam mawe. Wam aratinyo babi dan mawe aratinyo pesta adaik nan diadoan secaro gadang atau meriah. Pesta iko dilaksanakan hanyo khusus untuak kaum laki-laki. Biasonyo sasudah dilaksanakannyo pesta wam wesake ko, pado wakatu sore hari urang Hubla ko tarutamo kaum pemuda akan malaguan nyanyian sabagai tando salasainyo upacara, dan kamudian dilanjuikan jo mambagi potongan dagiang babi ka honai adaik atau pamuko-pamuko adaik nan alah ditantuan. Upacara adaik iko indak jauh babeda jo nan dilakuan dek urang Dani Hubula nan masih masuak ka dalam kalompok etnis takaik.[6]
Etimologi
suntiangKato Hubla mangacu pado asa muasa urang iko nan bararti "urang atau suku dari barat", bakabaliakan jo Urang Yali nan barati "urang atau suku dari timur".[3]
Parang antar suku
suntiangSalain urang Hubla nan tingga di pagunuangan Papua atau labiah tapeknyo di Kabupaten Yahumiko, Provinsi Papua ko, tadapek pulo babarapo suku lainnyo nan tingga atau bamukim dalam ciek kabuaten tasabuik. Kaadaan tasabuik tantunyo badampak ka aktivitas masyarakaik nan iduik disinan, jiko tajadi saketek konflik mako akan tajadi pulo parang antar suku. Parang tasabuik bisa tajadi bahari-hari dan bahkan manjadi dendam batahun-tahun. Sahinggo parang antar suku ko alah menjadi kabudayaan dek masyarakaik satampek nan didasari dek pabedaan suku, budaya, jo kalompok.[7]
Rujuakan
suntiang- ↑ "Mengenal Kabupaten Yahukimo Papua, Diberi Nama dari Empat Suku". KOMPAS.com (dalam bahasa Indonesia). 2022-03-16. Diakses tanggal 2023-02-04.
- ↑ Giay, Benny; Godschalk, Jan A. (1993). "Cargoism in Irian Jaya Today". Oceania. [Wiley, Oceania Publications, University of Sydney]. 63 (4): 330–344. ISSN 0029-8077. JSTOR 40331346. Diakses tanggal 2023-02-04.
- ↑ a b Heckler, S. (2012). Landscape, Process and Power: Re-Evaluating Traditional Environmental Knowledge. Berghahn Series. Berghahn Books. pp. 185-187. ISBN 978-0-85745-613-7.
- ↑ Somantri, Lili (2008). Mengenal Suku Bangsa di Pegunungan Tengah Papua. Bandung: Jurusan Pendidikan Geografi. FPIPS UPI. pp. 2-3.
- ↑ Media, Kompas Cyber (2022-03-16). "Mengenal Kabupaten Yahukimo Papua, Diberi Nama dari Empat Suku Halaman all". KOMPAS.com (dalam bahasa Indonesia). Diakses tanggal 2023-02-04.
- ↑ Macap, A. R. (2019-02-28). "Suku Hubula di Lembah Baliem pegunungan tengah Papua dalam hidupnya banyak upacara yang dilksanakan berkaitan dengan upacara adat seputar lingkaran hidup seperti upacara pesta adat Babi (Wam Mawe)". Balai Pelestarian Nilai Budaya Papua (dalam bahasa Inggris). Diarsipkan dari versi asli tanggal 2023-02-04. Diakses tanggal 2023-02-04.
- ↑ Ismael, Balingga (2020). ALTERNATIF PENYELESAIAN MASALAH ATAS PEMBUNUHAN DI MASYARAKAT HUKUM ADAT KABUPATEN YAHUKIMO PROVINSI PAPUA. Sekolah Tinggi Ilmu Hukum IBLAM. pp. 4-5.