Urang Dusun Deyah
Urang Dusun Deah atau Dayak Deyah adolah sakalompok masyarakaik nan marupon bagian dari sub-suku Dayak nan mandiami bagian utara Provinsi Kalimantan Selatan, Indonesia.[1] Adopun konsentrasi pamukiman urang Dayak Deah ko barado di babarapo desa di kecamatan Upau, Muara Uya, jo Haruai di Kabupaten Tabalong sarato di desa Gunung Riut dan Liyu di Kabupaten Balangan, Kalimantan Selatan. Manuruik situs "Joshua Project" urang Dusun Deyah bajumlah sakitar 37.000 urang.[2]
 | |
| Total populasi | |
|---|---|
| kurang lebih 34.000 | |
| Kawasan jo populasi nan signifikan | |
| Tabalong (Upau, Muara Uya, Haruai) Balangan (Liyu), Kalimantan Selatan | |
| Bahaso | |
| Deah | |
| Agamo | |
| Kaharingan, Kristen(Protestan dan Katolik) | |
| Kalompok etnis takaik | |
| Paser, Bawo, Lawangan |
Wilayah adaik
suntiangDi Kabupaten Tabalong iko tabagi manjadi ampek wilayah adaik Dayak, duo diantaronyo iolah wilayah adaik Urang Dayak Dusun Deyah yaitunyo:
- Wilayah adaik Dayak Deyah Kampung Sepuluh, maliputi sapuluah desa di kecamatan Upau, Haruai, Bintang Ara.[3]
- Wilayah adaik Dayak Deyah Muara Uya jo Jaro.
- Wilayah adaik Dayak Lawangan di desa Binjai.
- Wilayah adaik Dayak Maanyan di desa Warukin
Di lua ka ampek daerah-daerah kantong adaik Dayak tasabuik tadapek pulo urang Banjar nan marupoan mayoritas populasi panduduak Tabalong, namun baaitu urang Banjar iko indak tarikek jo Hukum Adaik Dayak.
Adaik Kampung Sepuluh
suntiangAdaik Kampung Sepuluh adolah sabuah istilah nan digunoan untuak manyabuik aturan adaik nan mangikek di sapuluah kampuang nan tadapek pado kecamatan Bintang Ara, Haruai jo Upau.[4] Kasapuluah kampuang tasabuik marupoan ciek kasatuan wilayah adaik Dayak dari urang Dusun Deyah nan dipimpin dek saurang Kapalo Adaik Kampung Sepuluh. Wilayah kasatuan adaik tasabuik maliputi dusun/desa, yaitunyo:
- Pamintan Raya
- Dambung Raya
- Kaong
- Upau Jaya
- Pangelak
- Dambung Suring
- Sungai Rumbia
- Kinarum
- Saradang
- Kembang Kuning
- Nawin
Mato pancaharian
suntiangMasyarakik atau urang Dayak Deah tingga di daerah nan agraris. Rato-rato mato pancaharian dari urang Dayak Deah iko iolah batani atau batanam padi ka sawah, salain ka sawah urang Dayak Deah iko bakarajo di ladang manaman tanam-tanaman barupo sayua-sayuran.[5]
Acara adaik
suntiangUrang Dayah Deah mampunyoi salah satu upacara adaik atau ritual adaik nan disabuik jo Mesiwah Pare Gumboh. Ritual atau kagiatan iko marupoan kagiatan panen basamo atau panen raya atau dapek pulo disabuik jo syukuran ateh malimpahnyo hasil panen dari urang Dayak Daeh. Dalam acara iko para petani akan manyarahkan hasia panen nan masih mantah atau nan alum diolah kapado ka ketua adaik dalam hal iko disabuik jo jo namo Nyerah Ngemonta.[5]
Acara tasabuik kamudian dilanjuikan jo kagiatan ritual Nengkuat Mulukng (panyarahan hasia panen nan alah masak kapado leluhur), salanjuinyo jo ritual Besoyokng (ritual mambaco mantra kapado leluhur), dilanjuikan jo mengudang (manyarahkan kapado leluhur), nan kamudian disudahi jo ritual Tombai (panyalasaian ritual jo pamasalahan). Salain itu, dilaksanakan pulo baragam atraksi jo kasenian adaik lainnyo sarupo mandi api, sendratari Mesiwah Pare, Ngerokop Esa (manangkok ikan).[5]
Warisan budaya
suntiangUrang Dayak Deah, tarutamo dan tingga di Desa Pangelak mampunyoi sabuah budaya dalam hal seni katarampilan nan dinamoan jo upak potutn. Upak pontutn tasabuik marupoan sabuah warisan budaya Dayak Deah nan dijadian sabagai bahan utamo untuak mangolah paralatan hiduik sahari-hari sarupo tas ketek, baju kulik kayu, aksesoris, dan lain-lainnyo. Hal tasabuik sangaik diparaluan dek dikaranoan mayoritas panduduak Desa Pengelak adolah urang Dayak Deah dengan mato pancaharian sabagai petani.[6]
Rujuakan
suntiang- ↑ "Suku Dayak Deyah : Mengenal Ragam Budaya Suku Dayak Deyah". Mediasiana.com - Media Pembelajaran Masakini (dalam bahasa Indonesia). Diakses tanggal 2023-02-20.
- ↑ Agency, ANTARA News. "Hayatun tak lelah kenalkan seni budaya Dayak Deyah ke penjuru nusantara". ANTARA News Kalimantan Selatan. Diakses tanggal 2023-02-20.
- ↑ https://www.facebook.com/photo.php?fbid=213288232129351&set=a.192571014201073.20021.192570540867787&type=1&theater
- ↑ "KalselPedia : Inilah Nama-nama Kecamatan di Kabupaten Tabalong Kalimantan Selatan". Banjarmasinpost.co.id (dalam bahasa Indonesia). Diakses tanggal 2023-02-01.
- ↑ a b c Media, Kompas Cyber (2019-10-01). "Cara Bersyukur ala Masyarakat Dayak Deah". KOMPAS.com (dalam bahasa Indonesia). Diakses tanggal 2023-02-01.
- ↑ *. "Kebangkitan Motif Dayak Deah Upak Pintutn dari Hasil Riset Budaya". nasional (dalam bahasa Indonesia). Diakses tanggal 2023-02-01.