Urang Bakati
Urang Bakati adolah sub-suku Dayak nan barado di wilayah kabupaten Sambas jo Kabupaten Bengkayang, Provinsi Kalimantan Baraik sampai ka wilayah Lundu-Sarawak. Sub-suku iko dari kalangan Dayak dinamokan urang BAKATI dikaranokan dari sagi bahaso. Istilah Bakati' tadiri dari duo kato, yaitu "ba", sabuah awalan nan sapadan "ber-" nan bararti "mampunyoi", dan "kati", sabuah kato dasa nan bararti "indak". Dalam ucapan sahari-hari, pakatoan "kati" acok muncua, sahinggo dipakai untuak manyabuik identitas penutur bahaso tasabuik.
| Urang Dayak Bakati |
|---|
| Jumlah populasi |
| Kawasan bapopulasi cukuik banyak |
| Kabupaten Sambas Kabupaten Bengkayang |
| Bahaso |
| Sambas, Lumar, Kanayatn Satango, Indonesia |
| Agamo |
| Kaharingan, Kristen, Islam |
| Kalompok etnik takaik |
| Dayak rumpun Ot Kanayatn, Urang Dayak Ahe, Urang Dayak Lintang, Urang Kutai, Urang Dayak Sekayam, Urang Dayak Keninjal, Urang Dayak Jangkang, Urang Dayak Sungkung, Urang Dayak Ot Danum, Urang Dayak Jelai. |
Urang Dayak Bakati’ iko dibagi lo manjadi 12 subsuku Dayak Bakati’, yaitu: Bakati’ Kanayatn Satango, Bakati’ Rara, Bakati’ Kuma, Bakati’ Riok, Bakati’Lape, Bakati’ Sara, Bakati’ Lumar, Bakati’ Sebiha’, Bakati’ Palayoyang, Bakati’ Subah, Bakati’ Payutn jo Bakati’ Taria’[1].
Bahaso
suntiangUrang Dayak Bakati manutuakan Bahaso Bakati' sabagai bahaso daerah dalam kahiduikan sahari-hari. Sub suku Dayak Bakati iko mampacaliakan banyaknyo frekuensi pangucapan kato kati nan bararti indak dalam parcakapan mereka sahari-hari.[2] Pamakaian bahaso Dayak Bakati’ maliputi babarapo wilayah nan ado di Kacamatan Bengkayang. Kacamatan Bengkayang tadiri ateh 2 kalurahan jo 4 dusun, yaitu: Kalurahan Bumi Emas, Kalurahan Sebalo, Dusun Bani Amas, Dusun Setia Budi, Dusun Tirta Kencana, Dusun Bakti Mulya.[3]
Mato pancaharian
suntiangUrang Dayak Bakati dalam batahan hiduik arek hubuangannyo jo alam sakitar. Hutan manjadi wadah untuak mato pancarian mereka jo dari situlah mereka batahan hiduik. Mereka mandapekan sumber makanan jo panghasilan didasakan pado kabiasoan-kabiasoan mereka baladang, bakabun, baburu jo bagotong-royong.[4]
Kapicayoan jo kaagamoan Urang Dayak Bakati
suntiangMasyarakaik Dayak Bakati pado awalnyo manganuik kapicayoan tahadok hal-hal nan dianggap gaib, baiak kapado roh-roh nenek moyang, batu-batuan, gunuang-gunuang jo lain sabagainyo nan dianggap mampunyoi kakuatan jo mampunyoi kakuasoan di wilayah tasabuik. Tatapi pado saaik iko sabagian gadang masyarakaik alah manganuik agamo resmi nan ditatapkan dek pamarintah, tarutamo agamo Kristen (baiak Katholik maupun Protestan) jo ado juo nan manganuik agamo Hindu. Walaupun sacaro admikostrasi dalam kahiduikan banagara mereka alah mampunyoi agama resmi, tapi dalam praktik kahiduikannyo sahari-hari, masyarakaik Dayak Bakati tatap mayakini jo malaksanokan kapicayoan tahadok agamo lamo nan manganduang unsua-unsua kagaiban jo kasakralan.[1]
Kapicayoan masyarakaik Dayak Bakati kapado Tuhan nan Maho Kuaso atau kapado Tuhan nan ciek disabuik jo istilah Tuan Allah. Tuan Allah ikolah manuruik kapicayoan mereka nan mangatua sagalo aspek kahiduikan. Kapicayoan masyarakaik Dayak Bakati juo picayo bahso Tuan Allah nan manciptokan alam samesta iko jo kamudian manciptokan manusio nan patamo (Adam dan Hawa, dlm versi agama Islam), dalam bahaso Bakati’ disabuik Nange’ nampa nikank’ nononk.
Sistem kapicayoan masyarakaik Dayak Bakati’ pado dasanyo batitiak tulak pado 2 prinsip, yakni picayo jo adonyo Tuhan nan ciek jo picayo juo kapado roh-roh laluhua atau roh nenek moyang nan alah maningga. Dalam sistem kapicayoan masyarakaik Dayak Bakati’ mampunyoi kapicayoan bahso sasudah maningga dunio, mako roh-roh urang tasabuik jasadnyo ka taruih hiduik. Bahkan, ado juo anggapan bahso roh nenek moyang nan alah sampai di batang aia (sarugo) dapek baliak ka dunio iko manjadi palinduang kaluargo atau masyarakaik. Kapado roh ikolah takadang masyarakaik mamohon palinduangan jo manyampaikan pamohonan.
Salain itu, masyarakaik Dayak Bakati juo picayo adonyo dunio ateh jo dunio bawah. Dunio ateh adolah dunio di mano manusio nan hiduik indak bisa melihatnya. dunio iko hanya ada dalam konsep dan dipicayoi masyarakaik. Mereka picayo bahso satalah maningga roh manusio kelak ka manuju ke sinan jo mereka nan alah maningga juo indak sado rohnya dapek manuju ka sinan, malainkan sasuai jo pabuatan jo tindakannyo salamo inyo masih hiduik. Samantaro urang nan maningga tapi rohnyo indak dapek masuak ka dunio , manuruik kapicayoan mereka tatap barado di dunio bawah jo roh-roh ikolah nan salalu manggaduah kahiduikan manusio. Iko sasuai jo pabuekan samaso inyo masih hiduik nan salalu babuek jaek sahinggo Nyaibata indak nio manarimonyo.[1]
Tuhan nanciek dipicayoi dek masyarakaik Dayak Bakati’ adolah nan mangatua jo mamaliharo hiduik manusio, tapi dalam praktik kapicayoan mereka sahari-hari, Tuhan nan ciek tasabuik dibantu dek panguaso-panguaso nan manguasoi tampek-tampek tatantu. Panguas-panguaso itu bawujuik roh-roh haluih/ roh-roh nenek moyang nan dalam bahaso setampek disabuik jo Nyaibata. Nyaibata disamokan jo roh-roh nan elok sabab samaso hiduiknyo inyo dianggap urang nan salalu malakukan pabuekan-pabuekan nan elok jo subagai urang nan bajaso. Nyaibata tasabuik manguasai tampek-tampek tatantu, ado Nyaibata Mani Amas (panjago gunuang), Nyaibata Salina Pusat Pain’t (panjago batang aia), Nyaibata Silot (panjago/palinduang nyawo nan hiduik di dunio). Samantaro untuak mamaliharo manusio subagai palinduang jiwo manusio disabuik jo Ubah Mansari jo Ngina Ukua Untuang subagai pamaliharo manusio.
Sistem kapicayoan masyarakaik Dayak Bakati’ mempicayoi jiko Nyaibata subagai pambantu Tuan Allah mempunyoi 2 sipaik/karakter dalam manjalankan tugaihnyo, yaitu karakter elok jo karakter buruak. Karakter/sipaik buruak dari Nyaibata nampak malalui brangnyo; di antaronyo tajadi malapatako nan manimpo kahiduikan manusio, misalnyo wabah panyakik, kagagalan panen, jo subagainya. Apobilo Nyaibata manunjuakkan kaelokannyo, mako manusio ka mamparoleh katantraman jo kaharmonisan hiduik 3 sarato jauah dari malapatako. Untuak manjago kaharmonisan jo kasaimbangan hubuangan jo Nyaibata tasabuik, mako masyarakaik Dayak Bakati’ salalu mngadokan upacaro-upacaro tradisional jo caro maagiahan pasambahan kapado Nyaibata. Iko batujuan supayo manusio diagiahan kahiduikan nan aman jo sajahtaro jauah dari sagalo balo jo berang. Sadangkan pasambahan ditujuakan kapado paro panguaso supayo indak manggaduah katantraman kahiduikan masyarakaik. Biasonyo sipaik buruak atau rabo dari Nyaibata timbua karano kaindaktaaikan manusio nan alah malangga apo nan alah dipantangkan atau indak mantaaikti norma-norma nan ado dalam masyarakaik.
Dalam sistem kapicayoan masyarakaik Dayak Bakati’ saaik pamujoan indak mangenal wakatu jo hari. Apobilo sasaurang nio bakomunikasi jo Tuan Allah dapek dilakukan pado satiok saaik bilo bilo sajo. Namun panyampaian pamohonan itu harus manghadok ka timua.[1]
Tradisi adaik
suntiangSalah ciek tradisi adaik nan alah dilakukan sajak zaman nenek moyang dahulu jo masih batahan hingga sekarang dek masyarakaik Dayak Bakati di Dusun Baya Dusun Rodaya Kecamatan Ledo Kabupaten Bengkayang adolah Ritual Nyabak. Sajak tahun 2016 ritual iko alah manjadi Perahuk atau katatapan dari musyawarah adaik untuak dijadikan sabagai kalender wisato budayo Kabupaten Bengkayang.
Ritual Nyabak iko alah manjadi agenda tahunan masyarakaik sub suku Dayak Bakati Benua Sejarik nan dilaksanokan satiok tangga 22 Maret. Masyarakaik mangadokan ritual iko sabagai ucapan syukua kapado Jubata (Tuhan nan Maha Esa) ateh panen padi atau rezeki nan alah diagiahkan dek Jubata kapado umaik manusio. Ritual iko dilaksanokan ateh karajosamo atau gotong royong masyarakaik satampek nan disabuik jo Babiris.[5]
Rujuakan
suntiang- ↑ a b c d Rahmawati, Neni (10 April 2012). Mengenal Suku Dayak Bakati’ dan Religinya. Archived 2023-02-03 di Wayback Machine. Borneo Tribun Pontianak. Diakses tanggal 2023-02-03
- ↑ "Warisan Budaya Takbenda | Beranda". warisanbudaya.kemdikbud.go.id. Diarsipkan dari versi asli tanggal 2023-02-12. Diakses tanggal 2023-02-12.
- ↑ Yosua, dkk. Bentuk dan Fungsi Kata Verba Bahasa Dayak Bakati’ Dialek Palayo Desa Bani Amas Kecamatan Bengkayang. CAKRAWALA LINGUISTA: STKIP Singkawang. e-ISSN: 2597-9779 dan p-ISSN: 2597-9787. https://journal.stkipsingkawang.ac.id/index.php/Cling/article/download/1299/1036 Diakses tangga 12-02-2023
- ↑ Zakalius, Antonius dan Sesilia. Pandangan dan Sikap Hidup Suku Dayak Bakati yang Tercermin dalam Cerita Rakyat Dayak Bakati. Pontianak: FKIP Untan https://jurnal.untan.ac.id/index.php/jpdpb/article/viewFile/2670/2650 Diakses tangga 03-02-2023
- ↑ bpnbkalbar (2021-03-25). "Ritual Nyabak Nitik Pade: Ritual Panen Padi Baru Masyarakat Dayak Bakati Benua Sejarik Kabupaten Bengkayang". Balai Pelestarian Nilai Budaya Kalimantan Barat (dalam bahasa Indonesia). Diarsipkan dari versi asli tanggal 2023-02-12. Diakses tanggal 2023-02-12.