Urang Badui

Urang Badui atau Sunda Badui (Bahaso Badui: Urang Kanékés, Urang Cibéo) atau kadang acok disabuik Badui (takadang ditulih sacar indak baku sabagai Baduy) marupokan sakalompok masyarakaik adaik sunda di daerah pedalaman Kabupaten Lebak, Provinsi Banten. Populasi urangnyo sakitar 26.000 urang, inyo marupokan salah satu kalompok masyarakaik nan manutuik diri dari dunia lua. Salain itu inyo punyo juo kayakinan tabu untuak didokumentasian, khususnyo panduduak wilayah Badui Dalam.

Urang Badui
Jumlah populasi
Kawasan bapopulasi cukuik banyak
Banten lk. 26.000 jiwa
Bahaso
Bahasa Sunda Badui
Agamo
99% Sunda Wiwitan • 1% Islam
Kalompok etnik takaik
Sunda Banten • Sunda Priangan

Urang Badui tamasuak sub-Urang dari Urang Sunda, inyo dianggap sabagai masyarakaik Sunda nan alun tapangaruah modernisasi atau kalompok nan hampia sadolahnyo taasiang dari dunia lua.

Masyarakaik Badui indak maidahan istilah "wisata" atau "pariwisata" untuak manganderaan kampuang-kampuangnyo. Sajak 2007, untuak mandeskripsi wilayahnyo samo untuak manjago kasakaralan wilayah ko, masyarakaik Badui mamadahi istilah "Saba Budaya Badui", nan bermakna "Silaturahmi Kabudayaan Badui".

Etimologi

Sabutan "Badui" marupokan sebutan nan diagiah dek panduduak lua ka kalompok masyarakaik ko, baasa dari sebutan para peneliti Balando nan agaknyo manyamoan inyo jo kalompok Arab Badawi nan marupokan masyarakaik nan bapindah-pindah (nomaden). Kamungkinan lain adaloh dek adonyo Sungai Badui dan Gunuang Badui nan ado di bagian utara dari wilayah itu. Inyo surang labiah suko manyambat diri sabagai urang Kanekes atau "urang Kanekes" sasuai jo namo wilayahnyo, atau disabuik nan mangarajoan ka namo kampuangnyo bantuak Urang Cibeo (Garna, 1993).

Badasakan Kamus Besar Bahaso Indonesia, penulisan nan tapek adolah "Badui", indak "Baduy".

Wilayah

Bangunan rumah adaik warga Badui Lua

Urang Badui barmukim di wilayah di Desa Kanekes, Kecamatan Leuwidamar, Kabupaten Lebak. Pamukimannyo tapusat di daerah aliran sungai di sungai Ciujung nan tamasuak dalam wilayah Cagar Budaya Pagunuangan Kendeng. Kanekes sacaro geografis talatak di koordinat 6deg27'27" - 6deg30'0" LS dan 108deg3'9" - 106deg4'55" BT (Permana, 2001). Inyo bamukim tapek di kaki pagunuangan Kendeng nan bajarak sakitar 40 km dari Kota Rangkasbitung. Wilayah nan marupokan bagian dari Pagunuangan Kendeng jo katinggian 300 - 600 m di ateh permukaan lauik (DPL) tu punyo topografi babatuik dan bagalombang jo kamiriangan tanah rato-rato mancapai 45%, nan marupokan tanah vulkunik (di bagian utara), tanah anandapan (di bagian tangah), dan tanah campua (di bagian selatan). suhu rato-rato 20 degC.

Tigo kampuang utamo Kanekes Dalam adolah Cikeusik, Cikertawana, dan Cibeo.

Bahaso

Bahaso nan dipakai dek urang tu adolah bahaso sunda dialek badui. Untuak komunikasi jo panduduak lua awak lancar manggunoan Bahaso Indonesia, walaupun awak ndak mandapekan ilmu itu dari sikolah. Urang kanekes dalam indak tau budaya tulisan, sahinggo adaik-istiadaik, picayoan/agamo, dan carito nenek moyang hanyo tasimpan di dalam tuturan lisan se.

Urang kanekes indak kenal jo sikolah, karano pendidikan formal balawanan jo adaik-istiadaiknyo. Inyo indak manulak usulan pemerintah untuak mambangun fasilitas sikolah di desa-desa inyo. Bahkan sampai kini ko, walaupun sajak era Soeharto pamarintah alah mancubo mamaso inyo untuak barubah caro iduiknyo dan mambangun fasilitas sikolah modern di wilayahnyo, urang Kanekes masih manulak usaho pamarintah ko. Tapi masyarakaik Kanekes punyo caro surang untuak baraja serta mangambangan wawasan inyo sampai samo jo masyarakaik di lua Urang Badui.

Kelompok masyarakaik

Urang Kanekes pado tahun 2010

Masyarakaik Kanekes sacaro umum tabagi manjadi tigo kalompok yaitu tangtu, panamping, dan dangka (Permana, 2001).

Kelompok tangtu adolah kalompok nan takenal sabagai Kanekes Dalam (Badui Dalam), nan paliang strik ma ikuik adaik, yaitu warga nan tingga di tigo kampuang Cibeo, Cikertawana, dan Cikeusik. Ciri khas Urang Kanekes Dalam adolah pakaiannyo bawarna putiah alami dan biru tuo (warna tarum) serta mamakai ikatan ulu putih. Inyo dilarang sacaro adaik untuak batamu jo urang asiang.

Kanekes Dalam adolah bagian dari sadolah urang Kanekes. Indak bantuak kanekes lua, warga kanekes dalam masih mancekek taruih adaik-istiadaik nenek moyangnyo.

Sebagian peraturan nan dianut dek Urang Kanekes Dalam antaro lain:

• Indak buliah manggunoan kendaraan untuak sarana transportasi
• Tidak buliah manggunoan aleh kaki
• Pintu rumah haruih manghadap ka utara/selatan (kecuali rumah sang Pu'un atau ketua adaik)
• Larangan manggunoan alaik elektronik (teknologi)
• manggunoan kain berwarna hitam/putih sabagai pakaian nan ditenun jo dijahik surang sarato indak buliah manggunoan pakaian modern.

Kelompok masyarakaik kaduo nan disabuik panampiang adolah urang nan takenal sabagai Kanekes Lueh (Badui Lueh), nan tingga di babagai kampung nan tasebar mabaliangan wilayah Kanekes Dalam, sarupo Cikadu, Kaduketuk, Kadukolot, Gajeboh, Cisagu, dan lain-lain sarupo itu. Masyarakaik Kanekes lua punyo ciri khas mamakai baju dan ikatan kapalo bawarna biru itam (warna tarum).

Kanekes lua adolah urang-urang nan alah kalua dari adaik jo wilayah Kanekes Dalam. Ado babarapo hal nan manyababkan dikaluahan warga Kanekes Dalam ka Kanekes Lueh:

• Mereka alah malanga adaik masyarakaik Kanekes Dalam.
• Berkeinginan untuak kalua dari Kanekes Dalam
• Manikah jo anggota Kanekes Lua

Ciri-ciri masyarakaik orang Kanekes Lua

• Urang tu alah tau jo teknologi, seperti paralatan elektronik.
• Proses pambangunan rumah panduduak kanekes lua alah manggunoan paralatan bantuak, mode gergaji, palu, paku, dll, nan sabalunnyo dilarang dek adaik kanekes Dalam
• manggunoan baju adaik jo warna itam atau biru tua ( untuak laki-laki), nan manandokan bahwa inyo ndak suci. Kadang manggunoan baju modern mode kaos oblong dan sarawa jeans.
• manggunoan peralatan rumah tangga modern, mode kasua, banta, piriang & galeh kaco & plastik.
• Urang tu alah tinggal di lua wilayah Kanekes Dalam.
• Sabanyak di antaro inyo alah terpengaruh dan berpindah agamo jadi surang muslim dalam jumlah cukuik signifikan.

Kalau Kanekes Dalam jo Kanekes Lua tingga di wilayah kanekes, mako kanekes Dangka tingga di lua kanekes, dan kini tingga 2 kampuang nan tasiso, yaitu padawaras (Cibengkung) dan Sirahdayeuh (Cihandam). Kampuang Dangka tu bakarajo sabagai sajenis buffer zone dek pengaruh dari lua.

Asa usua

Delegasi Kanekes sakita tahun 1920

Manuruik kapercayoan nan inyo anut, urang Kanekes mangaku katurunan dari Batara Cikal, salah ciek dari tujuah dewa atau batara nan di utuih ka bumi. Asa usua ko acok juo dihubungi jo Nabi Adam sabagai nenek moyang patamo. Manuruik kapercayoan urang-urang tu, Adam jo turunannyo, tamasuak warga Kanekes, punyo tugas bertapa atau asketik (mandita) untuak manjaga harmoni dunia.

Pendapat tantang asa usua urang Kanekes babeda jo pandapek para ahli sejarah, nan mandasar pandapeknyo jo caro sintesis dari babarapo bukti sejarah bantuak prasasti, catatan perjalanan pelaut Portugis jo Tiongkok, jo carito rakyat tantang 'Tatar Sunda' nan cukuik minim adoannyo. Masyarakaik Kanekes dikaitkan jo Karajaan Sunda nan sabalunnyo runtuahnyo pado abad ke-16 bapusat di Pakuan Pajajaran (sakitar Bogor kini ko). Sabalun bariri Kesultanan Banten, wilayah ujung barat pulau Jawa ko marupokan bagian penting dari Karajaan Sunda. Banten marupokan palabuhan perdagangan nan cukuik gadang. Sungai Ciujung dapek dilayari babagai jenis perahu, dan rami dipakai untuak pangangkutan hasil bumi dari wilayah pedalaman. Dengan saitu panguaso wilayah tu, nan disabuik sabagai Pangeran Pucuk Umun mamandang bahwa kalestarian sungai paralu dipartahankan. Untuak itu disuruahlah sabuah pasukan tentara karajaan nan sangaik talatih untuak manjago dan mamanajoan kawasan hutan kandang dan babukik di wilayah Gunuang Kendeng tu. Kebadan pasaro jo tugasnyo nan khusus tu bantuaknyo jadi cikal baka masyarakaik Kanekes nan sampai kini masih manduduaki wilayah hulu Sungai Ciujung di Gunung Kendeng tu (Adimihardja, 2000). Pandaian pandapek tu mambaok ka dugaan kalau di masa nan lalu, identitas dan kesasaritaan inyo sangajo disuruang, nan mungkin adolah untuak malinduangan komunitas Kanekes surang dari serangan musuah-musuah Pajajaran.

Van Tricht, surang dokter nan pernah mangarajoan riset kasehatan pado tahun 1928, manulak teori tu. Manuruiknyo, urang Kanekes adolah panduduak asli daerah ko nan punyo daya tolak kuek ka pengaruh lua (Garna, 1993b: 146). Urang kanekes surang pun indak manarimo kalau dikecekan bahwa awak tu barasa dari urang-urang pelarian dari Pajajaran, ibu kota Karajaan Sunda. Manuruik Danasasmita dan Djatisunda (1986:4-5) urang Badui marupokan panduduak setempat nan dijadian mandala' (kawasan suci) sacaro resmi dek raja, karano panduduaknyo babari tugas maambiak kabuyutan (tamo pemujaan leluhur atau nenek moyang), indak agamo Hindu atau Budha. Kabayoutan di daerah ko takenal jo kabayoutan Jati Sunda atau 'Sunda Asli' atau Sunda Wiwitan (wiwitan=asli, asa, pokok, jati). Dek karano itu agamo asli urang tu pun diagiah namo sunda wiwitan.

Lukisan urang Badui di Rijksmuseum Amsterdam sakita tahun 1816 - 1846

Kepercayaan

Kaparcayoan masyarakaik Kanekes nan disabuik sabagai ajaran Sunda Wiwitan, ajaran nenek moyang turun temurun nan barasar pado panghormatan ka karuhun atau arwah nenek moyang dan pemujaan ka roh kakuatan alam (animisme). Walaupun kabanyakan aspek ajaran ko adolah asli tradisi turun-temurun, pado pangambangan labiah lanjut ajaran leluak ko juo agak dipangaruah dek babarapo aspek ajaran Hindu, Buddha, dan di lamo dari ajaran Islam.

Bentuk panghormatan ka roh kakuatan alam ko diwujud malalui sikap mangarajoan dan malestarikan alam; yaitu mangarajoan alam sekitar (gunung, bukik, lembah, hutan, kabun, mata aia, sungai, dan sadolah ekosistem di dalamnyo), jo maagiah penghargaan tinggigo-tingginyo ka alam, jo caro mangarajoan dan mangarajoan hutan larangan sabagai bagian dalam usaho mangarajoan kasaimbangan alam semesta. Inti kayakinan ko ditunjuakan jo adonyo pikukuh atau ketentuan adaik mutlak nan dianut dalam kehidupan sahari-hari urang Kanekes (Garna, 1993). Isi paliang paralu dari 'pikukuh' (kapatuhan) Kanekes tu adolah konsep "tanpa parubahan apo pun," atau parubahan sesedikit mungkin:

Lojor heunteu beunang dipotong, pèndèk heunteu beunang disambung (panjang tidak bisa/tidak boleh dipotong, pendek tidak bisa/tidak boleh disambung).

Tabu tu dalam kehidupan sahari-hari diinterpretasian sacaro harafiah. Di bidang patanian, bantuak pikukuh tu adolah jo indak maubah kontur lahan untuak ladang, sahinggo caro baladangnyo sangaik sederhana, indak maolah lahan jo bajak, indak mambuek terasering, hanyo mananam jo tugal, yaitu sapotok bambu nan diruncingan. Di pambangunan rumah juo kontur permukaan tanah dibiayaan apo ado, sahinggo tiang panyangga rumah Kanekes acok kali ndak samo lamo. Katokan dan karajo urang-urang tu pun ikhlas, polos, indak basa-basi, bahkan dalam badagang urang tu indak mangarajoan tawa-manawa.

Objek kayakinan paliang paralu untuak masyarakaik Kanekes adolah Arca Domas, nan lokasinyo di rahasiakan dan dianggap paliang sakral. Urang kanekes mangunjuangi lokasi ko untuak malakuan pemujaan sataun sakali di bulan Kalima, nan pado tahun 2003 batampuah jo bulan Juli. Hanyo Pu'un atau ketua adaik paliang tinggi dan babarapo anggota masyarakaik tapileh se nan ma ikuikan rombongan pemujaan tu. Di komplek Arca Domas tu ado batu lumpang nan mangaluwakan aia hujan. Kalau pado wakatu pemujaan ditamuakan batu lumpang tu ado dalam kaadaan panuah jo aia nan janiah, mako untuak masyarakaik Kanekes itu marupokan patando bahwa hujan pado tahun itu ka banyak turun, dan panen ka berhasil ancak. Salain itu, kalau batu lumpang kariang atau bakair karuah, mako marupokan patando gagal panen.

Untuak sabagian kalangan, berkaitan jo kataguhan masyarakaiknyo, kayakinan nan dianut masyarakaik adaik Kanekes ko maambekan kayakinan kaagamoan masyarakaik sunda sacaro umum sabalunnyo masuak Islam.

Pamarintahan

Struktua pamarintahan Kanekes

Masyarakaik Kanekes tau duo sistem pamarintah, yaitu sistem nasional, nan ikuik aturan negara Indonesia, dan sistem adaik nan ikuik adaik istiadaik nan dipercaya masyarakaik. Kaduo sistem itu digabung atau diakulturasikan sahinggo ruponyo sahinggo ndak tajadi benturan. Sacaro nasional, panduduak Kanekes dipimpin dek kapalo desa nan disabuik sabagai jaro pamarintah, nan ado di bawah camat, sadangkan sacaro adaik tunduak ka pimpinan adaik Kanekes nan paliang tinggi, yaitu "Pu'un".

Pamimpin adaik paliang tinggi dalam masyarakaik Kanekes adolah "Pu'un" nan ado di tigo kampung tangtu. Jabatan ko berlangsung turun-temurun, tapi indak otomatis dari apak ka anak, tapi dapek lo sanak lainnyo. Jangka wakatu jabatan Pu'un indak ditantuan, hanyo badasarkan pado kemampuan surang urang maninggaan jabatan tu.

Mato pancaharian

Sabana nan alah tajadi salamo ratusan tahun, mako mata pancaharian utamo masyarakaik Kanekes adolah patani padi huma. Salain itu inyo dapek juo panghasilan tambahan dari manjua buah-buahan nan inyo ambiak di hutan mode durian dan asam keranji, jo madu hutan.

Interaksi jo masyarakaik lua

Masyarakaik Kanekes nan sampai kini ko strik ma ikuikan adaik-istiadaik indak marupokan masyarakaik taasing, tapencil, atau masyarakaik nan taisolasi dari pangambangan dunia lua.

Rumah Tradisional Warga Baduy Lua

Berdiriannyo Kesultanan Banten nan otomatis masuak Kanekes ka dalam wilayah kekuasaannyo pun indak lepas dari kasadaran urang tu. Sebagai tando kepatuhan/pengakuan ka panguaso, masyarakaik Kanekes sacaro rutin malakuan seba ka Kesultanan Banten (Garna, 1993). Sampai kini, upacara seba ko taruih dilakuan sataun sakali, bantuak mangiriman hasil bumi (padi, palawija, buah-buahan) ka Gubernur Banten (sadurungnyo ka Gubernur Jawa Barat), malalui Bupati Lebak di Kota Rangkasbitung. Di bidang patanian, panduduak Kanekes Lueh mainteraksi erat jo masyarakaik lua, misalnyo dalam sewa-maunyo tanah, dan tenaga karajo.

Dagang nan pado wakatu nan lalu dikarajoan sacaro barter, kini ko alah manggunoan mata uang rupiah biaso. Urang kanekes manjua hasil buah-buahan, madu, jo gula kawung/aren malalui para tengkulak. Inyo juo mambali kebutuhan iduik nan indak diproduksi surang di pasa. Pasar untuak urang kanekes talatak di lua wilayah kanekes mode pasa Kroya, Cibengkung, dan Ciboleger.

Pas kini urang lua nan mangunjuangi wilayah Kanekes samakin maningkat sampai jo ratusan urang per kali kunjuangan, biasonyo marupokan remaja dari sikolah, mahasiswa, dan juo para pangunjuang dewasa lainnyo. Inyo manarimo para pangunjuang ko, bahkan untuak manginap ciek malam, jo ketentuan kalau pangunjuang mauruik adaik-istiadaik nan berlaku di sinan. Aturan adaik ko antaro lain indak buliah bafoto di wilayah Kanekes Dalam, indak manggunoan sabun, sampo atau sikat gigi jo pasta gigi di sungai, indak buliah buang sarok sembarangan. Namun, wilayah Kanekes tatap talarang untuak urang asing (non-WNI). Babarapo wartawan asiang nan mancubo masuak sampai kini taruih indak ditarimo masuak.

Pas wakatu karajo di ladang indak talampau banyak, urang kanekes sanang juo bajalanan ka kota gadang sakitar wilayahnyo jo syarat harus bajalan kaki. Pado umumnyo inyo pai dalam rombongan ketek nan tadiri dari 3 hinggo 5 urang, bakunjuang ka rumah kenalan nan pernah tibo ka Kanekes sambia manjua madu dan hasil karajinan tangan. Dalam kunjungan itu biasonyo inyo mandapekan tambahan pitih untuak manampungkan paraluan iduik.

Kapustakaan

• Adimihardja, K. (2000). Orang Baduy di Banten Selatan: Manusia air pemelihara sungai, Jurnal Antropologi Indonesia, Th. XXIV, No. 61, Jan-Apr 2000, hal 47 – 59.
• Garna, Y. (1993). masyarakaik Baduy di Banten, dalam masyarakaik Terasing di Indonesia, Editor: Koentjaraningrat & Simorangkir, Seri Etnografi Indonesia No.4. Jakarta: Departemen Sosial dan Dewan Nasional Indonesia untuk Kesejahteraan Sosial dengan Gramedia Pustaka Utama.
• Iskandar, J. (1991). An evaluation of the shifting cultivation systems of the Baduy society in West Java using system modelling, Thesis Abstract of AGS Students, [1].
• Makmur, A. (2001). Pamarentahan Baduy di Desa Kanekes: Perspektif kekerabatan, [2].
• Nugraheni, E. & Winata, A. (2003). Konservasi lingkungan dan plasma Nutfah manuruik kearifan tradisional masyarakaik kasepuhan Gunung Halimun, Jurnal Studi Indonesia, Volume 13, Nomor 2, September 2003, halaman 126-143.
• Permana, C.E. (2001). Kesetaraan gender dalam adaik inti jagat Baduy, Jakarta: Wedatama Widya Sastra.
• Permana, C.E. (2003). Arca Domas Baduy: Sebuah referensi arkeologi dalam penafsiran ruang masyarakaik megalitik, Indonesian Arheology on the Net, [3]
• Permana, C.E. (2003). Religi dalam tradisi bercocok tanam sederhana, Indonesian Arheology on the Net, [4]
• Ascher, Robert, 1971 Analogy in Archaeological Interpretation, dalam James Deetz (ed.) Mans Imprint from the Past. Boston: Little Brown. Hal: 262271.
• Danasasmita, Saleh dan Anis Djatisunda,., 1986 Kehidupan masyarakaik Kanekes. Bandung: Sundanologi.
• Ekadjati, Edi S., 1995 Kebudayaan Sunda (Suatu Pendekatan Sejarah). Jakarta: Pustaka Jaya.
• Garna, Judhistira, 1988 Perubahan Sosial Budaya Baduy dalam Nurhadi Rangkuti (Peny.). Orang Baduy dari Inti Jagat. Bentara Budaya, KOMPAS, Yogyakarta: Etnodata Prosindo.
• 1993 masyarakaik Baduy di Banten, dalam Koentjaraningrat (ed.) masyarakaik Terasing di Indonesia. Jakarta: Gramedia . Hal. 120-152)
• Hoevell, W.R. van, 1845 Bijdrage tot de kennis der Badoeinen in het zuiden der residentie Bantam. TNI, VII: 335-430.
• Iskandar, Johan, 1992 Ekologi Perladangan di Indonesia: Studi Kasus dari Daerah Baduy, Banten Selatan, Jawa Barat. Jakarta: Djambatan.
• Jacobs, J. and J.J. Meijer, 1891 De Badoejs. s-Grahenhage: Martinus Nijhoff.
• Koorders, D., 1869 Losse Aantekeningeng tijdens het bezoek bij de Badois, BKI, LVI: 335-341.
• Kramer, C., 1979 Etnoarchaeology: Implication of Ethnography for Archaeology. New York: Columbia University Press.
• Mundardjito., 1981 Etnoarkeologi: Peranannya dalam Pengembangan Arkeologi di Indonesia, dalam Majalah Arkeologi 1-2, IV:17-29
• Permana, R. Cecep Eka, 1996 Tata Ruang masyarakaik Baduy. Tesis Antropologi Program Pascasarjana Universitas Indonesia.
• Pleyte, C.M., 1909 Artja Domas, het zielenland der Badoejs. Tijdschrift voor Indishe Taal, land en Volkenkunde. LI:Afl. 6: 494-526.
• Sucipto, Toto (Drs.); Limbeng, Julianus, S.Sn., M.Si. (2007). Dra. Siti Maria. ed. Studi Tentang Religi Masyarakat Baduy di Desa Kanekes Provinsi Banten. Seri pengungkapan nilai-nilai kepercayaan komunitas adat. Jakarta: Departemen Kebudayaan dan Pariwisata; Direktorat Jenderal Nilai Budaya, Seni dan Film; Direktorat Kepercayaan Terhadap Tuhan Yang Maha Esa. https://books.google.co.id/books?id=qgLFCgAAQBAJ&dq=bibliogroup%3A. 
• Tricht, B. van, 1929 Levende Antiquiteiten in West-Java. Djawa IX: 43-120.
• Rahardjo, D.M. (2002). Urang kanekes di Banten Kidul. Jakarta: Badan pengembangan kebudayaan dan pariwisata. OCLC 993742641. http://repositori.kemdikbud.go.id/10756/.