Urang Ayfat

Suku Ayfat marupokan suku banso yang mandiami wilayah aliran Sungai Kamundan jo di sakaliliang Danau Ayamaru, Kabupaten Sorong, Provinsi Papua Barat. Kekhasan suku iko adolah budaya tuka-manuka kain timur di antaro urang ko, yaitu kain tenun yang mampunyoi kamiripan jo tenun Nusa Tenggara Timur. Kaluargo batih Ayfat tingga di rumah batiang tinggi yang dihuni oleh ciek kalompok kakarabatan jo garih katurunan pihak laki-laki (patrilineal). Daerah ini dikenal pulo dengan namo "kapalo buruang". Urang ko manempati aliran batang aia Kamundan jo di kaliliangi danau Ayamaru. Diduga masih sakalompok dengan suku banso Meybrat, Ayamaru, ditandoi oleh bahso inyo yang hampia samo, yaitu kalompok bahaso Meybrat.

Suku Ayfat
Jumlah populasi
Pado Tahun 2018 : 15.000 Jiwa
Kawasan bapopulasi cukuik banyak
Indonesia: [[Papua Barat]: kurang labiah15.000 Jiwa
Bahaso
bahaso Ayfat (Tamasuak Kalompok Bahaso Meybrat)
Agamo
Kristen Protestan dan Katolik, namun ada sedikit yang beragama Islam, Animisme.
Kalompok etnik takaik
Suku Meybrat.

Kakaluargaan

Kakeluargaan Batih Ayfat tingga di rumah batiang tinggi, yang biasonyo didirikan di tangah ladang urang ko. Rumah samacam iko salain dihuni oleh satu kaluargo batih yang acok ditambah jo anggota lain, sarupo anak angkek, saurang jando atau duda dari karabat dekek. Kaluargo-kaluargo batih iko tingga badakek dalam sakalompok kakarabatan satingkek suku. kalmpok kakarabata ini biasanyo dihituang dari pihak laki-laki (patrilineal), maskipun pola manatap sasudah kawin ado yang di lingkuangan kaluargo pihak padusi (uksorilokal).

Mato pancaharian

Mato pancaharian masyarakaik suku Afyat iko adolah baladang, maramu hasia hutan, sarato baburu jo manangkok lawuak sabagai mato pancaharian sambilan. Makanan pokok dalam suku Ayfat iko adolah Sagu, ditambah jo ubi atau pisang jo karambia dari hasil ladangnyo.

Kahidupan ekonomi masyarakaik iko mulai barubah sasudah masuaknyo pangaruah misi agamo Protestan (Zending) pado taun 1911, diikuti dek agamo katolik pado taun 1949, dan pamarintah Indonesia sajak patangahan taun 1960-an. Sabagian dari urang iko mamiliah bakarajo di parusahaan minyak yang mulai didirikan didaerah itu sajak taun 1957. Urang iko pun alah biaso mangadokan kontak dagang jo panduduak pasisia, jo caro mampadagangkan kain, galang dari kulik sipuik, tariang buayo, jo ciliang, kaluang dari ikek punggang dihiasi maniak-maniak, tamasuak buruang Cendrawasi, jo barang lain sabagainyo.

Asa-usua

Para urang tuo suku Ayfat Imian Sawiat dari turun tamurun nmampunyoi carito tentang rumah tradisional suku Maybrat Iman Sawiat. Riwayat carito kalau arsitek tradisional suku Ayfat Iman Sawiat partamo kali dibangun dek duo urang niniak moyang pado babarapo abad taun silam, kaduo urang iko adolah Too da Sur, yang mano Too dikenal jo sabutan untuak tali dan Sur dikenal jo sabutan untuak Kayu. Dari caritonyo rumah tradisional suku iko dibangun jo maikuik caro buruang buek sarang (Ru Habe) yang mano katiko itu niniak moyangnyo yang banamo Sur duduak dan mamparatikan buruang mambuek sarang jo mambaok dahan-dahan kayu untuak mambuek sarang di ateh batang kayu, kamudian baru tapikia ide untuak mambuek rumah jo caro sarupo itu nan mano sabalumnyo rumah urang suku iko iolah manatap di goa-goa.

Sasudah mamparatian buruang mambuek rumah, Sur pun mulai mangumpuan kayu untuak mambuek rumah tapi dalam mambuek rumah sarupo buruang nan dibayangkan Sur tanyato indak samudah itu, Sur iko mangalami kasulitan untuak mambuek kayu yang inyo pasang di batang kayu manjadi kuek dan indak jatuah. Kamudian pado akhirnyo Sur barusaho untuak mamparatikan baliak caro buruang mambuek sarang jo naiak ka tampek sarang buruang tu barado, namun Sur indak mangarati kanapo caro buruang nan di ikuiknyo indak barasil, kamudian tibolah saudaranyo banamo Too nan maagiah saran untuak mangabek kayu jo tali, akhianyo Sur maikuik saran saudaranyo dan barasil, kamudian kaduo saudara iko sapakek untuak mambuek rumah yang biso ditampati dari kayu sarupo buruang, dan untuak partamo kali badirilah rumah adat suku banso Ayfat. Kamudian sampai kini pun, katiko ado kaluargo suku iko nan mambuek rumah, pasti indak lapeh dari padoman niniak moyangnyo katiko mambuek rumah, dalam artian bahan dari kayu jo rotan kamudian rumah nan bapangguang yang di bangun indak manggunokan semen sarupo rumah modern dan hanyo mangandalkan kulik kayu sabagai bahan untuak mangabek tiok tiang kayu jo atok nan tabuek dari, buluah jo jirami. Kamudian urang ko juo mangadokan upacara sabalum mambuek rumah, sabagai patando manghormati niniak moyangnyo nan alah ma ajari caro mambuek rumah yang elok, adopun ritualnyo biasonyo adolah mambantai hewan taranak sarupo Ciliang untuak kamudian darahnyo diserakkan di sakitar tampek ka mambangun rumah, baru sasudah itu makan basamo dan di lanjuikkan jo gotong royong mangumpuan bahan mambangun rumah sarato mandirikan rumahnyo.

Indak ado urang nan mangatahui pasti tampek sabananyo di mano partamo kali pamukiman suku iko barado, namun sacaro manyaluruah diungkapkan kalau tampeknyo di daerah wilayah Maybrat atau Imian atau Sawiat, alasannyo karano bahaso namo kaduo urang niniak moyang suku iko iolah manggunokan bahaso Maybrad sahinggo dapek disimpuakan kalau kajadiannyo tajadi di wilayah Maybrad dan asal-usua suku urang ko pun dari situ.

Sarupo nan dijalehan di ateh rumah adat suku urang ko tabuek dari kayu jo rotan, hal iko dibatuakan dek suatu bukti sabagaimano bukti-bukti autentik sarato jo sabutan Too nan barati (Rotan) jo Sur nan barati (kayu), dan kalau dikaji jauah kabalakang pado zaman sabalum urang-urang Maybrat mambutuahkan tampek tingga untuak managgulangi diri jo kaluargo dari serangan binatang, mako urang suku iko barubah dan mambangun rumah panguang untuak kaamanan, nan mano sabalumnyo urang-urang kalompok suku iko tingga di dalam sabuah gua nan banamo (Isra).

Namun, sampai kini indak ado panalitian tentang goa-goa yang dahulu digunokan sabagai tampek malinduangi diri, disampiang goa-goa adopulo benda-benda pusako lainyo yang diwariskan niniak moyang urang ko yang hinggo kini masih disimpan. Barang-barang warisan tasabui adolah, Parang (Hrambra), parang iko manuruik carito tatuah bahwa marupokan pambarian dari alam (tagio) dan hinggo kini indak dikatahui siapo pambuek Parang iko, kamudian ado tariang Nago (Safah), Tariang nago di jumpai babantuak lingkaran Cyrus, kamudian tariang Ciliang, nan babantuak huruf C, paninggalan-paninggalan iko kamudian dipicayo mampunyoi nilai-nilai karamat nan tinggi. Sabagai sabuah pusako nan karamat urang suku iko mampalakukan benda-benda iko jo caro nan sapesial, sarupo di mandikan katiko di hari-hari tatantu dalam upacara jo ritual adat.