Urang Asali
Urang Asali (bahaso Malayu: Orang Asli) adolah kalompok panduduak asali sarato panguni tatuo di Tanjuang Malaya. Ado 18 kalompok etnik Urang Asali, nan dikalompokkan badasaan bahaso-bahaso sarato adaik-adaik nan balainan:
- Urang Samang (atau Urang Negrito), biasonyo marujuak kapado urang-urang asali nan bamukim di balah utaro Tanjuang Malaya.
- Urang Sanoi, biasonyo bamukim di wilayah tangah Tanjuang Malaya.
- Urang Proto-Malayu (atau Urang Malayu Asali), di salatan Tanjuang.
 Sakalompok Urang Asali dari Malako mamakai pakaian adaik | |
| Total populasi | |
|---|---|
| 178.197 (2010)[1] | |
| Kawasan jo populasi nan signifikan | |
| Malaysia | |
| Bahaso | |
| Bahaso-bahaso Urang Asali (Bahaso Austroasiatik) Bahaso-bahaso Urang Malayu Asali (Bahaso Austronesia) | |
| Agamo | |
| Animisme, Kristen, Islam, Hindu, Buddha, Baha'i | |
| Kalompok etnis takaik | |
| Urang Samang, Sanoi, jo Proto-Malayu dari Tanjuang Malaya Urang Maniq dari Thailand Salatan Urang Rimbo, Talang Mamak, Akit, jo Sakai dari Sumatera, Indonesia |
Ado duo kalompok etnik utamo bantuak Kalompok Samang jo Sanoi, nan marupokan panutua Bahaso Austroasiatik atau disabuik pulo sabagai Bahaso Mon–Khmer, adolah urang-urang asali dari Tanjuang Malaya. Urang Proto-Malayu, nan babahaso Bahaso Austronesia, bapindah ka wilayah tasabuik sakironyo pado tahun 2500 SM sampai ka tahun 1500 SM. Urang Proto-Malayu dikalompokan jo paniliti sabagai Urang Malayu tapi dikalompokkan baliak ka dalam Urang Asali dek Panjajah Inggirih karano kasamoan dari gayo iduik, susunan masyarakaik, sarato ekonomi jo Urang Urang Sanoi jo Samang.
Urang Asali adolah ciek dari 95 kalompok-kalompok etnik asali Malaysia, Urang Asa, nan mampunyoi adaik jo bahaso nan lain.[2]
Ado sabuah Musium Urang Asali di Malako, jo Gombak, sakironyo 25 kilometer di balah utaro Kualo Lumpua.
Referensi
suntiang- ↑ Colin Nicholas (20 August 2012). "A Brief Introduction: The Orang Asli Of Peninsular Malaysia". Center for Orang Asli Concerns. Diarsipkan dari versi asli tanggal 16 February 2020. Diakses tanggal 14 June 2018.
- ↑ Masron, T.; Masami, F.; Ismail, Norhasimah (2013-01-01). "Orang Asli in Peninsular Malaysia: population, spatial distribution and socio-economic condition". J. Ritsumeikan Soc. Sci. Hum. 6: 75–115.